約左KC 2點係鐵鐵站等...遲到左半個鐘...我都覺得有D過份...但因為我唔記得樓下無98A搭..所以就要等杜杜落埋嚟先可以出去...之後我地就去左買個M記食...然後上KC間學校..一邊教佢數學...一邊溫人類..個度氣氛都幾正呀..又有歌聽...又有野飲...溫到大約5點就走嚕...

行去APM...首先去左幫Birdbird睇扭蛋公仔..自己都扭左2隻豆腐仔...然後去無印啦...去到買左幾本簿同零食..差唔多6點就搭鐵鐵..返去就每人買左個飛碟食...然後返學嚕..返到學校上英文堂...然後小息..打俾T君傾左幾句就收線啦...又開始感覺到佢又唔想對住我啦...再上林中文堂...又串左呀SIR..唉..成堂都睇小說...然後放學...

leeman要走先...因為佢約左佢爸爸有野做...所以得返我同杜杜..行去公園發現好多人..就行左地鐵站坐坐....原本諗住傾到10點..傾傾下就傾到10點半啦...都傾左好多野..話想去camp....養狗啦...感情..有d咩做啦...好多無無聊聊既野...但我好享受同杜杜一齊既時間..咩都傾一餐..咩都講一餐...

返到屋企打俾T君..佢又訓左..仲諗住同佢傾電話tim...唉...算數...

金日上會計堂尾既時候...教左KC一陣數學...之後就問牛先生幾時幫佢溫書?佢就話近會考個2個月喎...希望自己有時間幫佢地溫書啦..之後數學堂既時候...KC同我一齊坐...一邊上堂...一邊同佢傾計..我覺得我地又friend D...之後行去公園發現好凍..所以就決定返屋企啦...

同T君傾電話傾到點幾...之後佢食杯麵...我仲以為佢又唔記得tim...但佢食完之後就打返俾我啦...然後佢話佢煲湯煲到乾水...我就問佢開咩火?佢就話開中火...我就話佢應該開細火咁先唔會煲乾水..點知佢就話"關你銀事..你管我..."呀!!...嘩...聽左之後真係呆左囉...佢勁似爆粗囉....我先唔理佢呀....之後佢就話佢沖涼...又話打返俾我...但我知道佢唔會打架啦....

我叫左佢同WATER落街街陪我買野食...最後都係去OK買杯麵...返到去..一邊玩電腦...一邊等食野...之後開ICQ..發現呀良係度...之後就同佢傾左N句後..佢就走左嚕...佢係我ICQ既朋友仔...咁啱佢又係住翠林..不過我暫時冇諗過要見佢住....

5點幾又過leeman屋企嚕...佢哥哥係屋企訓覺...所以我地都唔可以好大聲咁講野...等埋leeman換埋衫同執野...我地就落新都啦...leeman就去幫佢舅父交電話費...而我就陪杜杜買野食water食...之後佢地兩個就陪我去睇野啦...我都係幫bird bird睇扭蛋公仔...我仲諗住有1套買tim...點知冇呀...可能因為係冷門既扭蛋公仔啦...之後打俾bird bird..可能我遲D要去幫佢去扭蛋....我發現我自己都鍾意左扭蛋公仔...唔知點解呢..我覺得扭蛋公仔好得意呀...

之後就返學啦...上商業堂都係仍然過得好快..之後又要上好好好悶既中文堂...我..leeman同杜杜傾計...呀sir成日係度串咀..之後我就好大聲咁指住話"呀sir...收聲啦...整野就整野啦...串咀..."..佢又要整野喎...又要串咀...串咀既時候又聽一半唔聽一半...嘈住哂...嘿..抵佢俾我罵啦...你地唔好串我呀..我發脾氣唔係好野架...

金晚放學冇去公園啦..之後就返屋企...然後食野...再沖埋涼...T君打俾我..佢問我金日係咪打過俾佢...我真係覺得佢呢排俾外星人捉左去洗腦...我覺得佢呢排好多野都唔記得....佢又話返屋企打俾我...唉...佢又唔記得左啦...我都冇打返俾佢啦...因為我唔想阻住佢訓覺...佢呢幾日都訓得好少...之後同牛先生SEND左一陣message就訓覺覺嚕....

做哂D野...11點就出門口啦...陪埋杜杜去買野..咁我地就正式搭鐵鐵出旺中啦...11點幾就出到去啦...3點幾就唱完嚕..但我都仲覺得唔夠咁...因為我仲有好多歌都未唱呀...唔緊要..我諗我近生日個幾日會出過去唱既....

之後就行街街...去左睇狗狗..D狗狗好得意呀...我第日一定要養狗...最後都行返去旺中...行街既時候見到好多得意既野呀...下次帶T君去睇下先得...我諗佢都會幾鍾意既...金日買左2條鏈...仲有換返個袋...然後就去左影貼紙相啦...真係好耐冇影啦...總共影左2張..但我地3個都覺得第1張都係靚D...

返到將軍澳就買飛碟先返學校....差唔多成9點先返到去...返到去拎埋D野出樓梯食野...返返課本都已經9點2啦好似..玩多陣就放學啦...我拎左牛先生個錢包嚟睇..我發現左有情信...平時D人都未必會俾人睇...但佢俾左我睇呀...突然之間我覺得佢好人左...但我發現佢對Leeman D態度唔同哂...唉...都唔知佢個人係點既...

之後就去左公園坐啦...金次有我..Leeman..杜杜..kc..冬怡..輝輝..3男3女一齊傾計啦...金次傾左我同T君之間既問題...佢地就覺得我應該大膽咁問T君"你鍾唔鍾意我呀?"..但我知道自己真係問左之後...如果佢拒絕我...我對佢既態度就會唔同哂...我都會hurt死左...我應該點呢?問佢..定係繼續曖昧呢?唉...我都唔知呀...我已經覺得有D辛苦既感覺啦...

金晚同T君傾電話既時候...我又喊啦...我真係發現自己呢幾日好鍾意喊...可能有太多野煩既關係啦..T君不斷問我做咩...我發現自己仲喊得勁..佢話"都唔知你做麥"..呢一句...佢令我諗起呀俊...我以前喊既時候...呀俊都係咁同我講...唔通..我真係好煩?我問佢..."如果我係你女朋友...咁我值幾多分...60分"..好傷心...問佢"咁如果唔係女朋友呢?咁我就值80分..."..因為我唔係佢女朋友..所以就值咁低分..仲有..原來佢F.5重讀既時候..有俾女仔追過架...但最後就當冇發生過任何事...真係得咩?我問佢"你宜家有冇鍾意人呀?.....應該冇..."..呢個答案已經答左我啦..個刻..我真係好想決定離開佢...但真係要咁做呀?

我金晚叫佢唱歌俾我聽呀...我覺得佢真係好用心咁唱...唔知道點解..我聽到佢既心機...多謝佢唱歌俾我聽...同佢傾到2點幾..支力終於捨得收線...

金晚唔知點解突然之間.....我覺得自己好辛苦...而且覺得好支力...之後叫T君陪我架.....但佢唔聽電話...我諗呢D都係天意嚟既...如果打俾佢.....我諗我會喊到死下死下...之後我就決定打俾bird bird啦...因為佢係１個好好既聆聽者.....同埋我係個個時候諗起?....

我係用手提打俾佢.....佢覺得有Ｄ驚訝.....ha.....唔緊要啦...之後我就喊左一陣.....就同佢呻啦.....呻下讀書啦.....之後就講同Ｔ君既關係......佢都覺得我同Ｔ君好曖昧.......佢覺得我地之間只係差一步就可以成為情侶架啦......不過我地之間冇人肯行多一步.......所以佢覺得我地應該繼續曖昧......因為可能會有花火.....唔...我應該點做好呀?