今日心情好差...

舊黑雲好似跟住我....一出門口就落狗屎....上車就停雨...去到灣仔一落車又落狗屎...返到公司凍到我死...

個bitch燈籠眼又攪d小動作....之後又扮friend..我太多線眼喇.....唔該.友誼小姐一定唔係你喇...收皮喇...我對佢超冷淡....佢應得既....

lunch本來諗住去送d野食俾傻一，因為佢去左買飛..點知就係我上車個一刻..佢話已經買左..重食完野..我又失敗左喇......第二次喇.....自己食返喇....

放工就返屋企.....

今日天氣好差.....心情又差....好想有d野可以令我分神....

今日瞓到8點幾...我家姐突然打黎叫我阿媽叫我起身聽收音機..因為有關淑怡訪問...嘩...成兩個鐘都係佢....不過我開始聽既時候都已經過左一半..

之後去左飲茶...跟住去左做gym，成兩個星期冇做喇..不過今日個狀態又ok喎...冇退步到..反而進步左...有d機可以舉重左添...

跟住去左銅鑼灣行左一陣...買左2隻cd，之後傻一就打黎...之後我就去左搵佢....同佢食野..之後行左一陣...落雨天其實都幾好呀...不過行去同回程都見到一個顛佬...佢係公廁附近出現...係咁係度打眼色....叫我上公廁..頂....好鬼死嘔心....佢之後重跟住我地..我啤住佢都冇反應喎...我都係第一次遇到d咁既人...都唔知係開心定唔開心...我同傻一咁有吸引力?

之後我同傻一返左屋企...落返黎個顛佬已經失左蹤...好在....跟住我就返屋企....

食完飯就聽返關淑怡個訪問既前半part...佢都係係呢10年黎第一次正式出黎回應呢10年既傳聞...都係聽完就算架喇..

呢兩日聽左一首新歌....梁靜茹既「我還記得」，雖然歌詞唔係我既心聲..不過首歌就真係好好聽..

今日放假....起身同爸媽飲茶....唉..飲茶阿爸又同人鬧交....個waitress入錯單....等左好耐都冇野食...個死waitress凰係度話:做我地呢行係咁賤要俾人鬧......其實佢咁講係佢自己貶低自己...佢做錯野重要咁講...就真係更加令自己低上加低...

之後返屋企坐左一陣就出左去搵傻一....之後我地去左食tea，我第一次食蛋白餐肉治...熱辣辣...好味

跟住去左旺角行街..不過我地一d野都冇買....夜晚就去左雅蘭中心6樓「冧祿」食法式越南野...都唔錯呀....都唔算太貴........

之後再行左一陣就返西環...今晚去左間新糖水舖食野...我食左個法式榛子杏仁燉蛋...我覺得好好食....傻一個核李滿園就麻麻喇...勁酸...

今日唔知點解好似好鬼死攰..心情又麻麻...希望快d雨過天清

今日放假一天，不過我冇同阿媽講，因為我都出街...費事俾佢話我...不過我今朝先知我老頭今日睇醫生...都係頸度舊野..........

我都係咁既時候出門...我都去左灣仔..因為之前唔記得同阿媽講我唔帶飯，佢又留左俾我..所以我拎個飯盒俾阿姐..俾佢小狗食...之後我就去合和換衫...再去麥記食早餐....之後再去星巴..一路睇雜誌..一路飲咖啡..一路聽收音機....都幾free呀....時間過得都好快....

之後我就去左接傻一...途中甘大滋打俾我...話workshop個會同anti-smoking個會撞...頂...ms.chan又話個日得...最氣頂既就係死八婆燈籠眼係度加鹽加醋...話個anti-smoking個會我都有份開...冇理由唔知...頂你呀...你話ms.chan定我呀....ms.chan都唔記得喇...妖....之後佢話會通知我話個會要改..好在我醒..自己打俾ms.chan改左先...好憎個死八婆.....

之後見到傻一..我地去左灣仔一間韓國餐廳食野..之後行去糖街睇cd...再陪佢去睇醫生....嘩..我地兩點去到...等到3:40先有得睇...但結果睇左2分鐘.....唉...之後我就陪傻一返屋企...哈哈...

之後我返屋企...問阿爸點....阿媽話星期一要抽組織驗..多數都係瘤...不過唔知係良定惡....唉....其實我有d擔心...但我不斷叫自己冷靜d..同自己做心理輔導.....不過見佢地食飯好似冇咩野..我都要叫自己唔好咁擔心先...等結果先喇.....雖然我同我阿爸個感覺比較疏離...不過我其實真係好想佢冇事......唉....唔知係人大左定6年前已經有過一次呢d感覺....我既感覺比我想像中冷靜......

尋日返工都頗忙...由於曬到好紅..上日文堂俾sensei話我飲醉酒....之後就俾d同學係咁用呢樣野黎講...都好...起碼冇咁悶...

今日返工就忙喇..因為我聽日放假...Ms. Chan下個星期又唔係香港，好多野我都要趕俾佢....

lunch出左去飲左鮮榨橙汁....好味呀...正!

牙晝俾個lantern stanley au串我..話我唔識約人開會..頂.....我第一次見到佢就憎佢憎到依家...成日不可一世...氣焰到死..都唔明點解ms. chan成日搵佢幫手..又唔負責，又串，又冇料....妖..

放工去左黃竹坑接傻一，因為佢今日去south mark i.t. 見工....去到等左45分鐘終於等到喇...佢一見到我就話唔想返屋企食飯，我當然會陪佢喇...我地去左北角三德食齋.....好正呀...我最鍾意個湯...傻一話今日唔係幾開心....覺得浪費時間，...算喇.....咪當見識下人地office囉.....唔見又唔知係咁既.....起碼你都見到個好似馬國明既靚仔喇....食完飯就送佢返屋企喇...

今日終於又要返工，重未回魂....好攰

今日個個都問我做咩黎..因為尋日曬完...塊面紅得好緊要...成隻燒豬咁.....

成日唔知做過d咩..不過都係好忙...

放工就立即返屋企扮乖仔...之後就上網，做日文功課同聽歌....

今晚同個舊同學icq，知道有另一個同學wiss2個月前嫁左去日本，佢一d日文都唔識..去到先開始學，又要一邊學，一邊做part time搵錢，真係好犀利...聽日我又有日文堂喇...唉...

17日至19日係我今年最享受既幾日!

17日要返半晝，返工都冇咩好趕，不過中途突然醒起我冇帶contact lens case同藥水，因為我諗住買大會送旅行套裝，我又唔想帶住支大野去黃金，所以我竟然偷偷地鼠出去買野...好在最後我出去既途中阿姐話冇人搵我，12:30我就即閃喇...傻一都係公園等緊我，我地去左「麵軒」食野之後就入黃金海岸...嘩....間房好舒服，又有無敵海景..不過我地都冇正式開過窗簾....哈哈....個晚我地去左「香辣屋」食晚飯，個間就唔係幾得喇...不過個香酥油酥餅就好正喎...食完買左D野食就返去...因為有「星光熠熠耀保良」，有憶蓮同Shirley，好正......哈哈......個度有channel v 台..正呀...

18日7點幾就醒左...依然都係唔瞓得耐..哈哈..之後我去左麥記買早餐返去一齊食...之後睇電視...到5點左右，傻一就陪我出返官塘，因為我要做節食飯，傻一就自己去行街，傻一真係好......我一食完就去join返佢，之後一齊去左apm jusco買野食...之後就返黃金喇.....個時我真係好想以最快速度返去喇....不過係屯門有d塞車....返到去都差唔多11:00喇...哈哈....之後我地食左d野...再睇左陣電視就 瞓喇....

19日都係7點幾就醒左....哈哈....冇計喇...之後就食野再執野就要走喇.....因為今日好天..我地去左海灘曬太陽，佢餵我飲水...好sweet呀...到3點幾我地就去左元朗睇戲....係巴士度你第一次同我分一支野飲...我真係好開心...落車又發生左段小插曲，...佢漏左個腰包係巴士....好在又搵得返...傻瓜...我地睇左「摯愛」，都ok呀....薛凱琪做戲依然都係有d造作，如果套戲可以交代多d佢地點樣演變為情侶會好d...依家太weak喇....好難去理解點解郭品超會對佢咁好...個細路女就好得意同演得好好.....之後我地就搭968返西環喇.....我地去左「心粥館」食野..之後就返屋企喇...

呢3日真係好開心，可能真係無憂無慮，身邊又有個鍾意既人成日陪住我...一齊食..一齊睇電視..一齊瞓...你同我講你好鍾意一齊返屋企既感覺，我都係...我真係好鍾意呢種家庭feel既生活...有一種好幸福既感覺.........

今日都唔知做過d咩...d時間過得好快...

lunch出左去飲涼茶，之後返左公司練歌，我真係可始對佢地有歸屬感喇..

下晝教christy用d 測試儀器，教教下成班一齊走哂過黎有講有笑，之後甘大滋又請大家一齊食雪條...好開心..

傻一今日去打針...我放工諗住搵佢..點知一出門口佢已經打俾我話上緊黎搵我，^^...佢重俾左個聽日要用既list我，好細心呀...多謝...之後就送佢去搭車喇...

之後就去賽馬會會所食dinner，慶祝shroff既生日，成班好似馬騮咁，又唱又拍手，又唔可以大聲講野..呢d晚餐我就真係唔鍾意喇..雖然個環境好好，不過我一d都唔enjoy，食左好耐，個個都食到好眼瞓....食到9:50先走....重要俾佢老婆錫左4啖.........oh...!!

聽日就係我期待左好耐既日子...

今日好似冇返過工咁...10:30已經出左去....同哥行亞同d義工一齊去左合和參加一個老人活動，係2036xxxx贊助，成個function都不斷叫人食2036...好煩....好假，今日個function有司棋姐，胡楓，顧老闆，周聰，張美妮同李紫昕姐姐....我覺得顧老闆真係好得，高貴又大方.....又靚.......成個functio都好悶，又熱..個台又背住我....我條頸就黎拎到折斷......我今日冇打底....原來今日先要打低..因為d野食份量好少....

放工去買容祖兒演唱會，唔使排隊，好野..成個10月既星期六都係紅館過......

今日返工...好free呀.....燈籠眼隻眼發炎...所以sick leave，都岩喇....中秋要修理一下對眼應節喇...

原本諗住中午要聽seminar，所以朝早食多左d野..食左份公司治，但係結果lunch去到會場又有super sandwiches到會，我又食左2份sandwiches....

返到公司，甘大滋驚我同ms. yung唔飽，又買左菠蘿飽俾我地食，跟住我又食左d西梅乾，臨放工和記又突登走落黎叫我食月餅，又食左喇...放工重去左食麥記當晚餐....基本上我今日係一路都冇餓既感覺....最後就係上日文堂開始個肚唔舒服囉...都唔知因為d sandwiches定西梅.....勁攪肚....

本來今日真係好唔想好唔想上日文堂...一來我已經冇心機...二來又開始記唔到咁多野....所以真係好想好想放棄，再加上原來我冇報能力試就冇得refund持續進修基金(多得mabel姐放流料)，我既熱衷指數簡直跌到去0...一路諗如果我今日唔想..我之後一定唔會再上....不過最後又搵唔到人陪我，想睇戲又唔想自己睇..所以最後都係個心好唔想，隻腳就行去左上.....但途中又肚痛...原本都係想早走..但又冇走到....都唔知我係咩構造喇......唉..聽日又要食喇....希望個肚冇事喇!