| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
| 2006 年 2 月 19 日 星期日 |  |
| | 戇豆撞正女殺手(Keeping Mum) |
戇豆牧師屋企亂糟糟，諗住請個管家幫幫手，洗衫煮飯打下掃，點知神秘大嬸一出手，「殺入」屋擺平所有煩惱：老婆同人有路戴綠帽？個女豪放隨便溝仔溝上腦？個仔返學俾人打到飛街兼甩毛？管家原來靠把刀，一刀一件「解決」麻煩友！戇豆屋企好似愈來愈好，定係大嬸另有目的估佢唔到？
今日同老婆仔睇戇豆,開頭諗住戇豆有份拍會好好笑,好期待好想睇...點知都唔係咁多笑位...睇完有d失望...戇豆唔係主角...反而佢老婆同女殺手似主角多d...
| | 刊登時間︰2006-02-20 12:15 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 2 月 14 日 星期二 |  |
| Valentine's Day (February 14th)  |
12枝玫瑰,滿天星和石竹玫
情人節既早上9點起身...不過遲遲都未出門口...因為重有d好重要既野未做完
 整整下都成11點幾...有個pc既工作人員打比我叫我交卡,約左佢12點30交比佢...做哂d野之後就出門口
 返到去學校...差唔多1230...去左課室睇睇...d pc成員既同學...重上緊堂...所以都係自己一個走左去sao...去到打俾個pc工作人員...佢叫我交張卡比s15間房d人,比卡個時見到我個12支玫瑰花
 包得幾好幾靚
 睇完就去左canteen食野...向d同學收下送花d風
聽到佢地講2點30送...心諗慘啦
 ...唔知個時老婆仔返到學校未...如果未比d人知道哂...咁真係咩驚喜都冇哂...不過好彩都冇發生
之後係213-14上會計...上上下心諗唔知d花送到比老婆仔未呢?
點知上上下堂...pc送花d人走左入黎...點知佢問:[有冇人叫sophia架?]...
我心諗唔係呀ma,點解d花會送去我個班架...咁都送錯既
 明明比哂d時間同地點佢架ma...好在我班同另外一班冇人叫sophia...唔係到時都唔知點好
 分分鍾死左都唔知咩事...之後我同同我一齊坐既男班長講:[送錯左,,,]之後佢幫我出去搵老婆仔係咩班
 真係唔該哂
之後佢返左黎...話老婆仔收到d花啦
 重好開心
 太開心啦,之後就send左個信息比老婆仔:情人節快樂^^
過左陣收到老婆仔既message知道真係老婆仔 收左就放心啦^_^
上哂堂之後等老婆仔放學...先係去圖書館睇報紙...睇完報紙再特地出去買支水...再返學校圖書館點知個都係5點05分...d時間勁難過囉...之後等等等等等等...去左2樓locker個邊等老婆仔...過左一陣見到拎住d花,好開心
見到老婆仔咁開心,心裹面有種好難形容既開心幸福既感覺
之後放低哂d野...就拖住老婆仔走出學校門口...去地鐵轉到葵芳
去到葵芳勁多人...都有好多人拎住花...不過冇我想像中咁多...周圍行左一陣...不過真係好多好多人...所以行左一陣就去左一早訂左位既紅樹林餐廳...不過我地去到個時重好早,所以就咁入坐(事後聽返sunny講...如果早多少少係之前對情侶入去...就會係sunny同jessica旁邊...有d人跟人囉
 )入左去餐廳...間餐廳都幾有氣氛...暗暗既燈光...有一支少少既蠟燭仔..燭光影照2個人,好有氣氛周圍99%都係情侶
...第一次同咁多情侶一齊食飯個感覺好特別
 之後叫左個情侶套餐...好多野食...叫左2個湯,鴨胸沙津,牛扒,大蝦銀雪魚,冷熱朱古力各一重有布丁...之後餐廳送左舊心心鹼液=.=...d野都ok幾好食...不過份量多左d...食唔哂...2杯野賣相好唔得......之後比人吹賣單...見到外面又咁多人等位...唔好意思要人係e個咁好咁浪漫既人子等...所以食完就走...
之後去左葵青劇阮交換禮物
交換完禮物就送老婆仔,返屋企...係返搭緊小巴個時...個司機播緊n年之前既情歌
 真係幾有feel連坐小巴都有情人節氣氛...話咁快就到左老婆仔屋企...之後見到老婆仔既家姐
初次見面
咁都見到真係好好彩
 咁d花就比左家姐拎返屋企
今日真係好開心,最尾都有貴人幫助...真係可以講完美既一日...不過一齊既時間就少左d... | | 刊登時間︰2006-02-16 12:17 AM [ 訪客留言(2) ] [ 編輯日誌 ] [ 分享至FACEBOOK ] |
| [ 此日誌受密碼保護 ] |
| | 刊登時間︰2006-01-04 01:55 AM |
| 2006 年 2 月 8 日 星期三 |  |
| | 新學期...新開始 | 新年假係近來最輕鬆既日子...係咁玩係咁玩...不過返返學個時感覺到自己個心冇散到,都重有考試讀書個種心 早2日返學精精神神咁返去,諗住有個開始,面對將要黎臨既挑戰...不過好可惜第一日返學...第一堂唔洗上...真係冇野講...之後上會計,個阿sir好似教得唔錯,第一堂既野唔難,都做到
上Alex既堂知道 唔洗補考,重話我進步,真係幾開心...之後去左圖書館借左本書,同睇報紙-信報...記得banking阿sir講過:作為一個Financial Planning應該要留意下經濟消息...就算唔睇內容 睇下標題都好知下有咩事發生...睇信報就可以增加功力最快...不過比較悶...睇睇下...都覺得自己識既野好唔夠...個日信報講加息既影響分析同銀行盈利問題...有d加息報紙寫既野,真係要諗諗先諗得通...又有一d唔知係咩...例如巴賽爾協定(二)係咩呢?真係要慢慢學下先得...
今日又去圖書館睇書...都同之前既習慣一樣...走左去3樓最前排放歷史學既書既地方...隨手囉左本極權國家的興衰(近代),隨意睇下目錄,睇一個大約係:開始比較衰落的美國...好好奇咁睇...睇呀睇...原來自己都係比較鍾意講政治歷史多d...睇到內容之後覺得幾有道理...一個超級強國都會好多問題...唔知美國會唔會好似 當年西班牙...之後日不落不列顛一樣衰落呢? 哈哈 冇啦啦打左呢d野=.=可能e d叫興趣啦...
今日係icq睇到好朋友話我:係女仔咪好囉 話我夠斯文 識避重就輕 講道理,隱重,清盺(腦筋),禮讓,有計劃,文靜 講到有d我係女就一定娶左我咁...好無奈呀 識左好耐既朋友咁諗自己真係幾開心
不過我想做男多d 哈 最後送你一句:很多事轉一轉想法就不同了
| | 刊登時間︰2006-02-09 01:19 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 2 月 6 日 星期一 | |
| | 唱k |
↑貓訓↑ ↑薛肥↑ ↑陳浩↑ ↑荷蘭健↑ ↑綠禾↑
今日約左中學d同學唱k
 | | 刊登時間︰2006-02-09 12:28 AM [ 訪客留言(0) ] [ 編輯日誌 ] [ 分享至FACEBOOK ] |
| « | 12 | 13 | 14 | 15 | 16 | 17 | 18 | 19 | 20 | 21 | ... | 27 | » |
|
