好耐無打過邊爐
金朝一早9:00a.m...susan已經嘈醒左我啦...佢都傻既...琴晚同一時間訓...但仲可以早過我起身....好攰丫....
刷牙之後就幫表妹整意粉...俾想像之中差...下次都係唔用意粉醬啦...我都無諗過d效果會咁差既....整埋就食早餐....睇電視已經睇到無野好睇...之後就同細佬+表妹玩大富翁...由細都大都鍾意玩....
玩左一陣已經11:40a.m...啦啦聲換衫....開返個電話...蠢左...仲以為會夠用....所以無帶差電...過左一陣birdbird就打俾我啦...佢話佢已經出門口....我就加快動作落街...
落到街初初第一眼認得佢...第2眼已經唔肯定啦...應該佢廋左好多...我見到佢都差d唔認得佢...之後我地就去左食飯飯...然後就返表姐度...等埋細佬食野...教左表弟一陣英文...俾表弟激左一陣...因為佢又懶到爆...勁容易既英文都唔識...而且又懶唔溫書..所以搞到我有d激氣.....
之後我同細佬就閃嚕...我同細佬搭巴士搭到鑽石山...再轉地鐵返將軍澳....然後我就搭到去藍田等肥豬...等左肥豬等左差唔多3個字...之後我地就搭車車去灣仔既職訓....去到個度d人先至話叫我地去青衣到見...呆左...都係聽日先打俾個電話睇下有冇位見算...
之後我地就搭叮叮去銅鑼灣...我地買左飛睇7:50p.m既<毒蛇嚇機>....之後肥豬陪我去換野..點知未有貨...有貨先至再打俾我...之後我地就去行街街....
行左好耐好耐...我地去過宜家傢俬行同食野...然後去過左city'super買咖哩整...下星期先至整俾肥豬食...city'super好多野買...下次想整野食再係度買先....之後再周圍行下..行到去公園...我地坐左一陣....我都已經好攰啦...攰到有d想即刻覺覺豬既感覺....不過見到就嚟有得睇戲都已經精神哂嚕...
套戲真係好好睇....之後我地就行去灣仔既稻香打邊爐...好耐都未打過嚕....個度d野都幾好食....而且都幾抵.....打到11:30p.m我地就閃嚕...之後搭左車車去左肥豬屋企...坐左2:30a.m...就要返屋企啦...好想係佢度訓...不過我知道唔得...個時真係唔想走...因為已經攰到無哂力....
返到屋企已經3:15a.m....好攰...好攰....換埋衫衫..我都已經去左訓嚕...聽日仲要出去...好攰丫!!
