今朝一早返去我就先下手為強，同Ms. YUNG講我唔去深圳，佢既反應又出奇地平淡喎，好囉....之後我再同燈籠眼講，佢既答案係:「我都好想去，不過我要睇下我個日係咪真係冇野做，我形住個日我係有野做既」，我覺得呢個答案好滑稽，不過是但喇...總之我已表明我既立場，我係唔會去!
唔知係咪「燈籠眼」俾人冷落，所以成個晏晝好cool同冇心機，我都有少少同情佢，不過其實都係佢自己一手造成!!
放工跟住同阿姐食d野，之後就去上日文堂...本來掙扎左好耐，想唔上，不過最後都有上，都好在有上..
因為傻一竟然係我學校樓下等我，佢今晚都要上堂，不過放左學特登走黎....我真係好驚喜，係喜多d...我見到佢大汗叠細汗，重要飯都未食，我已經好感動架喇..之後同佢去「上海坊」食野....再送佢搭車，係上車之前，佢拎左張卡同一份禮物送俾我，我真係一d都估唔到，份禮物係條泳褲，我個一刻真係好感動，其實我有d眼濕濕添....從來都冇人試過為我做咁多野....我真係好感動...多謝..上車睇完張卡我重感動.....多謝你.....我今晚真係好開心...原來佢放工就寫卡...上完堂由上環趕去sogo買野再黎旺角搵我........
不經不覺，我同傻一開始左兩個月，呢兩個月我真係用左好多心機希望傻一會開心，雖然我同佢有鬧交既時候，不過整體來說我係開心既.....最近我都覺得傻一開心左，真係好喇....希望你既開心有部份係來自我.....亦希望我同佢之後都會開開心心，簡簡單單!!
天下無雙 陳奕迅
給我信心 當我未如願
披雨戴風問寒送我暖
親切眼光 舒我亂和倦
從無更改心照總不宣
長長路中 走到那裡生命裡
有你我方找到生存來源
難行日子 不削我對生命眷戀
因有著你 跟我一起 親愛的你
一次也不 推說亂和倦
一次你都未曾去計算
給了再給 始了便無斷
無條件分擔各種辛酸
從前沒講 今次要說多謝你
我有你給的愛因而完全
誰人是我 心裡至愛生命至尊
都也是你 真了不起 親愛的你
若問世界誰無雙
會令昨天明天也閃亮
定是答你從無雙
多麼感激竟然有一雙我倆
一世慶祝 整個地球上
億個背影但和你碰上
想說你知 整個地球上
無人可使我更想奔向
兩個月喇..... |
