皇后像廣場金年又有令令既聖誕樹啦..我.leeman同杜杜就相約左測完驗之後一齊去睇...但除此以外..我仲有咩做呢?溫書?搵個人拍下拖?我諗我寧願唔拍...我都唔想是但搵個人拍拖...同1個自己唔太鍾意既人拍拖..係1件好辛苦既事..勉強..從來都唔會有幸福..

leeman話我生日既時候請我食壽司..多謝leeman..咁你呢?你生日送咩俾我呀?金年既生日..我過得唔太開心..希望未來既生日唔好再咁唔開心啦...

金朝一起身..就刷牙+洗面..之後就去左玩電腦..打日記仔仔..11點幾..吸埋塵就去左煮野食.. 金日係雲吞面烚腸仔..好似好怪咁..不過自己煮既..仍然好好味..食完就換衫去自修室啦...

杜杜差唔多3點先至到...唉..之後3點半發現好肚餓 ..我同杜杜就出左去買野食食啦..我地終於買冷面食啦..不過冇想像中咁好味...又貴wo..都唔知點解有咁多人買..可能將軍澳得個度先至有..我覺得藍田個好d..4:45p.m...leeman先嚟到..之後溫多陣書就陪leeman去m記食野..金日哥哥做收銀..所以佢就請leeman食麥樂雞餐..哥哥就請我同杜杜食薯條同2杯雪梨茶..多謝哥哥...

然後行多陣就返學了...金日又坐老師桌隔離個個位..我覺得好好玩...金堂好易過..然後又上中文堂..悶c左..之後又去公園玩..冇啦啦有個男人同leeman講野...我同杜杜都唔知發生咩事..坐多陣就去左搵冬怡同輝輝啦..坐到10點到就返屋企嚕...

落到去..媽咪就話"咁早落嚟既?整好個電話拿?"...之後我咪話大哥係上邊...媽咪就講左幾句...我都唔理佢啦..我返左房溫書同編時間表...之後就自己煮野食食..食完就出去溫書啦..所以金日早左出去..

2:00p.m..杜杜又嚟左啦...金日我既目標係溫數學...所以我金日好俾心機溫數學..杜杜話測驗個排早d出去溫書..佢問我一唔一齊..我就話睇下點...不過可能都會早d出去..金日leeman冇嚟..因為佢幫我整日記...唔該leeman...大約6點幾..我就返左屋企食野..食到7點幾..我就落地鐵站搵杜杜..再得埋leeman..就一齊去m記食野..佢地話要食m記..我就拎左佢地幾條薯條嚟食啦..薯條真好味...

之後就返學啦...金日返8點唷..但我地8點1先返到去..不過唔緊要啦..呢個呀sir...對呢個呀sir冇麥心情...小休既時候...冬怡啦..輝輝啦..仲有牛先生落左操場玩...我啦..leeman..杜杜..貓女都落埋去..我地係操場度留左3個字...我地就上返去啦...我都係第1次上緊堂落左去玩..我金日見到貓女著短裙...我見到都覺得好凍...我問貓女凍唔凍?佢就話金日都冇咁凍...真係冇咁凍咩?我金日都見到個女仔著熱褲呀..我見到都 ...真係唔凍咩?呢d我就真係唔知啦...佢地係唔怕凍定愛靚唔要命呢?

之後又去打千秋...我講左少少鬼古嚇緊杜杜..ha..之後就回家去...

返到屋企就沖涼...執野..執到12點幾..我就打俾t君..我仲以為佢訓左...點知佢都仲未返屋企...之後就陪佢返屋企啦..我叫佢返到屋企打俾我...但佢又冇啦...成日都係咁...我等左佢半個鐘...但如果我嬲..我又應該以咩理由嬲佢呀?唔守信用?唉..唔嬲啦..我都唔想嬲佢...之後就去左訓啦...

我諗住偏心係數學身上...我要係呢科突出呀...咁呢..我就會靠樹哥哥既..我叫佢幫我補數學...我覺得佢教得幾好呀..雖然有時我地一邊玩..一邊溫...但都好過冇溫過呀...如果佢金個星期六又唔洗返工既話...咁佢又幫我補數學...不過佢自己都要趕火車...佢就嚟高考啦...我都唔可以成日煩住佢架啦...

仲有要溫多d書...如果唔係...金年會考成績又差架啦..我已經令大家失望左1次架啦...我唔可以再令人失望啦..我要報答爸爸唷...因為呢..我每個月都要洗好多錢:

1. 交學費--$950
2. 睇醫生--最少$500
3. 交補習--$450
4. 仲有呢雜費...

所以呢...我要俾心機溫書呀..我要變返個正常人呀..因為我覺得返夜校好慘..食飯又唔定時..人地有得睇電視既時候..我又要返學...有時想出夜街...但又要返學...d時間真係好難預呀...所以我要加油唷...