今日係christmas假ge最後一日~~ 唔係好想返學 ~~ 不過好彩我琴日已經做曬功課~~

睇曬紅白啦~~ 成日都影到t.m., 開心呢~~ 而且重整左張gif做簽名檔~~ 今年係白組贏, 終於今年唔係紅組贏啦~~ 不過紅組佢地都贏左幾年啦~~

今日執房, 發覺我都好多CD~~ 不過唔計日文CD, 最多ge就係容祖兒ge CD~~ VCD都好多~~ 動畫最多~~ 而且今日去左賣碟, 賣左$35, 開心~~ 禁樣遲d出NANA 14 就有$$買啦~~

今日係2006年1月1號~~ 新一年新開始呀!!!

今晚聽叱吒, 一路聽一路o~~ 發現自己今年聽好少廣東歌, 所以好多歌唔識~~

今日down左S.H.E首月桂女神mv呀~~ 超令呀佢地!!

而家down緊紅白~~ 睇完紅白就冇片要睇啦~~

今日執房果時發覺自己間房都幾多垃圾下......農曆新年之前一定要執得更好!!!

今日買左"愛上蛋白質女孩"~~ 呢套我想睇成半年, 佢終於出碟啦!!!

今日又響到係禁聽歌~~ 今年我真係哈日哈得好緊要!!! 不過我依然係禁like聽周國賢!! 佢d歌真係太正啦!!!

今日係2005年ge最後一日, 2006年, 我就要會考啦~~ 時間過得真快!!

聽日係2006年1月1日, t.m.隻新album出啦~~ 又要留意oricon啦~~ 唉.........

聽晚有叱吒, 我要聽!!!

今曰2k同我講番琴日見果個艷女係........(費事講啦~ 想知問我本人~~)o曬, 不過琴日睇個樣都似~~

account今日終於補完~~ 一日上足八堂, 三日就上左二十四堂~~ 我地e班一個cycle就有五堂, 即係三日上左差唔多五個cycle ge堂~~ 犀利!!

夜晚去左行街街~~ 由屋企行到去置樂, 再由置樂行到去新墟~~ 六點三出去, 未夠九點就返到屋企~~ 真係極速呀!!

琴晚睇左日本music station super live~~ Yuna Ito好似肥左少少(因為佢塊面有少少包左)~~ Mika唱Glamorous Sky唱另一個版本, 唔係rock版, 係淨係得結他彈ge版本, 好怪!! Otsuka Ai 唱smily果時勁cute!! 星像儀當然好正!! 到左3時07分左右, laruku就出黎~~ yuki果頭好正~~ hyde真係有少少老樣走左出黎~~ 不過唱new world果時依然好正!!! 琴晚睇到成十二點先瞓~~ 不過我重睇左少少laruku上海演唱會, hyde講國語真係好少少退步~~ 當然係同moon child果時比~~

冇錢~~ 真係好慘~~

今日又係要補課, 唉......食完飯就好鬼死眼瞓~~ 不過補埋聽日就唔洗啦~~

我maths唔識做, 終於比我搵到方法點決佢啦!! 哈哈!!!

partnership真係愈學愈深~~ goodwill都唔係幾識~~ 不過都識少少ge~~

今日帶左張t.m.女人相返學比個fd睇, 愈睇愈覺得自己係女的, 居然唔夠佢艷, 唔夠佢有女人味~~ 唉...... 

今日返企果時見到個女的(個人認為唔似女的~~)~~ 條裙短到就快露under~~ 不過輕鐵好多男人望佢~~ 我都有份望~~ 最衰唔記得影相!! 不過見到佢ge第一moment係諗起t.m.~~ 唔知點解

今日聽亞妍講左alan chan san一個gag, 幾好笑~ 不過有少少色~~

聽日lunch唔知食咩好!!!

今晚又要補習, 唉........

今日補課, 補acc.~~ partnership就禁睇落好似好易, 不過.....先甜後苦呀!!!唉.......

t.m.果張女人相, 睇到我o曬~~ 差d係未流鼻血姐~~

今日補完習返到屋企諗住有飯食, 點知.......飯煲焗熱碗野, 點知隻碗爆左, 搞到煲飯又要再煮過, 唉.....搞到成八點先有飯食~~

食完飯娛樂一下, 睇左多啦A夢-大雄與風之使者~~ 一如以往, 唔錯!!! 我差機械人王國未睇炸, 遲d問果個男仔借埋黎睇~~

好想又出mk玩, 不過可惜我冇錢~~

聽日好凍, 唔想返學~~

今日做曬所有功課, 除左maths, 家因第五課太難, 我唔識做~~

我響兩個星期之內會有番電視睇啦, 喜!!! 而且以後唔洗爭電視~~

琴日聽到區be講25號太陽有t.m., 而家好鬼死想睇!! 鬼叫佢係show t.m. 另一個樣呀!!!

見到有super live, 不過係avi, 重要成3gb幾, 點down呀?? 我想要RMVB呀!!!! 起碼細d ar~~

今日係Boxing Day~~ 奈何我冇禮物比我拆呀..

今日幫老豆手整水喉, 攰到我就死呀!!!

夜晚聽區be講, 下弦之月出左碟, 好想知邊到有得買~~ 不過我而家窮到嘔.....

d功課重未做曬...點算???

因為opening同ending2係有hyde同mika ge關係, 搞到我而家追Blood+呀~~ 不過真係幾好睇!!!

今日down左Gundam SEED DESTINY final plus黎睇, 一睇到opening已經o曬嘴~~kira同lacus......  不過opening首歌用T.M.Revolution ge vestige~~~ 大喜!!!!

我重有兩集teen空海闊未聽~~ 唉......我係唔係真係禁忙呢???

 各位, Merry Christmas!!

聖誕節, 小妹淨係補習果時出過街~~ 係唔係好似好boring?? 不過做功課都夠我受~~ 做到我差d瞓著~~ 救命!!!

好想睇23號日本果個music station個super live呀!! 有laruku, mika, yuna......不過更想可以睇1月1號ge紅白~~ 家因有t.m.~~

今日睇新城, 見到李克勤件外套, o曬嘴......點解成日都見到rose嫁~~ 係指自從t.m.隻UNDER:COVER ge初回生產限定盤知左係rose之後, 就成日遇到rose ge事物~~ help~~ 幾時先會停呀???

今日依然要補習~~ econ我終於上到中五最後一堂~~ kevin ko 真係教得好快!! 不過呢課好似好難~~

睇左laruku個日本ge awake tour~~ 我有好多佢地ge歌都係冇聽過(個tour ge 一半以上ge歌我係未聽過~~)~~ 不過做得動畫主題曲果d真係好好聽~~ 睇到一半, 我發覺香港d歌手真係水左少少~~ 人地hyde不停禁唱, 唱左成個鐘, 重走黎走去, 唱起黎點都係同cd一樣~~ 香港果d口水多多, 歌就冇人地禁多, 而且唱左差唔多一個鐘把聲就會沙沙地, 真係.....=.="" 不過我重睇緊laruku佢地響上海果個, 佢地好似真係冇日本果個玩得禁放~~ 可能因為唔係自己地頭~~