第一篇日誌,就打下細個40件無聊野,睇下你中左幾多件??(我中左32件呀,有D宜家重做緊XD!)
大家細個果時有無做過呢?
1.玩米缸，將手插入d米裡面搞下搞下。
2.在百貨公司入面搞扶手電梯旁的吊牌。
3.特登跟階磚隔一格一格o黎行(不可踩界，要完全在格內)。
4.用錶反射陽光，照來照去。
5.跳樓梯(愈多級愈勁)。
6.行路上高起左地方(例如高起左o既長條型石博，好似玩平衡木咁行法)。
7.鋪張紙在硬幣上面，然後用鉛筆係上面油返個形出o黎。
8.食完瑞士糖之後，將糖紙包番個原本四四方方果個形。
9.超級市場踩住架購物車o黎行。
10.踩水"tum"，特登果隻。
11.吹口水波。
12.搣牆上的乳膠漆或牆紙。
13.係平滑o既地面上面"冼"下"冼"下咁行。
14.整濕o的紙巾，掟上學校廁所天花頂。
15.食完綠箭香口膠，一定摺返成張包裝紙，再放返入個大套入面。
16.放膠袋(當風爭甘放)。
17.踩人地個影。
18.用橡筋射人。
19.玩千揪，"fing"到咁上下就飛出去鬥遠。
20.落樓梯時坐係o的扶手上面"sir"落黎。
21.在自動梯行相反方向。
22.坐地鐵時，抓緊中間的扶手，地鐵一開動博命繞住轉(自轉)。
23.在月台上鬥快跑。
24.用圖釘弄穿學校壁佈板。
25.亂按人家的門鐘，然後鬆人。
26.明知過了三歲，仍然不買票，"捐"地鐵的入/出閘機。
27.在井字型公屋中間的大天井中放紙飛機，或者放紙青蜒，看看誰放的紙青蜒最慢落到地面。
28.煲蠟。
29.將紙碎或者紙飛機撒落街
30.走到開動緊電風扇面前:"呀~~~~~~~~!"
31.用間尺好似 "搖搖板"咁彈起舊擦膠
32.寶貼當泥膠,用間尺整pizza
33.將擦膠碎整成一粒
34.係屋企撩鼻屎然後抿落牆
35.將 d 擦膠碎用尺切粒粒
36.膠水搽係手/筆盒上 , 等佢乾之後成塊 met 出黎
37.洗手時用手頂住個出水位
38.同隔離位鬥快開哂筆盒d機關
39.飛拖鞋
40.特登將飲完的紙包飲品吹脹
~~~ 你地又中左幾多件?? ~~~ |
)
