12月12日(二) - 今日因為傻一要趕工課.所以我都冇去做尖....返左屋企食飯..

12月13日(三) - 今日放工就去左等傻一..之後我地去左poly交功課..之後就去左都會食西餐.....之後我地搭車去左尖...係途中見傻一好攰.. 叫佢返屋企休息又唔肯...死都要去..激死我喇..

12月14日(四) - 今日放工去打波..

12月15日(五) - 今日放工同傻一去做尖...我地去左食粥....食左好多野..都係39蚊...好勁抵呀...不過去到尖...我地都好似好攰咁....之後我地冇跑機..就去左食糖水之後就返屋企喇..今晚download左千嬅既新cd聽...好似好聽..d歌好有style...有別於以前既歌..但又唔會好難接受..好似高格調左....

12月16日(六) - 今日返工又有跳舞班又跳左1個鐘頭........結果.....就係下午開始...成個背隻既雞肉開始下垂....冇力.....又成日冇神冇氣...重加上頭痛.........講開個跳舞班....個氣氛幾好喎...最開心就係sharing既時候...佢地好多都話參加左呢個工作坊之後知道多左野....同埋真係開始行動...做多左運動...重影響左身邊既人....wowowow....突然覺得我做既野好有意義.........會令到咁多人有一個好既影響....其實對於我黎講...呢d就真係我工作既原動力..下晝同傻一搭船去左尖沙咀..不過好似好多人..又冇咩心機行..好攰呀....之後我同傻一返左屋企之後返官塘同阿爸阿媽食沙爹王..

12日17日(日) - 今日去完飲茶就去搵傻一..之後我地去左曬燈..之後就去做尖...跟住就同傻一shopping..我終於都買左對boot喇...諗左好耐.....我都未買過咁長既boot既....都幾貴...不過我真係好鍾意呀...之後同傻一去買左份禮物之後就去左食元氣...跟住盲 去左食kada雪糕...之後就返屋企喇...

12月18日(一) - 今日唔係幾舒服喇..不過都ok....傻一放左學竟然突然黎我屋企樓下..我真係估唔到..我重好肯定話我唔信....點知真係....haha....我立即換衫落去....不過好似拈寒拈凍咁..傻一就幫我攬頸巾...hehe>.我地去左食海皇...好攪笑.原來就咁order就得架喇..唔使去counter架..hehe>.之後我地去左行左一個圈就返屋企喇..

12月19日(二) - 今日放工我要開會..開完會...老細..第一時間講:「你唔舒服呀...慘囉...快d休息吓喇..就黎過節...」個時個感覺好似好warm咁.....haha..有時老細都會關心係人.....最重要我覺得真....好過有d機械式對白但又冇心既問候..我重要多謝關心.....完既時候6:30....傻一已經係公園等我喇...好在唔使佢等好耐....之後我地去左食南記..之後就gym喇..不過我好攰..所以都冇咩點做..不過我好想跑機..因為想出一身汗...12月20日(三) - 今日中午去左老人院party...都幾好feel呀...食完就走喇....今日喉嚨唔舒服...想sick leave..但又好似唔係幾好....我發現我公司好似係個病菌窩咁..好多人都作病...

12月21日(四) - ........我已經開始有holiday mood..但係放假又唔知做咩好.....今日放工就去左打波....

11月21日(二) - 今日放工同傻一去左太古做尖..之前傻一陪我周圍去搵禮物..不過都冇呀....好耐冇去過太古做尖喇...有d教練唔同左...不過係太古又真係少d人喎..好似唔使咁逼咁..唔錯....我地今晚去左食food court...好正呀.我地食左日本同韓國野.好味...完左之後我同傻一去到炮台山..傻一唔想我太夜..就叫我係個求返屋企喇..hehe

11月22日(三) - 今日放工我搞到一身汗呀..........話說其實今日係我阿媽正日生日..我上星期日已經開始搵隻磁性手鐲俾我阿媽...但係sogo又冇..我尋日又去左太古搵....uny..吉之島同永安都冇....不過永安姐姐話上環既永安先有..咁我今日放工就飛奔去買...點知...佢話要訂先有....oh..my..god>.我諗住今晚送架喎....咁佢話今日訂...聽日就有...咁我就唯有訂喇....佢俾左個人地訂左既款我睇..咁我又訂左個款...我問佢訂左個個人係咪今日會拎..如果唔係不如俾左我先喇...因為我同佢講話我阿媽生日...不過佢話個客今晚就拎..貢我就有冇計喇....之後訂左落去地鐵...準備返灣仔join返怪獸茱同狗痴阿姑...點知我一入左閘..落到月台..個sales又打俾我..話個客唔急要...佢可以俾左我先...咁我就梗係要上去拎喇....貢我又跑返上去拎...都好....個sales重話希望你阿媽開心喇..不過下次唔好貢趕喇..要預早d買.....唉....我都搵左幾日喇....

11月23日(四) - 今日放工去打波..好呀..好耐冇打過喇

11月24日(五) - 今日李女士同八婆在公司內口角..最後八婆慘敗收場....因為個吸塵機....燈小姐就有機可乘...乘機發揮佢多事同唔用腦既性格....發動收藏吸塵機行動...行動既途中好多人參與..你一言..我一語..最後燈小姐重想攝位話李女士..李女士都唔理咁多..一路鬧..個八婆咪最叻喊囉.....成件事好明顯燈小姐好幼稚同無聊..無風起浪…成日拎老細撻人….成日自以為是….…問人點解對佢同其他同事唔同..係咪因為我唔同你hehehaha就對佢差…白痴既問題…自己批評人之後就話人地唔可以批評佢…之後又自打咀巴話咁佢自己都唔可以批評人…白痴x2….人地唔想同佢講..佢重死都要關門同人講….重拉住人唔俾人走…..自我中心…你要咁就咁呀….告你禁固都重得..白痴x3…..夠膽做唔夠擔認….下流….成日以為自己係人地supervisor..不過全人類都知wowwow跟本就唔係….佢只可以話佢自己高級過人…連用詞都未識….oh..no….白痴x4….人地小老板都講大家係同事…自己就成日強調自己係人地既supervisor..但事實又唔係…唔通佢思覺失調..定失心瘋???白痴x5.....好鑼..最後當佢大喊既時候…最friend既兩位男同事重係度搵其他野講笑..一句都冇去安慰…你d人心好極有限…冇眼見架?....不過江山易改…品性難移….講話會改就得個講…佢一定唔會就咁算….況且佢成過過程都咁囉….點會唔報復…

我成件事都好唔舒服呀..個心...不過之後知道平復左都好d...夜晚同傻一去左太古做尖..我地又去左food court食野..今晚食印度野..又係好好食呀....

11月25日(六) - 今日放假喇..返左成5個星期六...去完飲茶..去左剪髮....行左一陣...就去尖咀等傻一...之後我地去左睇戲「閉門誘惑一家親」..d關係都幾變態.....不過有d位都幾搞笑....睇完唔會點記得既電影...之後我地去左食腸粉碗仔翅...之後就同傻一去左poly..佢要去搵journals呀...見佢入去圖書館好搞笑....因為第一次入去.....好似好狼狽..結果實q就去check佢喇....佢好似好無奈既樣..好搞笑呀.......之後我就去左我之前份工既同事kelvin既婚禮.....不過好似好亂咁....又冇氣氛....感覺麻麻..食完我重同heidi打的返屋企...好快呀...good

11月26日(日) - 今日同傻一去曬燈..之後就去太古做尖......之後又去food court食野..今次就食日本野.......之後我地去左睇「攣鳳和鳴」..其實都唔攪笑....個d配音又怪怪地.....最好笑都係「咩鴨黎架..咁貴...唔通係唐老鴨咩.」..不過個故仔都算有趣.....就返屋企喇....個中心就係叫人最緊要都係做返自己.....睇完之後我地就返屋企喇....

11月27日(一) - 今日我補假...一早去飲完茶..我就去左同傻一食lunch..好大雨呀..痴線..傻一又冇傘...我又淋到仔狗咁呀....好在傻一最後借到...之後我地食完魚旦粉..就去買傘...買完咪就係停雨囉..好似成日都係咁架....之後我地去左買零食...之後就同傻一返去..我就去左交保費....之後就返官塘同阿媽食tea....同買野....之後就返屋企喇...

11月28日(二) - 今日個八婆又扮哂野喇..唉..我都話點會就咁算呀....放工我就同傻一去左做尖.....今日去返e house.....今日我地去左食咩呢?我唔記我左添...去左邊呀???

11月29日(三) - 今日個八婆放假...正呀...今日真係激死我喇........個甘大滋真係衰...我上次已經講得好清楚...叫佢自己問清楚...自己烏下鳥下...今日最嬲就係佢話我同佢溝通出現左問題..重要大大聲等老細聽到...之後話我俾錯messege佢....佢都發花顛既...我好sure我係照讀人地寫咩就講咩..佢自己唔知做咩就真....之後屈完我重叫我唔好咁激動.....屈完人重唔俾人嬲.....係咪有野呀....之後問完老細所有野重好意思再走過黎問我係咪應該咁....我好串話:「我唔知喎..有咩自己問老細...我咩都唔知」.....下晝我就借d意將所有文件俾返哂佢...亦都唔使指意叫我再幫佢呢個project..放工又返屋企喇..

11月30日(四) - 今日去打波....又係咁喇....

12月1日(五) - 今日傻一又去e house做尖....我地今晚去左食印度野呀..好似冇咁好食咁..都係food court好食d喎...做完之後傻一叫我唔好送佢返屋企喇..因為聽日我有function呀...佢唔想我太夜喇....

12月2日(六) - 今次已經係第二次安排一大堆參加者去行山....不過今次又好似ok左d...由安排到行山既時間都比預期中既進度好...反而用得最多既時間就係係中心等d人去toilet....唉......成個過程都算順利..當日既天氣又好好..好舒服.....行完之後重同Christy,PAT同和記去左赤柱食lunch...對住個海..真係好relax呀....不過食完我就要返公司放低條banner.......之後再去尖沙咀join返傻一..行左一陣..我又係rf買左件衫..之後就同jennifer,mimi,emily,mandy同carman食飯....去左諾士佛台食意式buffet...幾好feel架其實..不過最衰我好飽..我發現我開始搭多左咀..開始會講下笑喇....不過目標都係carman多...之後我地行到成11點幾......之後同傻一搭船去中環..係新碼頭落..不過我都係鍾意個舊碼頭多d..好feel d...

12月3日(日) - 今日都係同傻一去曬燈同做尖...都有去美心食tea...之後我地去左糖街行..傻一買左幾件衫..我都好鍾意架....我又去買左jill既cd>.之後就去左jennifer屋企..傻一借書呀....佢屋企都幾多野...同舊...原來我屋企都唔係太舊je....之後我就同傻一返屋企喇.....

12月4日(一) - 今日好有holiday mood..因為聽日下晝開始放假.....

12月5日(二) - 今日下晝放假...我食完lunch之後就去搵傻一...傻一呢兩日都放假做功課呀...哈哈...正呀....我地去左食野...見到鈴木仁呀..好靚仔呀....之後去左一齊gym.....之後就返屋企喇..

12月6日(三) - 今日放全日...飲完茶我就去左買禮物....好快就買左喇..ck冬天限量版香水...好香架..之後重去買埋卡...跟住我就去左physical焗sauna>.跟住就去左寫卡..之後就去搵傻一喇..順便送埋俾佢喇.第17個月紀念既禮物呀.....哈哈....好難忘呀...之後我都返屋企食飯喇..

12月7日(四) - 今日又正常喇..打波囉...今日係我同傻一第17個月既紀念..不過傻一要返學..冇慶祝呀..

第17個月喇!!

12月8日(五) - 今日放工又同傻一去做尖...今日我地又去太古..又去左食food court...好味...之後gym...不過我好似好死攰呀....點呀...之後我就送傻一返屋企喇....

12月9日(六) - 今日我飲完茶四圍行....之後傻一打俾我話佢好驚..因為做漏野....我都驚埋一份..好在最後都冇事....之後我地行左一陣..想買boot..不過最後都唔想買喇....今晚去睇左「父子」..重係加長版...160分鐘..基本上我唔覺得長同悶..反面睇完之後有好心酸既感覺....郭富城做一個世紀賤男....大男人...爛賭...順口開河...又做扯皮條..重逼自己個仔做小偷..自己就等運到..到事敗重自己走人..唔理個仔.....成日話自己冇問題..係人地既問題....唔知道自己問題既人係最有問題既.........見到個仔最後要入兒童院..個心好唔舒服...個仔好唔憤氣話:「點解我唔想偷野..我好驚..你都重有逼我..」..好慘呀.....套戲其實係講父母對子女係有好大既影響....做人父母就係一個榜樣..係有責任....郭富城既角色的確係一個突破..不過我覺得佢開頭做得唔係好自然....的動作好刻意....之後就好好多..我估唔到楊采妮會肯拍個一幕戲....反而我覺得做得最好係個童星....總括來說..我覺得故事其實好一般...未能 細膩地講佢地父子之間既感情..個買點只係郭富城既非一般演出....同佢係故仔裡面既賤來顯出個仔既可悲..睇完之後個心係有酸既感覺..

今日我係金鐘短短10分鐘就見到3個明星...包括:楊婉儀(好大個肚)..陳司翰(相當不修邊幅)同新聞主播李臻..(佢比我上次見到瘦左好多..重一路行一路睇書)

12月10日(日) - 今日同傻一曬燈同做尖....去左一間茶餐廳食野...唔得囉..又計錯數..又lulu....唔好食...之後我地行左一陣..行左188就去食台灣麵...之後傻一又要去搵jennifer借書....之後就返去做功課..我都返屋企喇....

12月11日(一) - 今日又係咁喇..冇特別喇......

11月8日(三) - 冇咩特別又一day...

11月9日(四) - 今日放工去打波..但係改左係順利打....我用左1個鐘多d先去到....好唔方便...個場又唔好...

11月10日(五) - 今日放工去左買左d野...跟住就返屋企喇...

11月11日(六) - 今日又係做workshop..無驚無險...lunch去左同傻一lunch>.去左食喜喜...因為佢今日要返工...之後我本來去gym>..點知我右眼個con飛左.....我就唯有返堅企戴過....唉...又瞓左一陣....之後就去cwb行左一陣..買左隻mc cd俾傻一....點知買左隻佢有既...之後就接傻一..跟住去睇「男國少年夢」..都唔錯呀...小品式...有攪笑位...又有感人位......之後我地去左食牛屋...之後再行左一陣就返屋企喇...

11月12日(日) - 今日去左大埔探我家姐同睇下佢間新屋..我就覺得好過之前喇...不過係租既...之後一陣我就出左尖沙咀...行左陣...就去搵andy拎褲..個死野...串到死..重趕我走....你都死既...你估真係得你有恤衫西褲呀..!之後join左傻一..就去左睇「戇直處男2」...好似american pie d 戲....攪笑....冇咩野帶走..笑完就算..不過個幾個男主角就好得喇......之後我地去左油麻地食魚旦腸粉之後就返屋企喇....!!!

11月13日(一) - 今日8婆放假...但係星期六就係佢既大function..佢唔理3 7 21 ...將d野飛哂俾人....呢d就係責任心既問題...佢連唯一會理下佢既gloria都激嬲左喇......好囉..今晚同同事去左將軍澳中心打波..講真..都幾悶....

11月14日(二) - 今日放工同傻一去左gym.我地去左食越南野....都唔錯..不過就好熱氣喇...之後就gym...之後就返屋企喇..

11月15日(三) - 今日落大雨..傻一冇遮...咁我就去左接佢放工....同佢返屋企...跟住我就去左訂蛋糕....傻一生日呀...揀左好耐..最後都係訂左朱古力...冇死架喇...

11月16日(四) - 今日放工去左sogo買禮物...一去到已經買左對clarks喇...之後行左好耐....都買唔到..最後去左extravangaza..買埋個porter袋....就立即返官塘再買樽同卡...就返屋企...又要prepare個杯麵design..好忙呀...

11月17日(五) - 今日係office係咁等司儀稿..就係空檔時間係咁整杯麵...又寫卡...最後我竟然係5點40分先收到個mc script..點呀....之後又要讀一次..又要剪貼...結果6點15先走....出到去傻一岩岩去到等我...之後我地就去左食台灣麵..唔錯呀..之後我地就去gym.....不過我又要prepare個script...妖....12:00打電話去同傻一講生日快樂..同send sms俾佢呀...

11月18日(六) - function喇..講真..我真係唔想..又冇咩熱心去做...不過不失...有食螺絲呀....不過我又唔mind..因為我真係冇心機做..交行貨咋...之後我就去左接傻一..本來諗住拎左蛋糕先去搵佢..點知佢已經落左黎....咁我就同佢一齊拎...唔知佢估唔估到呢?haha....之後我地去左ifc食呀..不過好熱...又係個度送左卡同禮物俾佢....見佢好似好開心呀...我都未見過傻一個身係咁搖...好似好興奮咁.....我都好開心架.....之後我地去左cwb..行左一陣..就去左睇「驚濤搶救」...冇我想像中咁好睇....前部份同最尾就好緊張..不過中段太多文戲...一般....之後我地就去左cafe one食buffet...我都好期待..都冇失望..基本上所有野都係好食既...款都多...不過岩唔岩食又係另一件事喇...我就ok架.....最happy係有hagaan daz既雪糕任食..又可以自己整軟雪糕....正..之後我地行左一陣hmv就返屋企喇........希望傻一今年既生日開心喇....

11月19日(日) - 好忟....一早想去九龍灣美心搵位..點知執左..之後去左稻香...張枱佢地又話逼..又話路口..好煩..一個又追人轉..一個又去拎過飛等..好煩....之後入左房..又話冇人招呼...點呀.....之後我就去左搵傻一...去左gym...haha...今日好驚呀.....之後我就去左九龍灣中國芳食晚餐..阿媽生日呀.....好正呀.....

11月20日(一) - 今日其中一個前輩同事既喪禮彌撒.....個氣氛好傷感....有d同事都喊..我一見到呢d場面我就都會眼紅紅..雖然我同佢唔熟....不過我都唔知點咁........唉....

尋日係我同傻一第16個月紀念..傻一因為公司唔開心...我見到佢咁既樣..我個心都好唔舒服..個心好lar住lar住...傻一唔使理佢地...有我係度畔撐你架...傻一送左件好靚既冷衫俾我..我好鍾意呀....我就送左clarins同usb drive俾佢...希望佢鍾意喇..

之後我地睇完呢套戲....見到alvin呀..套戲都唔錯....娛樂性豐富...又有戲味.....真係有一秒都唔覺悶....夜神月同L既你死我活式鬥智鬥力....好犀利...其實個個初頭拎到呢本筆記..都係一心想助紂為虐...警惡懲奸..不過因為殺人變得太易...個個之後都係變左好似殺人狂咁..呢套戲有好多要用腦既地方.又有好多地方我唔係好明....不過唔緊要...氣氛好...L為左要捉到killer..不惜犧牲自己.........最後佢死個一幕..都幾感性....不過其實最後話冇左killer之後...日本既罪案又不斷上升...咁究竟係現今社會太多壞人...定警察太冇用....如果世界上真係有死亡筆記同killer..會唔會好d?其實都好驚下喎...

第16個月喇!

10月24日(二) - 今日好free....開始準備星期六行山既野..放工同傻一去gym...

10月25日(三) - 今日同佢地briefing星期六既野.....又係因為甘大滋......真係好騰雞.....攪到briefing左好耐.....

10月26日(四) - 放工去打波..冇咩特別喇..

10月27日(五) - 話說我因為marieh carey原本係星期六晚舉行既concert...放棄左我一早已經優先預訂.同marieh carey同一日舉行.坐f行(第二行)既HOCC CONCERT飛..重好辛苦咁搵人幫我買左佢....重要蝕左手續費...重要浪費時間去交收...好喇...星期一終於搞定喇....搵到人買喇...一切安頓好哂既時候....就係今日...marieh carey女士竟然宣佈取消香港既concert..........我個咀真係O哂...傻一又勁唔開心....我已經好橙架喇.....重有3位人仕打黎閏我...不過事情永遠就係意想不到既...就係今晚食飯既時候…傻一話俾我知佢買左飛今晚睇....horhor…我又有得睇喇...不過傻一就冇得睇mc喇....唉...

當晚hocc既表現都好好…好過好多現今所謂既天后….個編排同rundown都唔錯…..不過開頭好似有心思多d…..佢唱慢歌就好過快歌…因為感情投入d…佢d衫就一般喇….hocc亦唱左好多我好想聽既歌…好似「水花四濺」「如無意外」同「勞斯箂斯」….正呀…不過我反應唔係好鍾意佢成日都好刻意扮梅姐….個concert都算長..由8:50唱到11:40…

HOCC LIVE IN UNITY Rundown

千千萬萬個我
滿城盡帶黃金甲
迷你與我
元神出竅
兄弟
沙
再見...露絲瑪莉
願我可以學會放低你

神經痛
天使藍
娃得回魂

汽水樽裡的咖啡
化蝶

水花四濺
未來
明日張膽
夜半敲門

你是八十年代
我是芭比
艷光四射

孤身走我路(piano)
如無意外
絕對
露絲瑪莉
勞斯.萊斯
圓滿

鐵幕誘惑
光明會
花見
光榮之家

我勁愛你
小丸子的心事

10月28日(六) - 今日我要去行山喇...一早都幾亂...好多人...不過so far so good..好在都ok..不過就俾原定既plan遲左成個鐘呀...之後我就去左physical沖涼...跟住就去搵傻一....哈哈....我地之後去左旺角行街...又去左andy度hea左好耐..傻一買左兩件shirt呀...

10月29日(日) - 飲完茶就去搵傻一...佢唔舒服呀....我就同佢去睇醫生...之後就逼佢返屋企休息...咁我都返屋企喇...

10月30日(一) - 今日係重9...我去完飲茶..就去搵傻一...我地去左gym同曬燈...之後因為傻一要返屋企做功課..所以食左少少野就走喇....

10月31日(二) - 今日放工我就去左尖咀rf買衫..真係好多靚衫呀.........之後俾埋條褲andy改就返屋企喇..

11月1日(三) - 超得閒...冇咩特別喇..

11月2日(四) - 放工打波..又係冇咩特別

11月3日(五) - lunch上去探starling...見到佢我都有d心酸...今日放工同傻一去做gym...我地去左食kfc..好好食..好耐冇食...之後我地就gym喇.....之後就返屋企喇...

11月4日(六) - 唉..我今日要返下晝....去左鰂魚涌...不過個flow又ok喎..之後去左mk 搵傻一..我地行左一陣..本來想睇戲..但係又買唔到飛...咁我地就去左油麻地食少少野..就去左andy攞褲..死架..未有喎....之後我地就去rf..我又買左件衫喇..死.....之後我地就去左食hagaan daz...好好食呀..好enjoy呀....咁之後我地就去左搭船返灣仔再返屋企喇......傻一今日好似好開心喎..

11月5日(日) - 今日下晝搵傻一...之後去左睇「情碎的天空」...其實我覺得個故仔好簡單.邂逅..熱戀..引誘..冷淡..變心..藕斷絲連..都好真實...不過太少對白...同中間太長喇.....不過整體都唔錯..好過上年睇既.....之後我地去左cwb行左一陣..就食潮苑..跟住就返屋企喇...

11月6日(一) - 今日本來諗住好free....點知一個電話..一個fax...黎緊我都唔使指意得閒....今日結果係好忙...下晝我有份幫手開ms.chan空運返黎既生蠔...我唔係太岩...所以一般..不過我第一次開蠔架咋....臨放工policeman黎左...結果我6點先走.....頂!

10月19日(四) - 今日有人visit我地個centre...我8:15就返去預備.....又要banner..又要黏字...又要整powerpt..又要練習...本來覺得自己都有進步...但係最後一刻都係乃野.....話說老細叫我俾下星期步行「起步禮」既回條d人...咁唔係我到..我只係得俾參加者參加行山既回條...我就打上去問同事拎..之後我都想搵下我自己有冇copy再影印...係呢個時候都未夠15秒...老細又叫我去影相先....咁我又去影相先喇...之後我就立即又去搵...呢個時候d人就走....走左5分鐘之後個同事先拎落黎...老細就話我....冇錯..係話我唔好再慢D?佢只係想要D路線同時間...話一般行山回條就得喎....我唔憤氣...就話:「你話要「起步禮」既回條」..佢又話:梗係唔係喇....我要d資料」我重有咩好講...成日失驚無神就話要呢要路.....又唔講清楚.我係神仙...會變d野出黎咩...

放左工去接傻一..之後我地去食老麥...跟住我就陪佢返學...之後我就去左andy度hea...好容易又hea到9點幾..不過我都買左兩件shirt.....之後就去接傻一放學...就送佢返屋企喇....

10月20日(五) - 我今日大部份時間都係接電話同幫人解決問題...做自己野都做唔刑...本來諗住上晝已經可以搞定workshop d野..結果下晝5:00先ko...放工就同傻一去做尖...我地去左太古...食左pizza hut先..好飽呀......之後就做左一陣gym就走喇...

10月21日(六) - 今日有workshop...順利過渡..之後就去搵傻一...我地去左左唱k....去到又冇咩新歌好唱喎....不過都好enjoy...之後我地就去左食魚旦...好死辣呀....不過又好好味..之後我地就去睇欣賞梁詠琪音樂會..係九展做....我都未試過去九展睇show既...由於d飛冇畫位..所以我地就6點10去到等..好在都唔係排得好後...結果7點10先入場...我地都坐到普通位既第5行...都睇得好清楚......gigi又真係好高.....又冇我想像中咁瘦....同場重見到佢細佬...今晚我見到得一個artist係坐上客..就係林子瑄...(唔知邊個唔緊要...)由於冇其他明星..佢就已經「吸引」左好多記者影相...唔知係咪d記者要交功課..講返gigi既表現...又比我想像中好好多....都好smooth同穩定....唱左10幾首歌...都幾好....個氣氛又唔錯...不過我覺得佢配合萬聖節而做既個一part就有d唔好睇...個女鬼look唔得....同埋有一幕重要好似灑奚錢咁...大吉利是......唱其他人既歌我又冇咩共鳴...唱返自己舊既首本名曲重好....我想聽「他喜歡的是你」同「灰姑娘」.....另外請fans唱歌個一part又真係都幾搞笑.....總之比我想像中好喇

rundown

1)北京之夏
2)等人
3)兩個人的幸運
4)這一首歌(國)(冰糖石路)
5)傷痕(國)(冰糖石路)
6)Medley: 某年仲夏/出走地平線/比堅尼/青檸一片天
7)迴旋木馬的終端 (with 林一峰)
8)給最開心的人(with 林一峰)

9)Medley: 等著你回來(國)/鬼新娘/星語心願(國)/幻影

10)Encore: 給自己的情歌 

10月17日(星期二) - 今日好多野做呀...個八婆唔係度..應該relax..不過我又冇精神relax...唉....放工去搵傻一...好似好耐都冇係pp3等佢咁既...之後我地去左食綠野仙踪....好飽....跟住我地就去左gym....都好俾心機做..不過我真係好攰好攰...可能因為瞓得好差同成日發惡夢.....生活真係好大壓力.....唉.....

10月18日(星期三) - 今日同一班同事去試行山...預備之後既function..我地2點就出發..由centre行去大潭水塘.......行左3個半鐘....風景都唔錯呀........都幾熱架...不過沿途我地有傾有講....個氣氛又出奇地好好喎...我好enjoy呀.....得閒行吓山...真係可以relax呀....不過依家食完飯就開始釣魚喇.....呵!

靚嗎?係攝影大師又一傑作 - 名為山壩

夕陽無限好....卻是近黃昏~~~~~~~~

10月13日 - 今日真係好趕..不斷要預備workshop既野..今日個死八婆又係度扮哂野......妖...對佢好d即係對自己差d...

10月14日 - 今日去剪髮.之後同傻一食元氣..之後同jennifer,mandy,carman同佢個freind林偉阿成...去左一年一度既海洋公園哈囉喂 ，不過我自己本身對呢d咁挑戰官能刺激既玩意抱有不大既興趣，所以我係冇奇待既心態去玩玩...我係搭車入去時重見到好耐冇見過既美宝大人呀...佢好似瘦左....!!!之後我地入去..嘩.......好多人係門口等入場..死死死..都唔知可以玩到幾多...之後我地一入去第一個鬼屋「喪屍焚化爐」話要等45分鐘先入得...咁唯有去其他先喇....我地行過「猛鬼叢林」(都唔猛鬼」...之後排「幽靈礦場歷險記」(一d都唔好玩，重俾水噴濕我塊面)，出到黎黑哂天，好feel好多...之後我地去排「猛鬼衙門」，排左30分鐘....之後我地就排纜車過山上....一出就去睇「妖怪密室」，我出到黎真係O哂個咀.......得個女人叫....跟住我地去玩左「滑浪飛船」，就係呢個時候出事.....全身濕哂...下次千祈唔好4個人一架船喇....跟住我地排「血獄地府」，今次排左成個半鐘，之後排「吸血殭屍舞會」，排時重一路睇「黑夜女神招魂派對」show...玩完之後就去「魔盜之路」，再去玩左「翻天飛鷹」，跟住就係「瘋醫生搖滾show」，「鬧鬼墓地」，同「荒廢校園」，係呢個時間已經唔使點排隊喇....正...最後係11:50分我地玩埋「太凶異域」就搭返纜車過去走喇...!!!

第一間入既鬼屋「猛鬼衙門」時....個感覺又真係好鬼死驚..明知係假既...不過佢失驚無神衝出黎個一下你又真係會想閃開.....係個氣氛嚇人...不過之後其實玩埋其他..就開始麻木...因為其實間間都差唔多...又唔會真係好似欣賞藝術品既角度去睇佢地既設計..又唔會睇真d鬼係咩樣....都係拿拿聲去行完...同避開d「鬼」，不過d「鬼」通常都係專嚇女仔....同埋你越叫..佢就越行過黎嚇你...最恐怖都係「荒廢校園」，另外我最欣賞既反而係係一路上周圍走嚇人既「鬼」，有d好靚既魔女..有d好恐怖既喪屍..有d好壯既屠夫...有好cute既孖鬼....有中國feel..有西洋feel...佢地真係好專業.....唔會笑....!!唔知要我做我得唔得...我估我一定會笑...總括講..今次其實冇咩好大驚喜，不過係一個好好既relax經驗，好似嘉年華咁...又有得大叫一下....5:30至12:00..時間真係過得去快..!!

呢個女鬼失驚無神大叫...話我個口好大呀!!!!!!!!!!!!!!!!!!!!!點呀

10月15日(星期日) - 今日飲完茶就去搵傻一...之後我地去左曬燈.好囉..終於黑返d...如果唔係我就變白皮豬架喇..之後我地就去食美心下午茶..跟住就去gym...都做左好多野..又跑左45分鐘機..之後我地行左一陣..我又買左件褸...死喇...好似有d後悔.....跟住我地去睇「忽然七鴨」.....唔.....好典型既日本式電影...有友愛同奮鬥...有攪笑...不過又好似冇咩拎走.....娛樂性又唔錯既...2個鐘我都唔覺悶....睇完我地就去食南記...跟住就返屋企喇..

10月16日(星期一) - 尋晚又成日發夢..又瞓得好差...成日都好似好大壓力咁...死喇...我有都市病???今日好似好多濕碎野做..又不斷要同人交接..好似成日都冇做過野咁..夜晚就同阿媽去左食青葉...佢好似好開心咁...

10月7日(星期六) - 我係追月日就同傻一入左去黃金海岸追月喇...今日係我地15個月紀念...我地係巴士交換禮物..佢送左eternal summer既香水俾我..yeah>.I like IT!!!>.我就送左件返工線衫同梁詠琪music show飛俾佢..之後我地3點去到..好多一家大細呀....我地入到房就hea下hea下...重訓左一陣...點知訓下訓下..聽到有個女仔叫救命..好似好慘....我重以為咁猛添....點知不斷都有...重好肯定係隔離房....妖...hahaha....係叫床聲!!!!之後就冇左喇..唔知係咪死左......之後我同傻一落去行..個度好有氣氛..又好多一家大細..好熱鬧啊!!!!d攤檔又好有feel....我重去左ella小姐被人強咀既舞台行左一個圈添...哈哈

本來我好想食香辣屋..但太多人喇...結果去左一間上海食店..就真係不知所謂到極點....冇人執野..冇人理我..我話要醋..個女侍應竟然冷笑:「我重以為你話d野臭」....點呀!!重有..我叫左4樣野..得兩樣黎左..我追左半個鐘都冇...點呀..走囉..唔要...之後埋單又要成10分鐘..係呢個時候小籠飽黎喇...不過我都唔要...又一仙貼士都冇俾....中秋佢地已經改左menu..d野貴左好多..跟住又唔夠人做野..d人又好「奪」....重要d野唔好食....我死都唔會再去個間野....!!!之後我地買左d野就返去喇....返到去我地一路睇女王的教室..傻一又做下功課....點知我就訓左...到傻一訓既時候..我又訓唔著..點呀..我又起身睇一陣電視就得喇...

第15個月喇!!

10月8日(星期日) - 第二日起身就去左買麥記早餐..之後食完坐左一陣....本來想去曬太陽...妖...冇左喇..陰哂....坐下等下...又好似冇左個下晝咁...之後我地去左食香辣屋...yeah..好食..之後又買左d野就返去睇花好月圓同女王的教室....食食食..之後傻一訓喇..我就睇埋amazing race先訓...

10月9日(一) - 第三日我地起身食杯麵...之後睇etv呀...haha...蝸牛歌...好攪笑...12點我地就check out喇....3日2夜..好似唔係好夠喉....之後我地去左做facial..傻一就返學..我就返屋企喇....

黃金既中秋佈置

黃金海岸好有feel既泳池+海豚公園

10月10日(二) - 好唔想返工...返到佢又開始prepare workshop既野...好忙...下晝去左牛頭角同ms.yung聽書..好鬼死焗...我好眼訓.....想死..之後我又過返cwb同傻一gym..之前我地去左鹿兒島食拉麵..一般喇..之後gym時都好多人...今日我好俾心機呀...重跑左45分鐘機.....yeah..之後就返屋企喇..

10月11日(三) - 今日同d同事briefing星期六既workshop...上次我用左半個鐘..今次用左個半鐘...真係疲勞轟炸...佢地都鍾意天花龍鳳地搵d問題出黎..我已經冇出聲..係呢個時候老細經過..問咩事..佢知道之後就話我會做多左野...我個一刻好尷尬..不過其實我唔覺佢講既問題係問題..我反而諗其他野...不過講完都係冇用.佢地都係咁講...之後有人竟然問我點..我都幾忟...喂大佬...我負責預備...佢地有問題..我改都唔係問題..唔好要我make decision..因為我根本覺得冇問題..我話:「吓..係你地做..你地覺得有問題..我改冇問題...我都唔覺ms.chan講既野係問題..我地個組就完全冇問題..你地自己決定返」..之後問佢地意見..就冇人出聲..因為冇人願意負責任喇....點呀...個個講就天下無敵..要有人負上責任就冇人出聲....討論式既開會我好歡迎...街市式既開會我就會好煩...一人一句..無言以對....好在我唔係同佢地合作做workshop!!

10月12日(四) - 都係忙workshop..放工去左打波..好攰喇..!!!!

9月27日(三) - 返工...好忙呀....要prepare好多workshop既野..又好多unexpect既野發生...放工好攰喇...

9月28日(四) - 放工去打波..之後返屋企食飯....跟住我就去左poly等傻一放學..我買左d cookies同利賓納等佢...hehe>之後我地就搭的士去睇wild day out...有關淑怡呀....係hard rock cafe...由於我遲左入場...所以只係望d人頭同聞屁....唉..謝安琪唱左5首.....再同關淑怡唱左合唱3首..不過未見火花.....我係咁用腳尖著地睇show...好攰囉.....yoyoyo.不過shirley個新look又超得喎..新既髮班....好型....佢係台上就真係好放.....佢地合唱個三首就係"true color""人生可有知己"同"Into the Groove"......超期待shirley既part 2 concert...快d..快d..快d..快d>>!!!

9 月29日(五) - 由於要prepare workshop..好多野要跟..我都未試過咁趕架...放工就返屋企....

9月30日(六) - workshop喇...so far so good...冇大既問題呀..yeah..之後下晝我就去搵傻一..我地去二千年廣場d 男士美容做massage...都幾平...格局唔錯...不過一d都唔舒服..個auntie好似同我拆骨咁...好痛...最慘就係感覺好似俾佢污辱埋咁先死.....做完之後好似俾人打左一身....好攰....之後我地去左食權記同行左一陣188..再行去金鐘..跟住就返屋企喇..

10月1日(日) - 星期日去左傻一屋企format佢部pc..我攪左2個幾鐘先發現有問題...之後又要重新裝過......妖.....成日就係咁冇左.....結果我攪左成5個鐘先走....我地去左西營盤食左d野..之後就返屋企喇..因為我要prepare ms.chan既powerpt..好唔知點咁..無從入手...最後做到成1點幾......以前我都未試過做功課做到咁夜架...!

10月2日(一) - 想去sun tan...點知我遲左10分鐘到....佢唔俾我曬呀...妖妖..我又要走囉....忟到我彈彈跳!!之後去左gym..不過又好攰...最後去左美心食tea...之後就去行左一陣...就去睇「超女..回歸」...都好無聊..有d位好好笑...有d就真係好求其....不過起碼冇悶場喇...冇驚冇喜又冇野帶走既一套電影...之後我地就去食糖水.之後就走喇..

10月3日(二) - 今日又要返工..又要忙其他喇..就係ms.chan既powerpt....不過我今日交俾佢..佢又好似好滿意..我就放下心頭大可喇..同埋今日去左hku聽書...我竟然好留心...咩事??

10月4日(三) - 今日好近....放工好快就做左好多野...跑機喇...買禮物..再攞月餅...返到屋企都係8點半...yeah..犀利

10月5日(四) - 今日好開心...工作進度好好..又好似完左一d好煩既野....smooth喇...yeah!重有..今日同老細去左個forum....佢介紹左好多人俾我識......最開心就係...DH既老細級人馬竟然記得我係邊個呀.....真好喇.....同埋...又見到其他成日合作既partner...同合作過既醫生..佢地都同我打招呼...感覺好好...我又好似幾talkable添...我會唔會再變成一個更social既人呢....我都想呀...今日突然覺得我既工作又去到另一個階段..同有左另一個目標..就係擴闊自己係呢一行既人面...我諗網絡真係好重要...從唔同既partners學到更多既野....提升自己既眼界呀....

10月6日(星期五) - 今日好有holiday mood..lunch老細請食lunch..不過唔係好飽既..haha>.之後3點就走..不過我要3點8先走得...之後就返屋企食飯做節....重係屋企賞月...好似好耐冇係屋企賞月喇.....不過已經唔可以好似以前食咁多野喇...好平安既中秋節...好早我就訓喇...