之後就做埋D家務同食埋野就去杜杜屋企啦....HAHA...差唔多都有4日都可以見到water仔...真係好開心...佢係屋企玩下...4點幾就買埋野過leeman度啦...我地金日去左拎影印...我地約左輝輝5:45p.m係個度等....但我地最後都遲到...拎埋影印就行路返去啦..返到去都只係6:30p.m...坐一陣就考試啦....

金日考會計...要做2個半鐘頭...識少少...我都做左2個鐘架....我都有諗過等埋佢地2個...但諗諗下都係走啦...因為個個時候..我覺得有D胃痛既感覺...之後就買埋少少野就返屋企啦....金晚食返下午個D拉麵...唔知點解食極都好似唔飽..不過是但啦...leeman睇左張準考證...我同佢地去既地方完全唔同...唉...希望有人同我一齊去啦...如果唔係...自己1個人會巧悶架....

金日唔知發現咩事...有3個男仔約我出街...不過推埋佢地嚕...都已經冇時間溫書咯..仲邊有時間同佢地出街呀....所以我就同佢地講會考完先約我啦.....仲有呀...呢排都唔知發生咩事呀...成日都有D冇來電既電話打俾我呀...金晚1點幾打嚟囉..好彩我未訓啫...如果我訓左...而佢又嘈醒左我...佢就死硬...打過嚟又唔講野喎...聽我講左一句喂就收我線....佢好冇禮貌囉...俾我知道係邊個..佢實死冇生呀....

琴日考經濟..唉...冇麥溫書...都唔太識...唉...所以3個之中最早做哂個個...而金日就考中文作文...好似都好耐冇作文啦...好似有少少離左題...希望唔差得去邊啦...呢排考試早放..早返屋企..都有D唔習慣既感覺...所以唯有搵地方去...金晚放8:40P.M..leeman佢就早走左...因為呢...佢要去男朋友仔屋企.....而我同杜杜就去左行街街..然後就去左坐...一齊傾計...

傾到10:30p.m...然後就返屋企啦...返左屋企食左少少野...之後就沖涼啦...沖涼係最爽呀...係成日都舒服既時候...不過我都唔會沖好耐既...最多都係4個字既時間...咁我就咩都攪掂哂啦....我都唔知我細佬沖涼點解可以沖咁耐...沖咁耐...我驚我會係廁所暈低左...之後就同birdbird傾電話..呢幾日都係同佢傾電話...12點到就問杜杜會計...溫多陣就訓覺啦...

唉...要幫返之前既日記...唔係1件容易既事...所以都係遲d先野返啦....俾心機等我啦...早抖....

都唔知係好彩定唔好彩...好彩既係冇放d重要既野落去...唔好彩...又要申請返所有既證...好憎好憎...唉..宜家都唔帶身份證出街啦...之前都試過唔見左個錢包...不過個次好彩俾人執到...但金次唔係啦...我同呀sir講...我發現佢都有D唔負責任...佢好似"事不關己"既心態囉....

我:呀sir...我係學校唔見左個錢包呀.....

sir:幾時唔見架?

我:琴日.....好似留左係課室...

sir:咁呀...我幫你留意下啦....

我:唔該呀sir.....

但我覺得呀sir敷衍緊我囉...我感覺唔到佢有少少著緊既反應....唔洗咁呀...雖然我地係夜校學生啫..但都唔洗唔理呀...關心下都好呀...就算你係扮出嚟都好呀..但你竟然敷衍我2句就算...過份....一D人情味都冇.....唉..佢令我仲更加更加唔開心呀.....

金日上左杜杜度...見到water...佢剪左毛...細隻左勁多...不過仍然得意...好鍾意好鍾意...之後就一齊睇電視...玩多陣就去leeman度啦...leeman整緊個盒同睇電視...我都睇左一陣電視...然後又玩左一陣電腦...等埋leeman換衫執野就出門口啦...我地3個要去拎影印....但商業好貴呀...要$285...我地仲諗住好平tim...因為唔夠錢既關係...所以我地都係決定遲D先拎...

返學校..仲以為係課室考...原本係禮堂考...個度D人真係唔負責任呀...攪到我地得返幾個字作文...不過對於我嚟講都係一樣...唉...唔識呀...我同leeman又為地球製造多1舊垃圾啦...唉...兩份卷都唔識做...家輝坐我前面...我同佢傾計既時候..佢講野好大聲...攪到亞sir都望住我地兩個...佢又唔識做....佢話佢英文又係差架喎...我地3個走既時候..我仲叫埋家輝一齊走tim呀...哈...勁攪笑...

好凍呀金日...我都只係著左2件衫...凍爆....之後我地發現勁早...所以就行左一陣商場啦...但已經行到無咩好行啦...唉...遲幾日仲放得早呀...個時都唔知去邊好啦.....金日見到千色店請人...做收錢$26--1個鐘...但如果做既話...1日就要返9個鐘....之後就返屋企...又冇食飯啦...唉..又唔想食啦...之後就洗碗...沖涼...睇亞monk..好睇..好睇...之後就打俾birdbird啦..同佢傾左8個字電話...佢都覺得我唔好補英皇..佢都覺得我做下D pastpaper 好D...唔識問人...我都仲諗緊唷...之後我又發現我細佬呢排成日都傾電話...唉...又多1個人用電話啦..我又少左機會傾電話啦....但我地發現我細佬傾電話係唔出聲既...唉...佢唔係叫傾電話...佢係叫聽電話....真係頂佢唔順呀....當我話轉電話打俾birdbird既時候...佢又話要收線啦...唉....之後又要等埋佢同我講byebye我先收得線...俾佢咁玩都玩左2分鐘...好無奈囉...之後聽多一陣歌就訓嚕...

之前仲諗住以為個mock學校唔太重視tim...唉..點知估錯左啦...唔開心啦...又再放多D時間落去啦...考mock既朋友仔...加油呀!!

金日出左去補習...琴晚同ERIC傾到2點...我地都傾左差唔多2個鐘...好攰...金朝又俾好媽咪嘈醒左..佢叫我幫佢拎野..唉..8點9俾佢叫醒左...攰到唔想去...不過幫下媽咪啦....之後拎完野之後...就幫佢執左一陣野..然後再溫左一陣書..之後就換衫出去啦...

補完就同leeman出街街...但我補完佢都未出門口 ..佢原本要出去問佢爸爸拎錢架...但佢媽咪返左嚟...所以就唔洗特登出去啦...不過都要等佢3-6個字...我就去左行左一陣...之後我地就一齊去食吉野家...諗住食下午茶..但3點先開始...我地都餓都暈啦...所以到最後都係唔等啦...食完野又要等佢亞哥...所以我地就去左行書局....又出左書...遲D又要買啦...無錢啦...真係要識個有錢男朋友...HA..都唔知識唔識到tim呀....

之後我地3個就去英皇補名啦...佢地兩個又補我個個亞sir...但我就仲未補...因為唔記得帶錢出嚟..同埋我都諗住補唔補...唉..仲有1個星期俾我諗既...睇下點先算啦....之後我同leeman就諗左一陣去邊...之後都係決定出旺角...而佢亞哥就返屋企...我地去左個洗手間先出去既..leeman亞哥打去leeman度搵我...哈...勁爆...leeman個電話成日都係唔係搵佢..多數係透過leeman個電話搵其他人...佢已經做左接線生啦...ha...

出到去...我地先發現冇咩心情行...我地都冇買到野...唉...不過佢都好D既..買左2條繩做既鏈...唉..而我就咩都冇啦...都唔知點解會咁既...真係第1次出旺角而冇買到野返屋企...唉...下星期既補習轉左星期六...又要出旺角...唉...都唔知行唔行街好....