的確好耐無寫過日記啦！因為考試嘛！就係忙的啊！不過，唔代表我識！

相反，我覺得今次應該無上次咁好。可能因為第一份卷已經死左，信心無晒，

不過，之後好返少少，但今次eng reading又試做唔晒，唉....真差勁！

不過作文又覺得自己ok bor！都唔知做乜，臨走既時候，陳家慧係台上面，

話天日考果個什麼考評局的測試，唔洗溫書！全場嘩然！真係o左！少有bor！

老師叫學生唔好溫書，真係都唔知做乜！所以，返到黎就勁得閒，不過，

就比左一個空間自己去回憶過去既卷，灰到.....所以都唔係好事！信心死晒！

今日返到去行行下，之後集隊！溫下書la，之後早會既時候又聽到擦鞋仔把聲lor！

想溫多陣都唔得，過左一陣之後，又係度叫我地快d集好隊，唔好再溫書la..咁.....

我真係想一本書鄭出去！之後，過左一陣，佢又話︰請你地立即收埋本書！

我真係講左出黎，好煩ar你！

今日form five既last day，係day f。要落去集隊，亦係最後一個上課天。

返到去溫聖經，溫到唔係好捨得落去！最終無遲到！趕到！但今日個早會好無聊，

勁班獎，之後，擦鞋仔叫我地中五留低，原來又check過儀容！oh my god！！

之後既班主任課真係好似中一既時候，我真係好想返返中一ar！可惜時間不留人！

之後聖經堂，默書，之後，miss lau講下一d關於一個基督教既web site，

咁就係最後的聖經堂la！唉！！！之後eng堂，最後之英文堂，無咩特別，但係，

好值得珍惜！小息，無時間溫phy，phy堂完左之後，成班係phycis lab影相！

lunch，原本想溫書，可惜力不從心。落左canteen，又見到大獅子做野，幫人補考！

佢係唔係真係咁勤力，成日都做野呢？最後的一堂係bio，可惜miss ng領漏野，

返去staff room領，但我地班唔生性，勁嘈，miss ng返黎之後，話我地嘈，

仲要樓梯口已經聽到，真係估唔到學校係咁靜，咁遠都聽到！諗起孔聖堂！回憶.....

企係度既時候，係完全聽唔到書既.....放學，清埋locker，之後，就走lu！無人倍，

仲要係門口見到擦鞋仔，幸好佢注意力集中係一位男同學身上，於是偷偷地溜走了！

今日係惜別週會，我係司琴，所以，8:40要返到去hall rehearsal，

所以，我好神心地早左10分鐘出門口。係mtr station見到幾個我班的男人！

之後，返到去，未夠8:40，坐係class room抖一陣，之後，就落hall。

首歌都幾熟下，我亦都好似幾有自信。我真係好豪邁奔放地彈出黎，有校歌既feel！

但彈彈下，就唔知點解成日彈錯，嚇死我！lam yu同lee ka wing唱歌，

幾開心。但我亦都feel到好大壓力！真係好驚ga，特別係首校歌ar！有陰影！

要用力克服陰影，亦要用力克服果種壓力，真係好辛苦！我開始愈彈愈大力！

之後上返去，應該係英文早讀，但我都無睇過本英文書一眼，淨係睇住本詩集，

bio堂，miss ng話我地份premock令佢覺得我地無溫過書，唔想改，亦將會唔改，

之後問邊個有好認真地溫過，見佢個語氣咁，我雖然係有溫，但如果舉左，

又好似同佢作對咁，唔係幾好。所以無舉到，但估唔到carmenli竟然舉左lor！驚訝！

之後miss ng話一定會改佢果份，其他果d就唔改，之後，真係有d後悔唔舉，

真係唔想佢唔改ar！chem堂，塑膠既quiz，23/27，都ok bor！之後，落hall準備，

見到miss ng，寧願唔rehearsal，都沖落台下，都要搵佢，求佢改我份premock！

之後係無乜心理準備之下，d人就入左黎la！但我未意識到，直至見到擦鞋仔係台下出現。

等等等，之後，到真正要彈既時候，我真係好大力，大力到要殺人咁！唔理咁多，

咩緊張，壓力，通通唔理！我不斷拉軟d手指，之後，彈完之後真係鬆一口氣！

之後落返去，第一下好礙眼！因見到好多前排既老師都望過黎！之後入返位，仲礙眼！

因為太迫了！5A一開始既時候，真係幾好笑下，之後唱歌就好感性，整體都幾好！

到5B，無乜笑料，平平淡淡，5C，同O同埋一個男人鬥笑果下真係幾好笑下！

到我地班，ar lok條片都好好笑下，同無線既野去改做5D，仲有D引黎在場人仕的笑聲！

好少週會都見到咁多老師，但今次例外! 包括陳皮，大獅子等唔應該出現既都出現左！

上台唱歌，因為企位既問題，我既瞧點就要望住佢，我亦見到佢望住我！！好想黑面，

但始終無做到。全個過程都保持笑，之後，5E真係好多笑料，足以令全場都笑！！

特別係最尾奔向夕陽，超好笑！之後lunch，好多人同我反映我彈得唔錯，但好奇怪，

之前聽過我彈琴既同學就覺得我彈得好大力，之前未聽過，就覺得無乜野，唔覺。

lunch，見到miss ng(p.a)，同佢講得真係好開心，好耐都試過la！係自從舊年年尾.....

佢話我彈得幾好ar！好開心ar！其實真係happy ending！又可以克服到陰影，

無彈錯校歌！放學去問chem，見到大獅子領掃把！又見到miss ng，再求佢多次！

問完chem之後，見到大獅子又係度train人，佢真係好有毅力bor！