2月14日(星期三) - 今日終於好d喇...返工都ok..夜晚有course..傻一係8:40就同我講話係我公司附近喇...hehe....之後我一完左就去join佢...佢話係賣魚旦度等...點知又唔見..原來佢去左公園等....我又行左另一條路...haha>..之後我地去食光師傅....我就送左禮物俾傻一...有nokia6300...卡..大朱古力同細朱古力...重有一份新年既禮物...見佢都好似好鍾意..不過又好似唔意思既樣...唔緊要架..我係分期既..唔覺..同埋傻一部電話真係舊...依家唔怕俾人笑你鈴聲拆喇...hehe..之後我送傻一返屋企..由於我太攰..都係打的回府..點知call的又冇的..自己截...點知個司機又好似顛既....係咁同我講d唔知咩既野....好痴線

今日我決定sick leave一日....真係好攰...朝早食左d野就去睇醫生...之後去買左d禮物就返屋企...d藥真係勁到七彩....我真係個人唔止散左...直頭係碎左.....連起身都唔想....一日就係咁過左....

今日又返工黎..好攰..同我真係開始病喇......夜晚重要同老細去講書....好尷尬...冇人理..老細又座左係第二度....好似好無奈咁.....之後我就返屋企喇

今日去完飲茶...就去左搵傻一....跟住我地去曬燈......原來「私家」真係冇做.....連阿j都話佢唔做喇..我都有d好似唔知點既感覺....雖然唔熟又冇咩兩句..但係都叫做認識佢地成年...次次book既時候佢地都話....1490.1491...依家兩個都走好似唔係好捨得咁..不過就係咁架喇....有既時候唔覺有...冇既時候先知你係有..唔想冇......之後我地去食tea..跟住就去gym....之後我同傻一食麵...之後我就去食九展食buffet喇...因為今晚同大埔家姐佢地一齊團年.....依家食buffet唔同以前....唔會係咁食...飽就算喇.

今日我又要做workshop...又係無驚無險...今日舊同事阿熹返黎探我地....佢依家好好呀..好似就黎結婚添..不過佢依然好旺角look.....下晝我就去搵傻一...傻一專登試個ball look俾我睇...攪笑..之後我地去食d野就睇左一陣s.h.e DVD..好好睇呀...哈哈...跟住我就同傻一去灣仔....佢就去annual ball..我就返觀塘同阿爸阿媽食飯...

2月6日(二) - 今日返工又係好普通....今個星期有3個course...加一個workshop.....破紀錄喇..

2月7日(三) - 今日係我同傻一既第19個月紀念.....不過因為我夜晚有course要上...所以唔可以慶祝.....本來諗住夜晚係course既時候可以hea吓..點知個speaker係要貼身既照顧既..老細又突然返黎同speaker打招呼..所以我係咩都冇做過....成晚係度企....

2月8日(四) - 今日有人黎visit>.老細都有叫我入去..點知佢又突然叫我介紹中心既活動...我又要突發講野...不過我自己就覺得ok呀....下晝同同事briefing星期六既workshop...好快....放工同傻一去左睇醫生..佢唔舒服呀.....唉.....之後alvin打俾我...要搵野...死喇..我又做漏野...好在最後老細都冇咋型.....之後我同傻一去左尖咀華美達食buffet....好似好cheap>..d野食重差過上次..係甜品ok d咋......之後我地去左百利rf拎褲..之後我又係好短既時間買左對新既皮鞋...新年之後著既...跟住就返屋企喇...傻一好攰呀...好慘.....

2月9日(五) - 都忙呀..好多好濕碎既野.....prepare workshop既野....放工就同阿爸阿媽出左去食...之後我就去左剪髮....

死喇...我真係覺得我既記性越來越差....唔知係咪公司太多好濕碎既野要跟....成日都好似有d野唔記得.......點算!!

第19個月喇!!!

傻一要身體健康!!

1月30日(二) - 今日個肚有d唔舒服...唔知係咪因為打完邊爐呢...今日放工同傻一去shopping..好少平日出去shopping..又真係少人好多喎....我地去左花園餐廳食野....我個帶子就真係唔得喇...唔好少...原來唔用鐵板上係唔熱既..之後去左time square行...傻一買左個風筒.....之後我地又返去 indu homme買野..傻一買左件褸..又買到褲...我又忍唔住買左一件好靚既中褸....不過未有得拎住....要係沙田運過黎..

1月31日(三) - 今日放工就去左做尖...之前又去左988食野....雙重享受呀....今日又跳bs 1....好好玩..開始跟得好好喇....

2月1日(四) - 今日好忙...忙workshop既野..忙course既野..朝早我打電話去訂濱崎步4月既演唱會訂飛..打左成個鐘先打到...希望d位好d喇....又要同佢地briefing...好煩呀..下晝同老細去區議會開會...好無聊...佢地..返去有好多夜晚既course野未搞..好趕....放工我就去打波...今日好似唔係好在狀態咁.....

2月2日(五) - 又有holiday mood....基本上好忙...不過今日我就串正燈籠眼...我同甘大之講我唔見哂d座枱名牌...唔知邊個拎左...之後佢就拿拿聲上去執尋日開完會既野....拎返落黎..佢想神不知鬼不覺咁放返入櫃..點知我就岩岩去個櫃放野...又俾我撞正喇..放工同傻一去做尖...之前去拎褸...之後去咗橫叮拉麪度食...又貴又唔好食...一個宇....差..d雞用左咖哩整都係有陣雪味.....跟住去做尖...今晚跟 Joanna 跳bs1...好亂呀....跟唔到..唔想再跟佢跳bs1..bc1都ok

2月3日(六) - 今日同傻一去左spa....天后....d staff好似唔知做緊咩咁...磨沙又求其.....個浸浴好似放左奶粉咁.....去沖涼又冇人帶..我個位女士連按摩都冇...係度同我搽油咁......頂.....臨去個女老板重話佢個妹係髮型師..我一睇佢個髮型..好似大陸d髮型屋多d....之後我地去左食「華姐清湯腩」..都唔錯呀...之後我地去左rf.....傻一同我都買左好多野..我又使左成千蚊...死喇.......之後我地返西營盤食糖水...

2月4日(日) - 今日去左曬燈...唔知思嘉係咪冇做呢....好耐冇見喇...之後就去左食tea....跟住又去左尖喇....今日又跟epsilon跳bs1...佢就真係好好喇....跟到呀...之後我地行左一陣..就去左行188....我想買twins既特別版....成850呀..crazy.....之後我地去左食狀元喇吵...我都覺得好好味呀...

2月5日(一) - 今日好忙..我要趕一個proposal...不過今日又好似遊魂咁....死喇..今日俾老細話我冇同d同事講一個point..我又好大方咁認...不過算喇.....放工去買野..之後就返屋企喇...

1月26日(五) - 今日放工就返左屋企.....食飯...都冇咩特別

1月27日(六) - 今日去飲茶..之後去搵傻一...我地之後去曬燈...跟住去左988食野...跟住就做尖喇..之後我地就去旺角食池記....好細呀..d野...跟住就去睇「盛夏光年」..很傷感既同志故事......正行由一個高材小學生..最後大學都考不上...都係因為守恆....但係守恆就真係一個好自私既人.....就係因為怕寂寞....成日都想佔有正行..自己想點就要正行點...偏偏正行就係因為自己太愛守恆...就時常俾佢控制到....考試又唔去..堂又唔上.......而惠嘉又係好自私....明知正行愛守恆..自己又去愛守恆...又唔講事實既真相........最慘都係正行......當佢知道守恆同惠嘉拍拖...衝上去巴士..之後喊...好慘...張睿家做得好好....有一種好純既感覺....反應張孝全就唔似中學生同大學生喇.....

1月28日(日) - 今日去飲茶....之後去左搵傻一....我地跟住去左銅鑼灣行街...之後就去左太古...我地又好左食food court....跟住就去睇「香水」...睇完之後我第一個感覺就係:有冇咁誇張呀.....個男主角製造既香水竟然可以令全部人唔知自己做緊咩...又令一班人要食左佢......誇張.....前半部都唔錯...後面就好誇.....佢其實唔係好血腥..不過你睇完又會不安架...係一部都幾黑色幽默既戲......不過睇完先知原來香水係咁難先整到既.....d影評講到套戲好好....不過我呢d凡夫俗子就唔多識欣賞喇....

1月29日(一) - 今晚我返屋企打邊爐..好開心..好好味....好耐都未試過.......!!

今日工作都好free...老細俾左一個好難既難題我...就係話說有個program既場刊有個委員會..但係個list竟然冇左佢個大名....oooh..好大件事架...對佢黎講..之後佢就叫人同我講..叫我跟進...why me........!!!!我咩都唔知...又唔係我幫佢入個委員會架....又唔知問邊個....我只好硬著頭皮打去查詢個節目既熱線問下點解....好在佢地又幫我問下另一個部門......不過佢地都唔知點解...聽日我又要同老細解話喇..!!!!

今日唔知點解好開心喎...基本上朝早有「名人」何xx黎我地visit.....不過我又唔緊張....佢地就好似好緊張...有點過份既感覺添....LUNCH甘姑又請我飲茶..下晝我又好free>8婆又唔係度....放工同傻一去左「峰」壽司食...好正呀....價錢唔貴....d野又新鮮...隻碟都靚過人....好鍾意d懷舊有鹽既壽司....好鮮呀....個蟹柳又好好食....傻一皇請我添...之後我地去左physical..今晚我地又跳舞喇....跳BS1..我地跟到呀....真係跟到呀...好有滿足感....我會再跳.....!!!