4:00p.m先開始溫書..但過左一陣表姐同leeman係不同既時間打俾我...搞到成4:45p.m先至有得溫返書...點解當我想溫書既時候...就會有人嘈住我架?!!過份..玩我咩...之後就繼續溫書啦...沖涼...食飯...12:10a.m又打俾家輝...同佢傾到1:40a.m...

我發現金晚既我對住佢...好似特別傻左...成晚都成日爆笑...有d唔知自己想點...有時佢都會陪我一齊傻笑既...我地咩都會笑一餐...而且唔知點解呢排夜晚傾電話都會痰上頸..真係有d奇怪..對住佢既態度...我就會溫柔左...把聲又會變得溫柔左...而且又開始當佢係男朋友...佢又漸漸對我既態度似對女朋友...或者佢會覺得冇咩所謂卦...其實有時我都唔知佢點諗既...不過我只係知佢好鍾意我個下巴...ha..

聽日或者後日去佢度...我發現佢眼訓都唔會同我講既...個刻真係有少少感動...不過我驚自己會誤會..所以感動只係適可而止..同佢相處既機會多左..我發現自己個人開心左好多...而且又容易笑..有時都唔敢打俾佢架...因為我驚佢會覺得我好煩...

T君考完試啦...唔知佢考成點呢?唉..打俾佢又冇人聽..我發現自己有時好想發佢脾氣..不過其實佢D野都唔關我既事既..佢同我之間既D關係好似有D唔同左...或者可能少聯絡啦...希望遲D會好D啦...

我只係訓左2個鐘...1:00a.m..leeman準時地叫我起身溫書...我發現攰到有d生不如死既感覺...同佢傾左3個字...諗住溫書架啦...但真係好攰...諗住訓多1個鐘...到頭嚟訓左2個鐘...訓到4:20a.m先至起身..但仍然好眼訓...醒下訓下就到5:00a.m....叫杜杜起身啦...但原來佢已經起左身...佢叫我去沖涼...初初唔想去架..但發現真係好眼訓...所以都係沖嚕...

5:15a.m..沖完涼...個人精神哂...總之一早去沖涼啦...唉..又蠢左啦...5:30a.m..家輝打嚟...佢問我起左身未..我話起左好耐嚕...佢話我傻架..訓得咁少...其實我都覺得自己真係傻架...之後同佢傾左1個鐘...一邊傾電話...一邊溫書...好想對多佢一陣..但時間唔許可..佢要去沖涼..而且我都要去溫書...溫到7:15a.m食早餐...然後換衫出門口嚕...

落到街見到輝輝...原來我地同1個試場...佢陪我等埋景琳...8:00a.m先一齊行過去...去埋個廁所先入試場...好似感覺上好少人...可能1行得17個人既關係啦...卷一其實好簡單...如果有溫書既話...不過我都唔夠時候做...而且做到好似唔知寫左d咩出嚟...放小息既時候...又打左俾家輝..同佢傾左2個字..然後就陪景琳傾計啦...同佢又唔係話冇野傾..只係可能唔知有d咩同佢講...

考mc又唔係話唔識...不過識既只有一半一半...其他都有d諗左好耐...不過做左9個字咩都做哂嚕...之後就發下夢咁啦...時候真係好快過...11:45a.m就已經考完啦...之後就3個人一齊行去地鐵站...景琳同我講88..我都好似唔知咁..可能個時同緊leeman傾緊電話啦...leeman問我洗唔洗約輝輝sir...我就話冇所謂...杜杜又話冇所謂...有d激死leeman既感覺...都係遲d先算啦...

返到屋企煮美味既意粉俾自已食...家輝打過俾我..但我竟然聽唔到電話聲...打返俾佢既時候...佢冇聽電話....過左一陣佢打返俾我...原來佢都已經返到屋企啦...同佢傾左3個字..佢去食野..而我都要繼續煮野食...做下家務..睇下電視都已經3:00p.m啦...之後都係決定去訓覺啦...因為我都驚自己頂唔順...

訓到6:30p.m...好舒服...之後沖涼等食飯..之後返房...寫下日記...同細佬玩下...之後就同杜杜傾電話...我都同佢傾左1個鐘頭多d...1:05a.m...打左家輝..仲諗住佢下午有訓tim...點知佢頂得順..佢真係叻仔...佢話都未必會同我去camp..佢話佢唔太鍾意同太多人一齊玩..可能係性格問題...我就話約哂d人先算啦...之後...我間房有好多昆蟲入左嚟...勁驚...家輝話佢係度唔洗驚...但如果佢係度..我先至仲驚...因為我都唔知佢會對我做咩..ha...

之後由於呀哥要用電話既關係...我地就收線嚕...我就去左訓覺...但我就唔知佢有冇去訓嚕...

3:30p.m去到佢度...係屋企明明好涼架...但點解去到佢度會咁熱既呢?佢都問我係咪好熱..唔知點解好似有d尷尬..但明明呢個只係1個自然既現象..唉...有時我都唔明自己既..金日冇麥曖昧既動作..但當佢坐係我面前話篤我既時候..雖然係有d驚佢篤我..但我更加驚既係佢唔知突然之間會做d咩丫..所以其實有時我都有d驚佢..

6:00p.m俾佢訓左1個鐘..其實我想嘈醒佢架..但我始終有d唔忍心...所以都係等佢自己醒..只要佢醒一醒..咁我就唔會再俾佢訓架啦..因為我驚佢唔知會訓到幾時..8:15p.m決定閃人嚕..我叫佢唔洗送我落去啦..之後落到街先發現落大雨...打俾家輝同佢講落雨...佢叫我上返去拎傘...但我發現自己唔想上..我想佢落嚟拎俾我...不過始終都冇講到出口...我就話唔洗啦...唉..我返到將軍澳先至後悔啦...

仲諗住行去聽日既試場睇下tim...點知行到半路...已經落哂大雨...唯有行去隧道等停雨...仲諗住好快會停雨..點知愈落愈大...唉..等左半個鐘都係決定叫細佬拎把傘俾我...等佢既時候...我覺得自己好似1個孤兒...1個冇人理既孤兒...當見到細佬既時候...我真係好開心...而且覺得自己好幸福...好溫暖...之後就啦啦聲返屋企啦...

返到屋企...對屋企既感覺完全唔同哂...覺得屋企真係1個溫暖的家...唉..成身都濕哂...之後就啦啦聲沖涼..如果唔係病左就慘啦...沖完涼舒服哂..食個令令既飯飯...細佬個朋友仔打嚟..問左我一d感情既問題...突然好似做左愛情專家...之後就打俾杜杜傾左陣...再打俾家輝...仲諗住叫佢叫我起身tim...因為我諗住金晚早d訓...一陣早d起身...但佢話佢就訓嚕...唉...之後就叫leman1:00a.m叫我起身...死啦...訓2個鐘會唔會死人架...

金晚決定唔打俾家輝..因為知道佢金晚會早訓..12:00既時候....打俾何珮同佢講聲生日快樂....而且仲話呢個月會補返佢既生日禮物...之後所以12:45A.M打俾我既老婆仔傾電話啦...我地傾到都有D唔捨得收線....唉..真係好掛住我既老婆仔丫...