金日上左翠林..首先杜杜同water係ok等我...我發現宜家每次見到water仔..我都會機會抱佢..好開心佢宜家終於唔抗拒我嚕...之後佢地就上左去我屋企..杜杜就食我煮既意粉..而water仔就不停咁周圍行..佢勁得意..我問杜杜點解water會咁..佢話因為water好興奮同埋要視察環境..真係覺得water仔好得意...

杜杜食埋野之後就一齊過leeman度..我地只係將盒意粉o門口度俾leeman..但water一見到leeman就吠啦...俾完盒意粉之後..就落街買野食..見到冬怡..同冬怡傾計既時候唔小心咁踩到water仔....攪到water仔勁吠我...sorry呀water仔...之後入百佳買野..買完野行返屋企嚕...我入lift既時候..我見到water好想跟我入lift..但可惜唔同lift既關係...杜杜話個時water仔停左係部lift前面..可能佢以為我會o係部lift出返嚟卦...

返到屋企打機...打左一陣冬怡打俾我...佢問我係邊..之後就叫左佢..杜杜同leeman上嚟我屋企玩大富翁..等leeman期間..我繼續打我既機..佢地睇我打機..到左5:00先開始玩..玩到5:45p.m..我知自己死硬..所以就話唔玩啦..我就繼續去左打機...隻game係搶擊game嚟既...隻game既目的係要殺死哂所有異形...突然之間覺得自己有d暴力tim..我都好耐冇玩過嚕..佢地就玩到6:15p.m..冬怡就走先..而我就玩到6:30p.m..超好玩..遲d再玩過先...

買埋野就返學嚕..返到去都成7:00p.m啦..好快就落堂嚕..原本諗住行去睇野架..KC話叫我地返學校幫佢拎野喎...無奈X100 ..不過連杜杜自己都唔記得拎野囉....之後拎埋就去鐵鐵站俾KC啦..然後去睇野..但最後都唔係去睇MP3..而係去左CRAZY ROOM..買左2個散紙包同2個髮夾..個2個髮夾幾得意..我諗住買嚟送俾細表妹架..然後就各自回家...

返到屋企睇阿monk..但睇唔到上半集呀..好彩叫左birdbird錄左啫..佢話星期3幫我電話補習溫書...咁好啦...我唔阻住佢溫書啦..睇完電視打俾T君..佢終於變返正常啦..之後佢話遲D打俾我...佢又有打返俾我..開心開心..同賃傾多半個鐘就收線嚕..之後洗埋碗同沖埋涼就返秀睇漫畫同寫埋日記就訓嚕...

之後我就返屋企拎印花同去廁所...然後就拿拿聲落返街啦...買完之後又上返去擺野...然後又落返惠康同媽咪買野...唉...簡直想C...落咁多次...我已經好支力啦...之後就同媽咪買左兩對鞋鞋...再返屋企...幫媽咪執好D野..我就去左玩電腦啦...我金日成日都打返之前個D日記...但我發現自己仲有10幾篇都未打....唉...點算好呢?唉...遲D先打返啦...玩到6點幾就去左沖涼..沖完涼又有得食飯啦...然後又要幫媽咪洗碗...爹D好有興致話落街食野..之後就同爹D落左街食啦...超貴囉...1個人差唔多成$40...食完就去左買糖...我好似都好耐冇咁爹D一齊落街啦....

返到屋企就溫左一陣書...然後睇電視...睇到11點幾...然後睇雜誌...見到D人化左妝真係靚左好多...呢幾日得閒既話去leeman度學下化妝先...學左又冇壞既...如果心情靚既話...化個靚妝出街...我諗個人都會開心D既..好啦...就咁話啦...之後返房啦...又失常地喊左出嚟啦....我都唔知點解自己又咁化學既....我覺得自己好蠢tim...為左呀俊又喊咁耐...明明我已經唔掛住佢架啦...不過我諗連自己都估唔到自己同佢散左差唔多成年啦...時間令我開始唔諗佢啦...但我知道到左13/2..自己都會再失常多次...原來我表面真係可以好堅強..但內褢好脆弱...個心碎到唔可以再次合返一齊啦...除非....另1個佢出現保護我啦....

金日差唔多成日都o係屋企...3點幾既時候原本陪媽咪去買糖...但點知到頭來都係陪佢買野同幫佢拎野...返到屋企就執野...執到7點幾...然後就有得食飯啦...食完飯幫媽咪洗碗...洗完碗就沖個靚涼...然後睇電視....9點幾俾呀哥嗌左我落街幫佢拎野...真命苦..成日都要幫人地拎野...

幫佢拎完野上嚟之後...就繼續睇我既電視...睇到10點幾又俾媽咪趕左返房嚕...寫埋日記10點9...同細佬玩啤牌...唔知佢呢排做嘜事...佢呢幾日都拉著我叫我同佢玩啤牌...同佢玩到11點3到啦....之後就一邊睇電視同傾電話啦...打俾T君...唔知點解又好似冇嘜野傾...點解又變成咁架?同佢傾左一陣...佢又話訓覺咯喎...唉...之後又打俾Bird bird啦....我又煩住佢啦...但我金晚唔係叫佢教書...而係真係傾下計...傾到12點到啦...就唔同佢傾啦...返房訓覺...但差唔多成個鐘先訓得到...訓唔著既時候唯一可以做既就係諗野...諗左好多野...唉....

做完壁報之後就有得出去買野食啦...所以攪到我地金日3個都冇上到第1堂...第2堂要做聆聽...完全聽唔切..由於只係上1堂既關係...所以D時間都過得特別快..放左學都冇去傾計嚕..金日又凍左好多啦...

返到屋企食飯..沖涼..差唔多11點就打俾Bird bird..金日叫佢教我人類生物學---神經...叫左佢教我要記d咩啦..仲有叫佢成課書講多次...我發現原來真係有好多野要記...始終都係覺得佢同樹樹教得好D..仲有佢地對住我真係少D耐性都唔得..希望溫成哂啦...金日冇打俾T君..因為我同Birdbird都差唔多傾到點幾..金日同bird bird都傾左好多野..印象之中都好耐冇同佢傾咁耐啦...

                                            我地既話題:

1. 我覺得佢有好多朋友仔...連佢自己都認同...咁我D朋友仔呢?
2. 佢個朋友有次收禮物..竟然收到1大箱既生果...有創意..我鍾意...有機會我都送箱生果俾人先...
3. 我覺得佢教得我明既其中1點係---生動...
4. 生日既時候...收到禮物緊係開心到爆架啦...不過有時人地唔記得送禮物...就算1句簡單既"生日快樂"...當事人都會好開心既...除非當事人諗住你會送禮物俾佢啦...
5. 好想主攻煮野食...Birdbird叫我諗清楚自己條路..有機會既話叫我說服屋企人俾我主攻煮野食...
6. bird bird係我生日個日就會去旅行返嚟..佢話返到香港就打俾我同我講生日快樂...好開心佢記住我生日..
7. 我覺得聽佢聽書既時候..自己乖左同向學左..但佢話唔覺喎...激死我啦....
8. 又俾佢捉到我D英文懶音..唔知點解..我覺得佢有D似我補習呀sir..
9. 新年應該去佢到補英文..仲有會去T君度溫數學...但仲未諗到幾時...
10. 提返鵬鵬..原來佢真係已經好耐冇搵我嚕...

之後就決定過厚德買野...去過去既時候見到嘉欣喎..我差D唔認得佢...佢好似又肥左嚕...唔知點解呢..周圍D朋友仔好似因為冇返學既關係...個個都好似肥左唷...唉...真係C得人多啦....之後就等埋杜杜...就一齊行去買野啦...之後就行去圖書館...還書同玩左一陣電腦...之後我就返屋企拎野...然後搵返杜杜..就去鐵鐵站等leeman啦...

去左買野食食...再行返學校....上會計堂....我問杜杜數既時候...我..杜杜..leeman..冬怡...KC一齊傾數學...點知招小姐就話"喂呀...呀SIR...宜家係咩堂呀...佢地係度傾數學..."哈...呀SIR都未出聲...你就唔好咁多野講啦...你聽書咪聽書囉...我地唔阻你架...洗唔洗咁呀你....之後我同杜杜就出左走廊傾數學...得返leeman同招小姐上堂...而冬怡...KC..牛先生...巧儀就一齊出左走廊玩...

班男仔勁衰囉....撞到我呀....衰到死...佢地仲要特登個囉....衰到死...之後就上左2個字既會計堂...然後就返班房...見到家輝返左嚟...然後就好人地幫佢抄野...KC就話我唔幫佢抄 ...都唔知俾咩反應佢好....數學堂測驗...唔識做...慘慘...然後對卷...放學...行去公園濕濕都係走人嚕....之後又係鐵鐵站傾左一陣計..又要返屋企嚕...

食埋飯..沖涼...睇漫畫...打俾T君...仍然冇人聽....有D灰同唔開心...過一陣打俾佢細佬...又係冇人聽...過左一陣佢細佬打俾我...然後打去屋企...同佢細佬傾左3個字...就同T君傾電話啦....初初佢都好似唔想傾...但傾傾下又好似冇咩野咁....唔知點解我覺得佢呢幾日好唔開心...問佢做咩...佢又話冇事...唉...之後我同佢講返之前D野...佢好似唔記得哂咁....佢真係俾外星人捉左去啦....同佢傾到2點幾...好滿足...同佢又好似冇麥野啦...希望佢唔好再唔開心啦....