10:40a.m...樹哥哥打左俾我...同佢傾左半個鐘到啦....我就換衫出去啦....

過左一陣...之前訂左雜誌...間野寄左張取書單俾我....我都差d唔記得左之前訂左雜誌..之後就搭98a...到左肥豬樓下...等埋佢就一齊去apm啦...12:00p.m到啦...時間較得啱啱好....之後我地去睇下間壽司舖多唔多人...暫時仲無人...

所以我地就行左一陣啦...12:25p.m就去左等位啦...等埋leeman..12:45p.m..我地就有位坐啦...

之後我同肥豬就送左leeman返學...而我地兩個就去左書局睇書...

呢排其實好想行街...不過暫時搵唔到人陪我...3:15p.m...等埋leeman...呀郭同婷兒...我地就搭車入馬鞍山啦...肥豬陪我地等左一陣車車...之後佢都搭車返屋企...入到去1個鐘都唔洗....之後我地就去左搵蕉蕉啦..

第一眼見到蕉蕉...感覺真係唔同左....真係有好大分別...之後我地就去左仙跡岩飲野...坐左1個鐘到啦...我地就去左蕉蕉屋企傾計啦....坐左半個鐘...6:35p.m..我地就搭車車返屋企啦...返到去都8點幾...食飯飯..睇電視...

11:00p.m同肥豬一齊玩msn既game...玩到1:00a.m..再同肥豬傾電話...傾到4:00a.m...好耐都未試過傾到咁晏...之後攰都唔訓唔得啦....

上左翠林煮俾肥豬食....等多佢1個鐘....

之後食埋飯飯就搭車車出佐敦....諗住買泳鏡...點知已經做完特價...

之後諗住行去尖咀既太空館...點知佢家姐突然叫佢整電腦...

最後我都係決定返屋企啦...因為唔想肥豬唔夠時間整....

唯有等下次先至再出尖咀啦....

不過我真係有d唔開心....因為肥豬家姐原本叫肥豬叫埋我過去...

但肥豬問都無問我...就答我唔去...

雖然我最後答案都係唔去...但我想家輝問下我...因為我覺得佢尊重我既意見...

返到屋企一陣....個人就無唔開心啦.....

夜晚都係睇下電視....同何珮+呀珊傾左好耐電話....

好耐無同朋友仔傾電話啦...聽日要搵下d朋友仔先得...

同肥豬傾到3:00a.m就去覺覺豬啦...

原本諗住去上堂架...不過都係唔去啦....

上到佢度...1:45p.m....呢排好似次次都陪佢覺覺豬....但我又唔想訓...

同佢玩到3:30p.m....佢就要覺覺豬...之後我就俾左佢訓啦...而我就玩電腦....

我俾肥豬訓左2個鐘...之後叫佢起身....懶訓到死....

之後玩多陣....7:15p.m就返屋企啦...

食飯飯...然後睇電視...仍然睇到11:30p.m...

同肥豬玩msn d game輸左俾佢....無奈....

之後收左線....同肥豬講話覺覺豬...但我都訓唔著...

之後睇電視睇左一陣....再打返俾肥豬....

又再收線....之後就諗返好多以前既野....

一年之間....真係發生左好多野....

2:00a.m肥豬打左俾我....傾左一個鐘...就覺豬嚕...

金日無落過街...又開始懶洋洋嚕...下午無野做既時候...我去左覺覺豬...

訓完之後發現...個頭仔好痛痛...痛都我都唔想郁...想再訓都無得訓...因為俾媽咪罵...

原來等時間過真係好辛苦....金日6:30p.m-7:30p.m呢段時間就最難過...都唔知搵d咩做好....哥哥又唔洗返學..我又無得用電腦...所以都諗唔到搵咩做....

7:30p.m就有得食飯...時間都過得快d....之後就睇電視睇到9:30p.m....

幫媽咪洗碗....個時先發現亞視套新劇我又想睇...之後就啦啦聲洗碗....

然後陪媽咪一齊睇電視....睇左一陣...要教細佬做功課....

過左一陣又再睇電視...然後睇到11:30p.m...

打俾肥豬...傾到2:00a.m就覺覺豬啦....

當佢打俾我同我講既時候...雖然覺得佢有d唔抵....不過我個刻真係好開心...個刻真係有失而復得既感覺...自己好似好衰tim..

有時唔知點解...我會有一種錯覺...覺得同家輝一齊好似有d唔真實....就好似發緊夢咁....