今日要返工，有workshop，本來我都係做facilitator同帶遊戲，但突然體適能個人唔得，所以我要帶埋伸展操示範，之後Ms. Chan又要突然要開會，最後，我要做埋佢個part同round up....除左講書個part，全部都係我帶哂咁滯.....重要毫無準備....所以做今日個workshop特別攰...好在都算平穩過度。今日甘大滋同我講左d我都估唔到會同我講既野，佢話如果遲d個evening course係我搞既話係一件好事，多d野handle，多d野handle就多d power喎，其實佢暗示叫我唔好輸俾燈籠眼，唔...我真係冇諗過要同佢爭d咩，不過佢咁講我都好開心，因為佢咁講都係企係我個邊既....

放工去左西營盤搵傻一食飯，食雞排飯，本來諗住好天就去沙灘，但係結果個天又陰吓晴吓，取消喇...唔知幾時先去到...哈哈....結果去左荃灣睇「驚心洞嚇」，呢套戲真係唔係幾得，唔緊張，結構故事好弱，雖然好似好多特技，不過我反而覺得「長途嚇機」重好睇d喇.....起碼我冇悶既感覺..

之後食台灣野..不過一般喇...純粹醫肚...之後搭930返中環再轉3B同佢返屋企，930真係幾舒服喎!!

今日放假，一早去左飲茶，之後就去左銅鑼灣「麗斯餐廳」同阿姐同阿熹食lunch，當我地fairwell阿熹...餐飯食得好開心..我諗我同阿姐已經好似唱雙黃咁，成日一唱一和..跟住係度笑...

食到2:30左右，阿姐就陪我去買免提，都搵左一陣..好在搵到.

之後去左上環接傻一放工，跟住去左信德座左一陣，就遊巴士河，去左香港仔再轉車去油麻地...

係電影中心睇「長途嚇機」，故仔一般..冇咩前文後理，不過氣氛都唔錯，之後行去尖沙咀素食一家食齋....不過佢好似唔係好欣賞..

之後行左去尖東坐左一陣又行左一條錯既路，其實我就覺得唔錯...

跟住等車既時候，我見佢流鼻水，我問左佢一次係咪冷親，我唔知佢係聽唔到定攰到唔想答我，佢冇反應，之後我再大聲d問多一次，佢就好惡咁話我做咩咁大聲，跟住拎開..我個一刻真係好無奈...重有少少冒煙..之後大家好似各有各行..眼都唔望對方咁...點解要咁?

今日一番去都好得閒吓...朝早briefing 佢地聽日既 workshop，其他時間我都係執下野.....都冇咩特別...

今日我知道死八婆燈籠眼走去Ms. Yung面前單單打打...話d新人就即係新人....d人黎參觀重掛住傾計，頂你呀....係囉....最得都係你個老屎忽...d人黎參觀係度執垃圾..

放工同阿姐同christy去左老麥開左個訴苦會....3個既話題都係死八婆燈籠眼，都係當講左出黎有人身同感受....講完舒服d囉..

之後番屋企..阿媽竟然留左勁多餸俾我...有冇攪錯...我得一個肚咋...我都係食菜最多..不過食完真係好頂住個胃....到依家都重係好辛苦....成日都係咁....唔出聲就越留越多...將所有食唔哂既都留哂俾我..!!!不過得寸進尺係我阿媽既強項...!!

之後聽歌同傾左陣電話...之後就瞓喇.....幾時好天同可以同你去沙灘呢?

今日返工都好單調，冇咩特別...不過個隻「燈籠眼」都得閒..又黎發顛....今次一串就串哂我同阿姐...

話說有人o黎中心參觀，咁阿姐話冇水，問我使唔使上去攞，我就笑笑口話玩咩..佢地又唔係座定定，唔通拎住杯水周圍行咩.....就係呢個時候，隻「燈籠眼」突然飄過黎，黑面咁話:「有人黎參觀就唔好玩，冇野做都搵d野做」之後就飄開..我同阿姐當堂靜左，亙望加反白眼，唔該你喇...「燈籠眼」，笑住口唔代表係玩，我都係同佢講緊使唔使沖茶....同埋你隻野都係撕緊d紙o者..之後又扮哂冇野咁係咁同人講野哼..!跟住佢重串阿熹.....唉..阿熹你都唔做喇...反激呀!!

放工去左銅鑼灣做gym，我估唔到係個度會發生件咁既事囉.......好邪....哈哈..

之後同傻一返西環..呢程車好開心.....傻一好似開心番d....咁就好喇

今日我既心情都真係好左....希望聽日都係喇..呢首歌好聽呀!!

兩個人的煙火 黎明
最愛你的是我　否則你怎麼樣過
否則我怎麼可能赴湯蹈火
你說甚麼都做

你最愛的是我　還以為差一點走火
卻帶來屬於我兩個的煙火
美得我沒話說

今日番工都有d沖激，就係有一班老友記黎我地中心參觀，個感覺好好，第一，係因為個program係我攪既，第二，因為ms chan之後讚我，第三，就係見到班老友記都好開心，唔想走....呢d就係滿足感，我諗做我呢d搞活動既人最大既滿足感就係得到活動對象既良好反應，係呀......不過Ms. Chan今日失驚無神咁叫我做個program既MC....最怕佢呢d即興野.之前d visit都冇MC既!!

下晝又好得閒，冇咩做....都係同Ms. Chan開左個小會....

放工去食老麥..之後上日文堂，今日唔知點解我有心機上....

今日同傻一傾左一d內心少少既野...希望佢可以了解多d我諗緊d咩，我同佢講完我舒服左好多，我都希望佢聽完之後會釋懷多d同開心番d....無疑溝通真係維持一段關係好重要既元素!!今日我既心情唔錯....希望聽日更好喇!!

點都好，我欣賞你為我做過既野......唔好再串我喇..hehe

尋日唔知係咪「姑丈」到，我真係顛顛地，我竟然講左d過份反應既說話，真係好內疚同唔開心，對唔住傻一....希望你會原諒我，其實我都知你真係對我好.....不過你唔係講出口既人....我會珍惜!

由於尋日發顛，所以基本上我係瞓唔到，到今朝一早就打俾佢，好在佢肯聽我電話.....

返工都好得閒，好喇...俾我釣魚...lunch瞓左一陣，下晝老人院有interview，judy今日送左個mc mug玩具糖果俾我，我竟然抽中特別版....

放工最意想不到既就係傻一走黎接我放工，我真係完全估唔到，跟住我地去左太古做gym，之後去左觀塘食齋自助餐，不過傻一好似唔係好鍾意.....之後佢送我返屋企，真係好多謝你，我知道你都好攰，我知你錫我架喇!我明白同收到!

一返到屋企阿媽就叫我整水箱，好在我都整好左..

今日Ms. Chan回歸，當我上去3樓既時候，佢岩岩同一個老人院既新同事傾計，我聽到佢離遠介紹每一個同事既時候，佢形容我係「萬能」，我聽到之後真係嚇左一跳，乜我係咩?我真係唔覺得......我都好想我係...都冇乜邊個係呀?

基本上今日都返工好free，最煩既designer問題都有同事請纓幫我解決左....唔該!

放工返屋企執野.....掉左好多舊既信...都係無所事事咁...

今日依然好早就醒咗，不過又係瞓唔番，跟住就去咗飲茶，之後就同名爸家姐阿媽飲茶，跟住又同佢地行咗陣宜家，嘩，死人宜家使唔使開到個冷氣咁行呀.......成個雪房咁，凍Q死我咩!

之後番屋企瞓咗半粒鐘，就出去百佳買野，跟住去西環，再去太古做gym，今日做gym好鬼多人，想曬燈又壞左!!!!!!!!!!!!!!!!!!!!!!!!!!都未見過太古有咁多 人既!我開始覺得我個肚腩越來越大，同腰4周既肉(膏?)越來越多，我唔想喎!

之後就去再銅鑼灣食上海野...都唔好食，又膩....天花板又滴水..我唔會再去架喇!等我買下飲食男女睇下邊度有好野食先!!

跟住去食龜零膏就同佢番西環喇!

傻一話中秋有驚喜俾我，約定我喎!3日都有?連續既?鬼鬼馬馬!???

唉.....聽日要番工，又要搵個designer.....好煩!

今日放假，一早起身搭車去麗港城飲茶，之後搭地鐵去上環搵傻一...

跟住我地去咗仙桃園食肉燥飯，今日我都俾咗林一峰本書佢喇!之後行個條中環至半山行人自動電梯，我第一次行架咋.....好新鮮，我覺得自己好似遊客咁...跟住搭巴士去咗西環，傻一去剪髮，我就係老麥等佢..

佢好似唔係對個新髮型好滿意，不過我覺得唔錯呀..好精神呀.....之後我地搭車去咗中環照鏡!!之後再去銅鑼灣買咗對人字拖..落雨都係踢拖好少少!!其實落雨都真係唔錯架!

跟住我地搭巴士去到黃竹坑再轉巴士去數碼港睇「千杯不醉」，我重以為去個度睇戲會好死寂添，不過都唔係呀...我覺得套戲唔錯呀..楊千嬅就真係好攪笑呀..吳彥祖又型仔，不過我覺得方中信既演技真係俾我一個驚喜，佢係我心目中係一個得一種表情做戲既人，不過佢竟然可以係呢套戲入面好攪笑...而佢d表情就真係好攪笑下..呢套戲既故事好簡單，結局都好簡單，不過我就睇得好舒服同開心，一d都唔悶同不斷笑添!!

之後就搭巴士去油麻地再轉地鐵去黃大仙食飯，傻一介紹既..間餐廳叫「藍天使」，我諗我會記得個lu lu實Q係度老點!!!!我覺得d野食既質數真係唔錯，好鍾意d薯角同個湯，同出面好唔同!!食完之後就搭巴士同傻一番屋企，之後我就番屋企!!

今日搭咗11程交通工具，不過一d都唔攰喎!重感覺好好添!!

今朝又好早醒咗，都唔知做咩.....今朝又好早番到公司，嘩......Ms. Yung竟然重早過我番到.....我同阿姐都覺得佢係度捉蛇....阿姐好在話佢今日冇遲到.....

成日都好free..冇咩特別野做.....只係成朝等briefing Ms. Yung 同哥利亞．．．係等咗成朝．．

唉．．．本來今日約咗JOEY食lunch，個死仔竟然突然放我飛機，雖然我同佢識咗3年左右，不過話哂都係第一次同佢食飯呀.....就放我飛機...不過其實我同佢都幾岩傾，佢諗野真係好正面，以前我得閒都會同佢傾下電話，我以前有咩煩惱都會同佢傾下，不過自從我之前唔上icq之後，我地就好似斷埋聯絡添，唔係上次fairwell andrew都唔知重有冇機會再見佢，不過o個次之後我又同佢係icq傾番計喇....由於佢原來都係灣仔做野，重要好近添，所以先有機會食下飯...不過今日結果就係買飯盒食喇...

下晝我完全唔知我做過d咩，不過我真係俾PY醫院激死....個雞屎盅....叫佢comment，就次次都講少少，又要我同designer講話要改野..又唔俾料我!!我真係俾佢玩死，個designer就黎爆粗鬧我架喇!!!都唔知點開口!!

阿姐今日肚痾到面青口唇白，希望佢吉人天相喇!!

放工去打羽毛球，今日狀態好好，大獲全勝，yeah!!不過走既時候落狗屎，我成對鞋係全濕!!不過之後聽到傻一既遭遇就更加禍不單行...你要保重身體，小心冷親!!

好野..聽日放假又可以去街!!