哈哈哈...同t君出街街
金日終於有得同佢出街街..真係有10萬個開心...
我地金日一齊出去旺角百老匯睇"怪誕屍新娘"...我地話就話大家10點半出到嚟...但佢始終都係遲到...不過我唔會怪佢..因為佢都習慣左遲到架啦...佢大約10點9先到..第1眼見到佢..覺得佢好熟..但我明明未見過佢..就連我發夢見到個個都唔係咁...都唔知點解呢..唔...我覺得佢個樣都ok呀..佢都幾大眼呀...哈哈..我鍾意呀..我唔鍾意d細眼架...就好似o個個呀rain咁..我對o個個呀rain簡直係反感...講返t君啦...唔知點解..我見到佢..我好想好想笑..奇怪...可能係見到佢好開心啦...佢著1件風褸..1件長衫..1條灰色既褲..而我就著紫色米奇長衫+牛仔褲...
之後我地就拿拿聲行去百老匯...買戲票既時候...佢俾我選擇位置...我選擇左c.7+c.8..佢問我點解唔選擇c.1+c.2?喂..明明又係佢話俾我選擇...咁就唔好問點解啦...我好似係咁答佢...但其實個答案係.......我緊係唔話你知啦..哈
..之後我地就行左5-6層既電梯+樓梯..嘩..我地嗌哂..入到場好彩未開始..之後就由11:00a.m睇到12:20p.m到啦..你問我套戲好唔好睇呢?唔..我就覺得ok啦..睇戲呢d野..都係要睇下同邊個睇既
...之後一出場..我完全冇哂力囉...因為我忍左2個鐘先至有得去廁所...佢見我行得咁慢..佢問我做咩?個時我都唔知點答佢...
去埋廁所之後...我地就一齊行街街...初初係我行先既...因為佢都唔識行...但後來我叫佢行先..因為佢可以幫我擋住d人..咁我就唔會咁容易俾人撞到啦..不過仲有1個目的..就係可以俾我光明正大咁望住佢..之後行到旺中..佢又真係陪我行..再行花園街...佢又陪我行..行去花園街途中..佢問我做咩唔買"飄飄裙"著..之後我問佢點解我要買呀?其實我都想買架..但我驚我唔識襯呀..
之後我地行去食野..佢就叫做個快餐--咖哩薯仔炆雞翼飯..配蕃茄薯仔湯..飲凍檸茶..佢個快餐果然好快..唔洗幾分鐘就有得食..而我就叫左1碗貢丸..幼面..菜心..好立克..之後自己落多左辣..攪到勁辣囉....佢見到都話慘..所以佢就叫人拎左碗湯俾我飲啦..但我冇飲呀..因為太熱同太飽啦..不過佢又俾我睇到佢溫柔既一面....
食完野..我地又再行街街啦..佢又行我前面保護住我..當我想睇野既時候..我就拉住佢個袋/佢件衫..行多陣..我地就搭地鐵去荃灣..佢就去補習..而我就自己1個人行街...個度都好多人...但自己1個人好悶呀..所以我就去左書局睇書啦..4點幾..佢就問我係邊...佢就過嚟搵我啦...然後我地就一齊行去自修室啦..個度好靜...但出面好嘈..因為個度冇門架..我都覺得有d奇怪...不過呢..因為個度好靜..所以我同佢都坐得好埋
...溫左一陣...我又去廁所...洗手照鏡既時候...發現自己好似個蘋果咁紅...都唔知因為個度熱定因為同佢坐得太埋啦..佢教多我一陣..我地又要走啦..因為佢個friend約左佢7:00p.m去打波..對住佢...d時間真係特別過得快..之後佢就送我去搭地鐵啦..然後搭左9個字就返到屋企啦..
我地金日都成日打情罵俏..同佢一齊..雖然有時會俾佢激死..但大部分時間我地都好開心..佢肯陪我行街..佢肯同我玩..同佢一齊既感覺..真係真係好舒服..唔知點解見完佢之後..我發現自己仲更加鍾意佢..當我同佢坐得好埋既時候..奇怪地..佢既氣味..好似同呀俊一樣..我都好耐冇對男仔面紅過..佢係1個好容易笑既男仔..當佢笑既時候..我對佢真係有心動既感覺...原來我真係好鍾意好鍾意佢..如果有1日..佢身邊有個女朋友...我都唔知自己會點...
...之後就行去搭車啦...我首先上左leeman度...俾佢食左..我再放個袋係佢度..之後我就去杜杜屋企啦..我買左d餅俾water仔..咁佢又可以一齊食野啦
...我都估唔到佢拎咁多野俾我...不過食唔哂..所以同leeman+杜杜分享...好彩我都唔係食左好多野...食完之後....勁飽...所以就拎走個薯條啦....
...之後就煮野俾自己食..1點幾就出左去溫書啦..金日都OK多人既..但都勉強地搵到連續3個位....但過左一陣..leeman就話自己頭痛..所以就唔落嚟溫書啦...金日得我同杜杜咋...3點幾既時候..有個男人坐左o係我隔離..之後過左一陣..我就有少少眼訓就訓左囉..過左半個鐘..起身既時候..唔知發生左咩事...個頭好痛呀...好唔舒服...之後我見到個個男人一直發呆..佢維持發呆狀態差唔多1個鐘...之後杜杜話"個管理員話個男人係傻架..."..之後我都覺得有d似...過左一陣...我就過左圖書館借書...我返到自修室既時候..個男人準備走啦...唉...即時鬆哂....