今日朝早去同媽媽同四哥飲茶..之後返左屋企一陣..

根住就上去探爸爸...

點知我講錯床no...個姑娘就好串..

d姑娘好討厭..成日覺得自己好巴閉..

一陣之後我就去搵傻一..

我地去左旺角行街..

傻一同我都有收穫呀....

我地之後去左食雪糕.

之後就去睇「ps.l love u」

去睇之前都知男主角會死..

不過我唔知佢一開始就死左....

好多出現既場面都係回憶既片段

我原本估會係好感人..不過睇完之後又唔覺

我估係因為部戲交代唔到佢地既感情有幾深..之前有幾多經歷

雖然男主角真係好好..好情深....

死之前預備左好多野俾女主角.

但睇完只知佢地係一見鍾情..

結左婚好耐..

當中只係有兩個場面我覺得好感人...

第一個就係男主角死左之後女主角既生日..

佢事先已安排送個蛋糕俾佢..

同埋已事先錄好音..

叫佢要開心d..玩返晚..

個一刻真係好感動....

好多人都流眼淚..

第二個場面就係女主角係karaoke唱歌..

唱返男主角成日唱既歌..

縱使台下好多人...

不過係佢眼中只得男主角..

幻想既片段見男主角好感動既表情同埋女主角好情深掛念既表情

真係感人...

我都有d眼濕濕呢..

套戲唔差..

不過如果真係交代多返d佢地點解咁情深就重好

之後我去食魚旦粉.

之後就返屋企喇..

今日返工我開始整我既工作喇..

放工就去探阿爸..

見佢好痛呀..又

唔知咩事..

好擔心.

不過一陣之後又好左好多...

唉

都唔知咩事...

今日係情人節..

返工既時候冇咩野做.

放工由於我要幫我家姐拎馬拉松既野..

我就呃公司話我要睇醫生..

之後早走半個鐘去拎

好在今日又冇咩人..

好快我就拎完

重可以返去搵傻一..

等到傻一之後

我地先去新高麗食野..

好味..

之後就搭641去九展睇「林一峰 story teller 演唱會」..

其實睇完已經覺得冇我想像中咁靜同悶..

有d歌我都覺得好好聽..

好似 雪糕車...突然獨身...一枝煙的時間...同 紅河村..

不過如果唱埋給最開心的人..就重好..

傻一鍾意睇就得喇..

之後我地返返官塘

係牛頭角個公園仔交換禮物

傻一送左anges b既手皮帶...我好鍾意架...好靚..不過我未識戴je..

佢又送左一條泳褲俾我...佢都有一條架..又係好型同正..

重有一包godiva既朱古力同卡

多謝傻一...我知你花左好多心思架喇....kiss kiss

我就送左水晶耳環...ENCHANTED OST同手製小熊俾傻一

希望佢都鐘意喇..隻小熊我聯左成10個鐘架喇...

係個度拆禮物好溫馨呀...

之後就返屋企喇!

今日終於都要返工

好唔想起身..

尢其係係咁凍既天氣..

ooh>>

返到去冇咩mood做野..

基本上我成日都係同同事傾計..

放工就去睇阿爸..

佢今日又好似好左d...

咁就好喇...

今日lunch去搵傻一

我地去左食lunch..

去左扒王食..

之後我就去買禮物喇

好在買到喇..

不過都唔係我原本想買既野..

算喇

遲d先買

5點就再去睇爸爸..

佢精神好左好多...不過都係話好痛

今朝重打左兩次返黎叫我阿媽拎d安眠藥俾佢.....阿媽當然話唔得喇..

最後佢叫醫生開d勁d既止痛藥俾佢

食完佢又好左好多...冇咁痛

今日見到佢佢都識講笑喇.

我個心都安心左...

希望佢快d康復返屋企喇!

爸爸終於都做手術喇...

一早7點8就推入手術室..

本來話4個鐘左右就ok

咁我地1點就出去等...

但等等下我家姐打聽到2點先做緊第二part

不過就話佢情況好穩定...

下晝原本其他人既手術都要cancel....

有冇咁耐???..

話雖如此....我地都有d擔心....

結果我地都係返屋企先...

最後我家姐打返黎話佢5點先推返上去.

即係做左7個鐘.......!?!?!?!?!?!

不過好在最後都冇事...

我地之後就上去..

佢重係好攰..眼都睜唔開...

不過我地講野佢係識答既..

唔知係咪嗎啡既作用.....佢好似有d語無論次...

不過佢就成日都話好痛....好尿急

不過護士話呢d都係手術之後正常既反應....

我見到佢咁個心都好唔舒服呀....

不過後來我地再叫護士睇一睇..

整一整..佢又話舒服d...

我地走既時候佢都睜得開眼喇..

今日我地全家去左九展飲茶..

好正..

不過都幾貴..

之後我想去買禮物

但係行左好耐都係買唔到....

之後就返屋企喇..

6點就食飯喇.

因為爸爸之後就要上返醫院...

我同我家姐送佢上去..

佢好似好緊張...

聽日佢就要做手術喇

今日係年初三...

基本上都係冇野做..

下晝就出左去搵傻一..

我地去左太古呀..

去食左food court...

又行左一陣..

之後就去睇「L之終章 最後之23天」

本來都冇諗住睇..

但係冇咩野做...係「魔街」.「cj7」同呢套我地揀左呢套睇..

首先講個故仔....

講FBI偵破野心病毒集團.

故事既開頭有d悶..

我成日都以為會同死亡筆記有d牽連

但係冇架...完全..

所以起初有d唔知做緊咩既感覺...

不過到中途d野開始清晰就好好多喇..

套戲基本上由L擔起哂所有戲份....

佢都演得幾有神韻...

套戲將佢既性格更加刻劃描寫出來

外冷內熱....

其實佢係一個有血有肉既人...

我估唔到佢既戲份都有動既一面

好似跳上機個一刻...

同埋套戲都有好多笑料...

係冷面笑 匠式既...

而故事既結尾好感人....

個小朋友boy同佢既感情....係孤兒院同佢講既說話

同埋拎個機械人出黎個一幕....

真係感人..

好似一個爸爸講低身後事咁..

睇完套戲令我諗起死亡筆記既夜神月..

夜神月表面好有血有肉...但係背後就殺人無數...越來越不擇手段

相反L就外表冷漠無情..但內心係有一顆很熱既心....

呢個咪係就係現今社會其中一個人性既縮影喇...

所以睇人唔好睇外表呢...

(P.S....睇呢套戲有好多熟面口既演員...好似女主角個女仔就係「女王的教室」好cool個女學生....而F就係海猿出現過....做成日想潛水揾返老豆送俾佢隻錶個男仔)

總括....呢套戲好好睇.....值得去睇....

今年比較特別

我地全家出去飲茶開年..

不過個氣氛唔多all right..

我覺得又係我大家姐..

之後就ok喇..

下晝4點傻一黎觀塘搵我

我地行左一陣..食左一d野..

之後就去九龍灣

傻一買到cd喇

之後就去megabox

真係冇野行架....

最後我地去左九展食buffet

今次係越式...

唔錯

之後就睇「陳慧嫻活出生命2」concert

係九展

本來真係冇咩期望

因為原來話會唱哂人地既歌

我對佢唱其他人既歌冇咩興趣...

不過真係有意外驚喜

1...因為佢唱既人地歌我都覺得好聽....佢唱得都唔錯....

2...下半part佢唱返哂自己既歌.....都係要食老本..

不過都好呀..

成個concert感覺好抵睇..

佢講野又好抵死....

好直..

好似介紹情意結既時候....話係第3plug..即係d電台都係敷衍播一兩次個d...都係冇咩人識..

講sponsor..又話咩...又將雪嶺虫草講左..咩虫草雪耳..

881903...佢又話咩黎架...以為係電話號碼...

好鍾意佢講唱歌既睇法

話d人想佢唱返以前既唱法..因為唔係要佢唱...係要返佢地個時聽既感覺....

佢就話佢唱玻璃窗的愛既時候係18歲....依家經歷多左

冇可能再唱返以前既感覺....佢唔係每次都啤首歌出黎

如果佢依家再唱返18歲時既聲就好驚喇..

希望大家認識依家既佢...

除左盧冠廷..可能可以唱返一樣..又笑死我喇..

由9點半唱到成11點9....

冇車喇..

我就同傻一出返旺角等佢再轉970x喇..

今日我係大年初一...

如常

起身拜年..

之後堂阿哥黎..

食飯

之後佢地去拜年

我就hea左一陣就去搵傻一..

我地之後去左旺角

真係冇野行..

都係hea

發生左好討厭既臭豆腐事件.......

之後就去食spahgetti house

唔抵食又唔好食..

不過杯野就好好飲既...

之後就睇「魔法奇緣」

好期待架.....

因為之前睇預告好好睇..好好笑...

同埋我係睇迪士尼童話大既..

而且今次個故事幾特別呀....

童話故事人物走出現實世界..

搞到笑料百出....

好正...

故事一開始真係好童話feel..係卡通version

村女遇上王子..一見鍾情....

第二日就立即結婚...

但係遭惡毒後母阻止....

將村女送到現實世界...

之後就爆出一連寸笑話...

好似講講下野要唱歌...

係公園行行下會變歌舞嘉年華..

女主角又可以叫動物幫手做家務...

但係我覺得最正既就係

現實生活既男主角同女主角講兩個人一齊

係結婚之前...

要拍拖...了解對方...要相處一段時間...

同埋人係會嬲....有唔同感覺..

唔同童話故事.....

令女主角開始感覺到佢最想做一個有血有肉既人.....

故仔既ending最後都好sweet....

令人睇完好窩心...

31個月喇