今日同平日一樣，都係返學校。唔知幾時，我已經將返學校列為必定進行的活動，例行公事，連啊JAN都話︰

我唔覺你放緊假LOR！真係比佢吹脹。而我自己都唔知幾時變左做第一型，上個星期，做心理測驗先知道，原來，

我既心態已經變左。坐340返去，我唔知點解WING WING地，不自覺地早左一個站禁鐘，之後，同個司機講，

之後叫佢下個站停比我，之後，佢唔停wor，之後有d驚，唔知佢幾時停，但慢慢就覺得有d嬲。

我一向都好驚坐340miss左個站，因為我唔知前面係咩，會隔幾遠先有站，再遠既路我都唔識，真係淆左！

因為天就黑！好在唔係好遠，落左車之後見到hypermarket！但都要行好耐。一路行，其實真係有d炆，

點解佢唔停比我！不過，諗諗下，其實我唔應該怪佢，反而應該多謝佢。因為佢令我唔再驚坐340miss站，

下次就算真係唔小心又miss左個站，都唔會淆底，因為我已經試過。証明左︰ignorance result in fear.

雖然自己有一個BLOG，但係因為個BLOG好公開既關係，好多野都唔方便寫係個BLOG裡面，由一中既暑假到呢一刻，

我對我個BLOG既睇法已經唔同左，以前，由開BLOG到大約中五，我都覺得自己既BLOG係我一個家，

因為我有D咩都會寫落去，無論係記事，發洩，我都會毫無保留地寫落個BLOG度。但係，近期自己發覺我已經再唔可以毫無保留，

盡情咁寫BLOG。雖然琴晚知道原來只係一場誤會，自己亦有責任，但變左就係變左，唔可以返轉頭，自己亦都控制唔到。

一個人既自信係點黎既呢？係天賦既？係由得到別人既認同而建立既？定係由一個人既過住經驗去慢慢形成？

自信同自尊或者尊嚴又有無關係呢？每個人天賦既能力都唔同，係唔同方面亦都可以有出色既表現。自信，

可以由得到別人既認同而建立，因為每個人都有唔同方面既才能，天賦，所以，每個人都有一個得到別人認同既渠道，

換言之，每個人都有機會由別人既認同去建立自己既自信。當人漸漸成長，經歷就愈來愈多，經驗亦都愈來愈豐富。

"經驗豐富"呢四個字係日常生活中我地對詞語既運用黎講，絕對係帶一個正面既意味。不過，對於建立自信，

就唔係個個人都會對豐富既經驗有一個正面而自信既回應。因為經驗同成長既環境有關，一個人缺乏自信通常係因為身邊既人太多既批評，

又或者失敗既經驗太多，兩方面所導致一個人失去自信既結果通常都同信人性格有關，例如身邊既人既批評可以令一個人激起鬥心，

亦可以令一個人意志消沈。所以，一個人有無自信，同佢點處理人地對佢既批評係有關既。當面對人既批評，

令到一個人有鬥心定係意志消沈，某程度上同一個人係自尊既定位都有關。如果一個人將整個人既自信長期完全只建立於一點或一方面之上，

那個人既自尊就只係在那個範圍內定位，而那個範圍，就係某人既精神支柱。一旦因為某些原因，例如精神支柱倒塌了，

那人既自己就會插水，趺入谷底，同時亦會精神崩潰，因為佢再搵唔到自己既定位。所以，將自己既自信只建立於一方面，

是危險的，心理亦唔健康。以上只係自己既分析。因為中文唔係幾好，如果係以上既文章表達唔夠好，excuse for my chinese....

今日一早起物收到第一份復活節禮物，係用花紙包住既，裡面係咩係睇唔到。擺左係台面。之後繼續。

無特別理佢。到臨出門口既時候，佢見到，問我點解唔折禮物。之後就折埋先出門口。雖然係好少事，

但係好奇怪wor，以前收到禮物會第一時間折，因為份禮物代表希望。如果收到一份禮物唔折或無希望去折，

咁又代表d咩呢？