好忙好忙好忙..

要忙星期六既野.....

好多野好趕.....但又好似好多野阻住....點呀....

今日發現一件好低能既事....

我,pat,joan,pat同gloria一齊order pizza

個8婆想join..問阿pat...pat就敷衍佢..點知佢重問:「我可唔可以又order」

pat:「可以...呢度有d餐..你叫自己喇」...

好瘀............

佢下晝都leave喇...係我我就一定走喇..

order黎做咩....白痴

放工去交收完就返屋企...好耐都未試過放工之後準時返屋企食喇.

今日一返工就已經覺得事事不順..好煩...

好多野做.....12點幾原來briefing今日function幾野..

原來我有野要做架....

下晝食完飯就上左去rh跟野....

話咁快又4點...返去拎埋d袋就上去..

完左agm..又有另一個function>...

又overrun喇.....我,pat,joan同alvin係後台一齊part....好好feel..

一完我就即閃去join傻一...去尖沙咀....傻一買左砵仔糕..白醣糕同麥芽糖餅一齊食..好好食呀...

之後去食「壽司正」....好一般..又冇咩款...

之後傻一本來想拎褲..個死人andy又唔記得拎返黎...妖

咁我地就睇concert喇..

今晚又帶住好期待既心情去睇呢個演唱會...

今日sammi既狀態好過第一晚.....好似更加放同high...又更風騷..d觀眾又好high...high過第一晚....呢d就係互動既結果...

今晚覺得好多野都好似有進步..除左sammi本身之外...燈光....個rundown smooth既程度都好好多..

唔知係咪我投入左好多...個concert好似去得好快.....走既時候比第一晚更加唔想完....

今晚個rundown有d唔同...多左「感情線上」...冇左「回來我身邊」...睇完呢兩場concert>.令我愛上左「薩拉熱窩的羅密歐與茱麗葉」........今晚黃色件衫改左白色...個款好似差唔多...不過我最鍾意既一套衫都係白色遮衫加小丸子頭個一套.....佢後半場既龍眉戚高左...

嘉賓係at 17....本身我對佢地冇咩特別既感覺...不過佢地唱得唔錯...

今日11點1就完.....著哂白燈...我地都走....不過我地走左好耐....送完傻一時都好似唔係好多人走既.....上車之後我等車既時候先開始多d人走...唔通又出返黎唱多一首????蝕左....

sammi講既野好抵死...

好似佢一開場就話:「我今日rehersal既時候受傷...唔該d記者唔好話我係露台割脈...」....

佢講佢爸爸既時侯話好擔心爸爸有事...有fans大叫:「加油呀」...sammi就話:「呢d野冇得加油架」...雖然佢好認真....但笑死我..

呢d可能就係sammi最直既說話....可能係有d串....不過又係事實....

好想..好想睇尾場.....!!!!!!!!!!!!!!!!

Show Mi 鄭秀文2007演唱會 第四場 Rundown (21/5/2007)

1.          唯獨你是不可取替
2.          放不低
3.          愛情萬歲

4.          X派對
5.          男士今天你很好
6.          表演時間
7.          一夜成名

8.          抱擁這分鐘
9.          唉聲嘆氣
10.       愛是…

11.       薩拉熱窩的羅密歐與茱麗葉
12.       交換溫柔
13.       I will Follow You

14.       默契
15.       如果你有事
16.       赤子
17.       紅綠燈
18.    問我 (at 17合唱)
19.    始終一天 (at 17)

20.       星秀傳說
21.       獨家試唱
22.       非男非女
23.     發熱發亮
24.     小心女人
25.       螢光粉紅
26.       神奇女俠
27.     煞科

 28.       mi
29.       chotto等等
30.       叮噹
30.      親密關係
31.      感情線上
32.      終身美麗

今日佢地出哂黎補祝母親節..

去完飲茶就返左屋企

我就上網msn....聽歌....又打下機...再瞓左一陣..

好耐都未瞓過晏覺...

5:45pm又出左去食飯..都唔錯呀..

之後就返屋企喇

今日飲茶..之後返屋企hea左一陣...

之後2:00左右出左旺角行....

行左一陣..就去左紅磡火車站食野同打機.....

由於我好想買sammi個限量boxset..

之後就走左去排喇.....ooh>....4:00去到冇人...5:00就有成20個人係我前面

好在傻一未傾完功課...唔使傻一企咁耐...

我排到7:00..就買左兩個boxset....一個自己..一個賣既...

排左兩個鐘...其實6:00先去排氣隊都唔會差好遠

7:00傻一都黎到join我喇..我地之後就去左pizza hut食新既扭扭批...都ok既..

之後我地行左一陣..都返屋企喇...

今日返工好free..佢地就好忙...因為我唔使去個dinner.....yeah

之後放工就join傻一....我地去左都會豪庭...食野...好一般...

之後同傻一去andy度拎褲..跟住就去紅館....

本來想買野.....但係好長....唔去喇...入場喇..

好期待既一個演唱會..其實我本身唔係佢好super fans..不過佢好多歌我都好鍾意...

之前有好多不利既傳聞.....周邊既人都話佢會唔會唔夠氣...唔掂....你地睇下d傳媒幾犀利...明明唔係都俾佢講到係咁....而最慘就係潛移默化哂我地既印象....

我之前都未睇過佢既concert.所以冇比較..不過睇完呢個show.....我既感覺係好正面既...

唱方面...無疑...當sammi唱完第一首既歌既時候...把聲好似好沉咁...唱第二首好似開始有d拉唔上高音既感覺>..唱到第三首更好似唔夠氣咁...有種令人好擔心既感覺>..不過之後就漸入佳境..好似越唱越好...佢好似唱左好多歌..不過又有好多我想聽既歌冇唱...

聽完呢個concert....我先知原來「交換溫柔」係當年911之後...sammi叫林夕寫黎紀念911既....知道之後我就好鍾意呢首歌喇....最想聽既「如何掉眼淚」..佢冇唱....不過「華星」時期既歌係好大既驚喜..我重估佢會唔唱.....「薩拉熱窩的羅密歐與茱麗葉」「chotto等等」同「叮噹」係好大既驚喜....後者兩首歌更係全晚最high既一part

呢場係第一場..雖然冇encore...但係開哂燈之後..大部份既人都唔肯走..再問埋白燈...d人都係咁叫....最後sammi都出返黎...再唱多首「我們的主題曲」....雖然唔識歌詞..不過可見佢係有誠意既.....佢係concert講既野有d好有意思...有d好正經..不過有d都好搞笑.......好邪!!

佢係呢個concert跳左好多舞.......當佢跳舞既時候...唱得都ok..不過跳到尾段好似有d唔夠氣..力...

衫方面>...真係好正..好靚.....完全突出哂佢既優點....又戴左好多假髮.....個個形象都好唔同...有野性..有cutie..有cyber..有型..有model feel既....真係好得.....

舞台方面....入場時覺得好似咩都冇既...但係原來有好多變化..唱「I Will Follow Him」時個空中舞台係好大既驚喜..

有一part係講佢家庭.....之後再唱左一d好貼題既歌.....真係好感動.......又會令人反思一d野....

最唔鍾意叫人上台唱歌...之後送鑽石....好悶...

今晚既嘉賓係林海峰....我對佢一d興趣都冇..不過佢竟然同sammi合唱 「其實你心裡有沒有我」..好驚..

成個concert11:35左右先完....都好長...總括...我冇睇之前佢既concert...冇得比較..不過佢既表演好好..好放....唱都好架....不過個rundown好似好散既感覺....好似好難投入既感覺....

Show Mi 鄭秀文2007演唱會 第一場 Rundown (18/5/2007)

1.          唯獨你是不可取替
2.          放不低
3.          愛情萬歲

4.          X派對
5.          男士今天你很好
6.          表演時間
7.          一夜成名

8.          抱擁這分鐘
9.          唉聲嘆氣
10.      愛是…

11.      薩拉熱窩的羅密歐與茱麗葉
12.      交換溫柔
13.      I will Follow You

14.      默契
15.      如果你有事
16.      赤子
17.      紅綠燈

18.      星秀傳說
19.      非男非女
20.      發熱發亮
21.      小心女人
22.      獨家試唱
23.      螢光粉紅
24.      神奇女俠
25.      煞科

26.      mi
27.      chotto等等
28.      叮噹
29.      其實你心裡有沒有我(林海峰合唱)
30.      親密關係
31.      回來我身邊
32.      終身美麗

33.      我們的主題曲(開哂燈再著埋白燈時唱)

今日冇咩特別...

又唔係好忙...

放工去左打波......之後就返屋企喇....

今晚打波好勁....狀態好好.....

今日返工好忙....要趕星期五既gimmick...

5:30要開會.......好憎.....竟然遲到既係自己人...頂..阻住哂....

開到成7點......我就用9秒9既速度去physical join傻一.

我地立即報左nb.同bs1....

epsilon既nb好似好唔係太好......太靜...

跳完兩堂....好攰.

之後我地就返屋企喇..

今日放工同左傻一去cwb睇戲....之前去食西貢xx...食越南野...食到一肚氣..好憎個waitress>....

之後我地去左睇降頭..好耐都冇睇過港產片...總覺得呢類戲係80年代既戲..套戲97分鐘....完全冇悶場...好快入戲肉....亦估唔到原來咁血腥同好多好恐怖既意識....

套戲好似有好多賣點...有久休復出鄭浩南....好戲既邵美琪同林雪....只穿under既黃德斌...好多血肉模糊既場面...有詭秘既落降解解方法....重有露肉既姐姐...的確好多..

不過我就覺得...故仔方面幾好....好似好多伏線..又有d意想不到既線....完全唔係爛片....係有劇情>.不過結尾就好似馬虎左d.....點解個女仔咁鍾意鄭浩南要落佢降...唔明..明明鄭走既時候話會返..之前又冇諗過佢會走....點會係最開心既時候落降?係一去冇回頭個女仔先自殺架...唔係好合情理...

邵美琪演得好好...不過有d對白...由佢講出口幾搞笑...個句:「佢個頭重要係歪架」..笑死我..

黃德斌基本上唔係好多戲..發揮唔大...

林雪既角色係最令人同情既.....好慘呀..

鄭浩南好似都係唔識做戲.....鬧人係冇火既..表情又好似得個一兩個..

好多血腥暴力既場面>....d好血腥既我都頂得住....反而林雪死左....鄭浩南對佢做既野...我就真係好難接受...係個意識好令人接受...........如果我係邵美琪....如果要咁樣我先冇事....我都寧願唔解降..解左都一世唔安樂........

套戲其實係講:一個人既風流係要有代價同要付賬既........如果唔係風流....就唔會咁多人出事..

今日返工又好hea喇...

睇完傻一個日記..見佢好似好緊張....又驚

我就諗住接佢放考試喇..

之前我去左physical跳bs1..

之後就買左d蛋糕..

就係等佢...

好在等到....

之後我就送佢返屋企喇...

見佢食蛋糕個樣就開心!

今日係母親節，我地去左科大飲茶.....我家姐竟然諗到!!!

都ok喎..唔多人...又平...

之後我地行左科大一個圈...

阿爸阿媽都好開心呀.....

又唔係好熱....又望到個海..好relax

之後我地就返左屋企喇.

今晚就去青葉食日式自助餐...