今日又開始番工啦....唉......今日個討厭partner唔知點解係咁撩我講野......好似扮friend咁..但我唔會上佢當，因為佢既嗜好係一啖砂糖一啖屎(都唔會太粗俗呀呵?)..今日另一樣野就係professor翻左黎.....又開始要服侍佢啦...!!!!! 今日既工作都好平淡..放工就去左做gym,之後就翻屋企食飯...簡單的一天!! 我知道我係一個喜歡簡單生活既人，唔係好鍾意嘈同多人既地方，唔知係咪心態好老呢，已經唔係好鍾意一大班人嘻嘻哈哈既日子，不過當然，耐唔耐同幾個friend食飯傾下計笑下，係一件好事。生活上我亦唔需要一d高質數既生活，食得好好，反而我會重視同邊個人食囉! 好高興傻一有工見，你聽日要努力呀，俾心機，支持你呀!!!快d搵到新工，新既開始，又有annual leave一齊去旅行....期待呀!!!傻一我好欣賞你對我既坦白架
今朝我終於可以訓到9:15，好滿足，之後成家人去左飲茶，飲完就番左屋企休息左一陣.... 下午我又去左同傻一出街，本來諗住只可以同佢食個tea，因為佢原本約左人，不過佢個friend放飛機，我又可以成日同佢一齊啦 我地去左坐船，行左一陣尖咀，又去左又一城，之後又去左九龍站行左一個大運.....雖然都冇咩目的架，不過就好舒服同滿足，因為有您係我身邊呀!(不過好似熱親你....你好似融左一半咁)...見你其實好累，都話唔係...我一方面開心..一方面都唔忍心架...你要休息多d呀!!! 最想環遊的世界 - 梁靜茹 我今天 我明天 最想環遊的世界 就是你 最內心 的世界 管陰天 管雨天 我的心會是晴天 照亮你 多雲的 那一面
又係生理時鐘作怪，明明唔使番早，結果都係6:50起左身，之後9點同阿爸阿媽飲茶，10點半就去做gym.. 下晝有workshop，不過無風無浪，又過一關 夜晚就同傻一去左黃埔，好耐冇去過啦....我地去左蔡瀾美食坊既「素食一家」食齋，本以為呢間係出名個間，點知係冒牌貨，MENU係百無既，激死我地啦.....回水!!!!我下次一定要帶傻一食過正宗既「素食一家」。之後我地去左打機，我見到傻一好開心，我都好開心!! 傻一食飯時侯同我講左佢點解今日要影相，我好感動呀!!!!! 我找到了 - 何韻詩 這一個 是我的 碰上即刻知道 不必揭曉 連最想 得到的 我都找到了 穿梭人潮 引誘幾多 不再動搖 從未像這樣確定 一伸手抱你 已經 抱到最實了
我個partner真係一個不折不扣既「非洲和尚」，我今日番工竟然發現我個位d「反尾夾」冇哂，好明顯有人駗我唔係度撻左啦.....正三八!!鬼鬼祟祟偷蕃薯......下晝開會又係度扮哂野....好似以為自己巴巴閉閉咁...係咁challenge我...佢o係我心目中只係一個不知天高地厚既30歲「細路女」囉..!!唉..日日對住佢8個鐘...真係命都短幾年!!!我真係越來越唔想見到佢，做人唔使咁呀?不過我都慣左佢d衰格野架啦....好在有阿姐同我friend....同其他同事都有兩句!! 今日收到一個令我開心到震既SMS，當堂舒暢哂!!多謝哂呀!唔該哂!! 今晚係屋企食飯，好似好耐冇試過一放工就番屋企...今晚扮下乖仔先!?!!..食完飯重執野添...乖仔指數簡直係爆燈。我執左好多十世都唔著既衫去掉....我阿媽竟然睇中我一條三個骨褲.....俾佢當睡褲喎...我眼都突埋... 聽日又要番下晝做workshop..我一個人揹飛呀...不過一d都唔緊張...可能大老細唔係度..冇咩壓力啦!! 我今日心情好好喎!!^0^
今日我放假，不過我個生理時鐘依然好準，六點左右又醒左.....之後係床死典爛典先訓到八點 之後中午同chris去食飯，下午就去左數碼港...o個度簡直係一個廢城....不過個環境真係好好... 夜晚就去左唱k....又嗌到沙左喇!! 今日終於確認左一d事情，本應我好開心...不過見到你有d憂慮..我都唔可以淨係要你頂住....記住..我一直會係你身邊....係我地兩個人既事黎架...!
童話 - 光良 我會變成童話裡 你愛的那個天使 張開雙手 變成翅膀守護你 你要相信 相信我們會像童話故事裡 幸福和快樂是結局 7月7日係一個新開始既日子^_^
今日雖然要番工，但係出現o係office既只係我既肉身，我既靈魂已經唔知去左邊囉，因為我聽日會放假一天，呢個星期老細又唔係度，d三八又有一半放假，之前忙緊既project又差唔多搞掂哂，除左我個討厭partner係度"浮游"之外，我係完全冇壓力!!! 可能我個心已經飄左去放假，我今日竟然連日文堂都冇上....我不斷搵籍口俾自己去偷懶一堂，結果我諗到去搵gilbert食飯，當陪下佢囉...其實佢都陪緊我..食左飯之後再行左一陣街，好鬼死relax!!耐唔耐放縱一下都唔錯呀.... 呢期有首歌好可以代表我既心聲，希望你睇完會知道。 郭富城 - 砌你 由細微處砌起 情願陪上心機 逐頁資料整理 再將故事連起 推理 真的你 如何讓你愉快 我會學好 等你
尋晚去同一個好耐冇見但又其實識左好耐既朋友fairwell,佢今日就會翻去美國，尋晚有d好奇怪既感覺，佢同佢男朋友已經唔係第一次分別，不過見到佢地其實大家都好唔捨得對方，但又要若無其事，個心見到都唔係好舒服，其實我識左佢地就黎4年，雖然唔係成日見到佢地，但都可以話見證住佢地既離離合合，分開，一齊，分開.....希望佢地有一日真係可以大團圓結局。 人係咪一定要經歷過呢d考驗先可以長大同學識珍惜呢?我都唔係好肯定..不過我認為唔多唔少都會係囉...無疑人係犯賤既........突然想起吳浩康首「擇日失戀」，個karaoke開頭有句獨白我好有感覺，意思大慨話人生最無奈既就係要「接受失去你好想留住既野」，我都好認同，不過人生更無奈既就係要學識「接受你要失去某樣東西的事實」，學識接受「失去某樣東西」真係一件好難既事，係要時間同靠自己既，大家向前看啦。唔好意思，我既表達能力好差..希望大家明白我係度講緊咩啦!!
各位好，今次係我第一次寫online日記，寫咩好呢?不如寫吓我呢個禮拜既野啦...基本上我過去一個星期係開心既，因為我公司既變態partner放大假，所以好free(精神上)，雖然好鬼死忙，不過心情都好靚，同埋我發現如果佢唔係度，會有多d同事走黎同我傾計同會逗留係度幫我手囉...不過聽日又要見到佢啦....冇計.... 上星期日同chris去唱K，好耐未試過放盡嗌啦....星期二做GYM又同舊同學ricky唱k又嗌過...好滿足...星期三又要開會又要上日文...勁攰囉... 星期五係我另一個同事既婚宴，我個阿姐同事車我去，本來滿心歡喜，點知佢手車真係令我有d驚囉，落車又唔記得熄車頭燈，結果....走既時候咪撻唔著車囉，結果?..咪call的士搭電囉.....我重要著住老西幫手推車呀.....死人阿姐lock死左架車又話冇....推死我咩.... 至於尋日...我同阿chris食飯同做gym，好開心^_^
