Tommy's Online Diary ~湯米在線日記本~
大家好，呢度係我好私人但又好公開既地方，我諗你地睇完我d日記會知道我既日常生活同了解我多d，希望大家留吓言，俾d回應我喇!!
chocolateboy : 個人主頁 - 相簿 - 訂閱  [ QOOZA - 論壇 - 登入 ] 人氣：3574
chocolateboy
暱稱： Tommy
性別： 男
國家： 香港
«‹ June 2026 ›»
SMTWTFS
123456
78910111213
14151617181920
21222324252627
282930
最新文章
•37
•Relax Day 3
•relax day 2
•RELAX DAy 1
•2008-06-01
文章分類
•全部 (628)
訪客留言
最近三個月尚無任何留言
日誌訂閱
尚未訂閱任何日誌
好友名單
尚無任何好友
網站連結
尚無任何連結
最近訪客
最近沒有訪客
日誌統計
文章總數： 628
留言總數： 56
今日人氣： 5
累積人氣： 3574
站內搜尋
RSS 訂閱
RSS Feed
2007 年 1 月 23 日  星期二   晴天


朝9晚9 分類: 未分類

今朝義工冰姐同我傾計....我解釋左好多我同八婆既因果野俾佢知.....佢好似好明...佢同我講話佢硬崩崩..又唔識體諒人....佢講話佢應該明白左....同會改....不過我都係唔會理佢...有時d野係冇得返轉頭既....

今晚我要係公司留夜....因為有個course..我要做coordinator....朝9晚9....夜晚留係度雖然冇咩做..不過好辛苦..因為個元神已經唔係度架喇...........依家係7:30左右...不過已經好辛苦...........快d到9:00喇....!!!!!
發表時間：2007-01-23 07:26 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 1 月 22 日  星期一   晴天


生日快樂 分類: 未分類

1月17日(三) - 今日返工好忙.今個星期有3個course係我一個人由零到有....不停地..print..印....預備所有上堂既野...好忙....不過忙得係開心既.....放工去左同傻一做尖...之前我地去左kfc...食左佢地新既晚餐...我又好想食新既烤雞翼....結果就係食左好多好多既雞..又食左兩個甜品..因為傻一話好似藥水味.不過我就最鍾意藥水味既野....提子..黑加侖子..櫻桃...呢d我就最「屎返」....去做尖又冇舞跳.....

1月18日(四) - 今日又係好忙地prepare course既野...放工去左打波..今日又要去順利打....我結果都要6:35先到.....

1月19日(五) - 終於都prepare好workshop既野...都好...好似有鬆左一口氣既感覺..放工去接傻一..我地之後去左988食野..一齊係咁「目及」野.....haha>.....之後我地去左做尖......好少人喎

1月20日(六) - 今日5點幾就醒左...workshop真係令人好攰..又要做mc..又要帶伸展操...又要帶遊戲..又要做問卷..又要帶討論....精神同肉體都好攰.....之後就去左搵傻一..佢今日唔係咁舒服...流鼻水..之後我地去左西營盤食左野之後就去左尖咀同傻一買衫去annual ball..都好順利...件衫又好fit傻一仔喎.....之後傻一好似越來越唔舒服.....去左旺角之後又再返灣仔睇醫生..本來叫佢不如返屋企休息...佢又唔想..結果我地都係返去旺角睇「生日快樂」.....俾我想像中好睇...好似好生活化..我又真係覺得呢個世界上會有好多呢d咁曖昧既關係....不過結局係傷感既....如果我係小米.....我會寧願知道最鍾意既人係死左..定係佢呃我結左婚..等我怨佢呢...其實兩種都係好慘.....如果我係小南...我會寧願傷我最愛既人..令佢憎我而唔想佢見到自己死...定講真相俾小米知好呢....真係好兩難式...如果係我我都唔知....睇完呢套戲...我地去左牛腩麵之後就返屋企喇..

1月21日(日) - 今日飲茶之後就去搵傻一.之後我地去曬燈...用左新油..好似黑d..不過又好似好dirty咁.....之後我地去左做尖...之後就去左食越南野.....個烤雞我覺得好好食....之後就去左睇「血鑽」..贈卷....我覺得太長...有d悶既感覺....不過免費既就算喇...之後就返屋企喇....

1月22日(一) - 今日個八婆好想同我同嫺姐friend返..不過我地都唔領情.....放工就返屋企喇....夜晚重執左好多野...因此我家姐話阿媽做咩唔話我...佢係咪顛架.....!!!!!
發表時間：2007-01-22 09:07 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 1 月 16 日  星期二   晴天


義工又喊? 分類: 未分類

今日又發生左一件好尷尬既事....有位義工冰姐見到我..wowwow同燈小姐在場....就派利是俾我地.....之後叫我地要和好如初..要俾機會大家...邊個會冇錯呀...係度做野係一個緣份..佢話見到我地成年都冇傾計...佢話好似以前咁.我地3個開開心心...有講有笑唔好咩?之後佢就攬住wowwow喊....之後個燈小姐又眼濕濕..不過我同wowwow都冇理過佢..只係安慰冰姐...不過我地都冇應承佢d咩..

唉.....其實我都好唔知點喎...有時d野唔係一朝一夕既...wowwow好耐都唔係下面喇....冰姐又點會知佢同燈小姐唔岩呀..一定有人講過喇.....講既係咩version就冇人知....冰姐既心係好....不過有時係咪當時人先最清楚係咩事呢...好多謝佢既好心...但係都唔會改變到d咩...有時d野係唔可以返轉頭既..
發表時間：2007-01-16 06:46 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 1 月 15 日  星期一   晴天


工作評估 分類: 未分類

1月10日(三) - 今日返工又好free...個死八婆又唔係度..不過我就好忙...都冇咩free既時間喇...放工去左做尖...好耐都冇試過6點就去到做尖......7點9左右就走喇.....之後就返屋企喇

1月11日(四) - 今日有好多野要prepare>.又要聽briefing>...聽完briefing>.都係得一個message>..就係執生....放工去打波...今日完全不在狀態....打得好差...夜晚叔去又睇「逃」....好好睇呀

1月12日(五) - 今日都係禍不單行...又胃痛到我死....塊面又乾又脫皮.....下晝又同李女士鬧交....佢重喊..我都唔明...個電話又冇電...約交收又俾人放飛機....好在夜晚同傻一一齊...我地去左旺角行左一陣..之後就去左食日本野....好一般...之後去左先達...感覺上乾淨左好多喎....之後行多一陣..我地都走喇....傻一重送我返屋企...

1月13日(六) - 今日公司有兩個function...我又要handle一個..另一個又有野要跟..好吃力....成2點先走....約左傻一係cwb等..之後去左一間我都唔知係咩既茶餐廳食野...之後去左..今日同私家講左好多野...佢又sell我地油..結果都有買呀...佢話覺得我同傻一好攪笑...兩個成日都唔講野喎.......之後我地去做尖....我地去左跳BC1...幾好呀...可能我d workshop成日都有類似既舞...所以我都ok既...傻一..我可以教你架...放擔d就得架喇..之後我地去食粥..再去左冠華買d野食就走喇

1月14日(日) - 今日飲茶...下晝就去左搵傻一....我地去左中環大會堂...想買草蜢飛...不過d位又好似唔好咁...未買呀...之後想做spa.又唔岩...之後都係去行街...傻一係hmv買左隻cd...我地之後去左尖咀...去左andy度...d氣氛好似好怪...好見外咁...之後我地去左飲涼茶...之後就去左太古...食food court...之後行左一陣..就返屋企喇..

1月15日(一) - 今日在毫無心理準備既情況下老細同我做appraisal......都有d驚佢會問我一d我都未諗過既問題..基本上佢係讚我既工作表現既....話我做司儀好喇...做workshop個d佢又好滿意...做左好多extra既工作...佢又表示份工好適合我...我又好適合呢份工...又同我講好將來既野...基本上係佢講多過我講...不過佢都叫我要學多d自己handle一d問題....其實好多人都唔敢handle同自己解決問題...因為怕佢d朝令夕改....佢又話我可以學多d manage成個project既能力>..包括人..事...物.....總括..好多野佢都讚...有d野有改進空間...不過聽完佢講既野.....基本上我係好開心既..夜晚同揚哥..甘+兩個仔..gloria打波..好悶..

 
發表時間：2007-01-15 10:47 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 1 月 9 日  星期二   晴天


1年半紀念 分類: 未分類

1月6日(六) - 朝早去飲茶...下晝就返左屋企hea...6點就去左接傻一...點知傻一話佢要去金鐘買野...咁就係金鐘join佢喇..跟住我地又去左銅鑼灣sogo...佢又要去再搵野買....之後我地就去左糖街行喇...點知我就買左褸...牛仔褲同一件tee>..佢就咩都冇買呀...haha..跟住我地就去左灣仔新高麗食韓燒...好飽呀....之後就返屋企喇

1月7日(日) - 今日飲完茶同阿媽同家姐去左睇居屋...好正呀...個一刻都唔知點咁..有少少好似就黎搬入去咁...又有d好似立即唔捨得依家間屋咁..不過十劃都未有一撇.....唔係咁易既....之後我地去左南蓮園池...好煩呀d人....度度都唔掂得.....巴巴閉閉....不過都幾靚架...

今日係我同傻一18個月既紀念..我6點鐘去左搵佢..之前係高街又見到拍戲...撞車呀...幾勁..之後我地去左尖沙咀行街...行左一陣..我地就去左哥登堡食晚飯..又抵又好食....今日我收到傻一既biotherm 既recharge lotion...好正架..我就送左porter散紙包俾佢...食完我地就返屋企喇....

第18個月喇!!

1月8日(一) - 今日返工....都幾忙...放工我冇返屋企..我去左等傻一考完試....諗住俾驚喜佢..點知佢見唔到我呀...haha>.之後我打俾佢..就再係佢襟錢既地方出面等佢....haha...佢好似好驚喜咁....我地之後去左食日本野...跟住就返屋企喇..

1月9日(二) - 今日個八婆冇返..我又free喇.....不過今日我都好忙...下晝重執左好多野掉添...今晚一返到去..我家姐就講居屋d野...其實要我一齊供冇問題..但係如果我之後搬出去呢??好多問題呢...佢就話通常都係計劃告吹喇...之後又鬧我大佬...個氣氛好差呀!!
發表時間：2007-01-09 07:49 PM  [ 訪客留言(2) ] [ 編輯日誌 ] [ 分享至FACEBOOK ]


2007 年 1 月 5 日  星期五   晴天


玄園學院半日遊? 分類: 未分類

1月3日(三) - 今日終於開始回魂喇.....開始知返自己做咩....半夜俾阿媽手提d冇電 dodo聲嘈醒呀...好忟呀...

1月4日(四) - 今日放工去左打波..好多人....8個人...勁呀....全勝........!!

1月5日(五) - 今日俾主席讚我寫既歡迎辭好好...跟住老細又讚...我都有d開心既....lunch去左大老門食lunch...有lucky draw..我有幸抽到$500百佳現金劵......OOOH>..基本上我係冇用既....俾阿媽囉..

下晝去左玄園學院聽書....講者係李燦榮....佢講得好好...一d都唔悶...又生動...佢舉左好多例子..令我明白更多面對傳媒既方法....日真係拎左d野返屋企..佢係我心目中好似重係係無線做主播...不過其實佢依家係係有線做....佢好似飽滿過以前好多.....今....因為玄園學院有個菊花展...我就係break既時間....去左行左一個圈.....俾d相大家睇喇....玄園學院真係一個寧靜又舒服既地方
發表時間：2007-01-05 07:42 PM  [ 訪客留言(1) ] [ 編輯日誌 ] [ 分享至FACEBOOK ]


2007 年 1 月 2 日  星期二   晴天


Happy New Year!!! 分類: 未分類

12月30日(六) - 今日都係飲茶...之後下晝去左剪髮...好短呀...bob頭....即刻後生左5年!!!!之後就去搵傻一...不過去個架車都痴線架.......搖到我個頭想裂開咁!!!!!之後同傻一去左旺角行左一陣.....多人到.....之後我地去左食pizza hut...佢地個服務好好...個waitress又好似kellyjackie...不過個菠菜意粉就好似凍左d喇......個雞翼同pizza就好好味喇......跟住我地去左奧海城睇「緣份精華遊」..haha..我記錯左時間....我地遲左10分鐘先入場......做緊喇......套戲好好睇呀....jude law好型...殺死人個隻....kate winslet好多內心戲...又做得幾好...Cameron diaz個角色比較易做....成套戲都令人好舒服咁...睇完有一種好開心既感覺....正...出dvd我可能會買添!!

12月31日(日) - 今日6點去join傻一..之後一齊去做facial.....好似好relax咁...之後我地去左食茶軒...就去左睇「新鐵金剛之智破皇家賭場」...比我想像中緊張...個男主角又俾我想像之中型仔....好好睇.....完左之後就已經過左2006...倒數完喇.....我地本來想走...但係結果又走左入去人群之中...行下行下..好逼呀...最後我地行左去搭101....haha...係度祝所有人係2007年健健康康....心想事成...成日都開開心心喇...

1月1日(一) - 今日去左大埔同我家姐飲茶...個大女就真係越來越不知所謂喇.......下晝我就搭 307去搵傻一....之後我地去左曬燈....跟住就去左食文輝常餐...之後就去左gym喇.....之後我地就去左食粥....好飽呀.....!!跟住就返屋企喇..

1月2日(二) - 今日終於要返工喇.....好冇mood..........都唔知做過d咩..!!!!
發表時間：2007-01-02 07:39 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 12 月 29 日  星期五   晴天


昂平 分類: 未分類

今日同阿爸阿媽去左昂平...想搭下昂平360...佢地好似好期待...好似小學生去旅行既心情咁....去到個站...好多人呀...約等左30分鐘..我地就上左車喇.....個感覺唔錯....有幾段離地都比較高.....最衰就係好多煙霞...唔清囉......成個過程25分鐘..去到目的地個感覺都好好...好有中國feel...唔知係咪d人食哂野先...竟然d食館唔係好多人....我地就去左食拉麵..都ok...價錢一般...之後行左一陣...去埋大佛.....再去食豆腐花...就走喇...佢地好似唔係好捨得走....可能對於我去呢d地方唔係咁enjoy..不過對於佢地黎講..可能已經係一件大件事..同去左好遠既地方架喇...

之後我4點就去左灣仔....行左一陣...就去搵傻一...我地去左銅鑼灣食花園....個牛柳唔錯...之後就去gym...好攰呀我...做做下好眼瞓添....我地今晚報左個跳舞班.....basic既..但舞步一d都唔basic....完全唔知做既咩咁..又跟唔上....基本上如果由0開始..我會好enjoy....但係d人都好似好得咁..自己又知做緊咩...好似好肉酸咁....
發表時間：2006-12-30 10:34 AM  [ 訪客留言(0) ] [ 編輯日誌 ] [ 分享至FACEBOOK ]


2006 年 12 月 28 日  星期四   晴天


聖誕節 分類: 未分類

12月25日(一) - 今日一早我同阿媽就反左面...我地一句野都冇講..只係一個眼神..一d態度就攪到成個飲茶氣氛差都不得了...都未試過咁....阿媽重眼濕濕不斷喊...以我記得係第一次因為我攪到佢喊..個一刻我覺得好內疚....又覺得自己好衰...走既時候我同佢say SORRY..唔知點解..我忍唔住喊....阿媽話:「傻仔唔好喊...冇野喇」...我個心就更內疚....我真係一個衰仔....自以為成日對佢地都唔錯....其實可能佢地想要咩我都未知.....之後我打俾傻一....喊住咁同佢講....雖然佢唔知點好...但係有個人聽下我講就已經好足夠...之後行左一陣就去搵佢....佢見到我都有安慰我......基本上我平復左....跟住我地去左曬燈同續會....跟住去食美心之後就去做尖...好少人呀.........想跳舞但又冇堂...之後我地去左太古睇「傷城」...冇我想像中咁好...以為會好多出奇不已...但係都好平淡咁...金城武好似成日都要不修邊複咁....舒琪真係一個好大既花瓶...個結局冇驚喜...唔悶但係有d失望既電影....之後傻一本來想帶我去筲箕灣食野..點知執左...haha..之後我地就去左灣仔搵野食..點知好多都關門大吉..結果去左食粥...質素都幾差.....

12月26日(二) - 今日個心好驚..好似唔知點面對佢地....起身佢地冇叫飲茶...個心唔知點咁..之後阿媽有主動撩我問我野...我都好似好唔知點...下晝我去左搵傻一...haha....嚇死我...我地去左灣仔想做spa..點知又冇得做...男仔唔使relax架喇....之後我地去左食pizza hut...之後再行左一陣..就去左neway唱k...好耐冇唱...不過今日個喉嚨唔係好舒服....唱到9點就返屋企喇..

12月27日(三) - 今日去左飲茶..好似個氣氛ok d喇...之後同阿媽去左工展會...之後就ok喇...我阿媽最鍾意就係去呢d地方...佢買左好多野.....5..6大袋....之後返左屋企...今日因為台灣地震....好多網都上唔到....我重以為自己唔知做左d咩攪到死左機.....

12月28日(四) - 今日去飲茶..之後去左搵傻一食lunch...我地去左個bar食lunch....好一般...我地之後行左一陣....又去左pp1行..跟住同佢返公司我就返屋企執野....執左好多野掉..好多童年既回憶...不過有d野我都唔捨得掉...因為好有紀念價值....下晝同事和記打俾我...話佢..christy兩公婆.alvin+女友..elaine同amy會係星期日一齊踩單車..佢重要話佢突登冇叫八婆去....攪到我好似唔去唔係幾好..我話我只可以踩到5點左右就要走...其實佢叫我帶埋女朋友一齊黎.....其實我都想...不過唔得呢....佢地話之後會去食盤菜...不過我唔會去架喇...因為我要去同傻一一齊倒數....!!!!!!!!
發表時間：2006-12-28 09:24 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 12 月 24 日  星期日   晴天


開始放假+平安夜 分類: 未分類

12月22日(五) - 今日冬至....返工我真係好得閒....完全係等收工咁..今日收4點..我第一時間就走...去左apm買禮物...好在我一去到一行就買到喇...有效率啊.....之後行左一陣觀廣就行去麗港城食飯...唔知點解..今晚個氣氛唔錯喎......返到屋企上左陣網..點知突然中毒....死喇...我部pc冇喇.....好心急地scan virus...之後去瞓.希望第二日scan完冇事

12月23日(六) - 個心囉囉攣...一早7點就醒左...咩都冇喇..部pc好似咩都做唔到...都冇計...立即開始format......攪到10點幾....都ok返喇....就預備返去公司開party...同我想像一樣...好亂...我結果都冇食野....之後3點先食左少少野就去搵傻一.....哈哈...我地去988食tea..之後就做尖....冇人.....好正....之後我地行左一陣...再去食意粉屋就返屋企喇..

12月24日(日) - 一早去左飲茶....之後返屋企hea左一陣..就去左旺角買野...之後就去搵傻一...點知係佢屋企附近見到有死屍.不過好在有野蓋住....之後搵左傻一就去左食tea..好好味..我地搭104去旺角....係車上交換左禮物....我收到貼身用品同一條tie...靚靚...我就送在手皮帶同腰裝飾皮帶再加梁詠琪最新cd俾傻一..嘩...架車好搖..我地就好暈呀....去到旺角..行左一陣...傻一買到褸喇...之後行下行下....行到去太子...之後又去左尖東睇左少少燈飾...再行左一陣尖咀...實在有太多人喇....我諗我真係老喇.....一見到多人...就好驚...再加上又冇咩野行.....所以行左一陣.....就走喇.......平安夜好貼切...平安地渡過!!
發表時間：2006-12-24 11:35 PM  [ 訪客留言(0) ] [ 編輯日誌 ] [ 分享至FACEBOOK ]


« | 47 | 48 | 49 | 50 | 51 | 52 | 53 | 54 | 55 | 56 | ... | 63 | »