金日又懶床啦..俾媽咪叫醒掠衫...有D支力的感覺...然後又做家務..煮野食...玩電腦...然後到最後都決定去leeman屋企...金日突然想著得女仔D...所以就決定著條黑色裙..買左幾年都冇著過出街...我都覺得有D對唔住條裙...我都覺得自己著裙好女仔...leeman同杜杜都話我襯裙...唔...我都覺得..所以我金年著多左裙...以前因為呀俊既關係...所以我就無得著裙...佢都覺得我著裙靚D...但就唔俾我著出街...唉..都唔知佢想點..

去到leeman屋企...佢玩著裙...佢玩到傻左...我都唔知發生咩事...又同佢一齊玩...我始終都係覺得自己著短...而leeman就著長...過左一陣杜杜又上埋嚟...諗住睇碟...但又睇唔到嚕..所以就睇"老鼠愛上貓"..我幾好睇既...睇既時候..."男朋友"打去leeman手提..但佢就搵我...哈..勁得意...之後杜杜又有人打俾佢...我地2個一齊傾電話...攪到leeman好無奈..."男朋友"話遲d同我去食飯...又好似好耐冇同佢出街啦..佢話佢係我生日個日有打俾我...有咩?!!都唔知係咪既...不過唔緊要啦...係同唔係都唔緊要嚕...

等leeman換埋衫...咁就去搭車啦...我地去左食埋個m記先返學...返到去等幾隻貓仔...上商業堂..好耐冇上過啦...上埋中文堂...無無聊聊咁...放學去玩滑梯...仍然好玩好玩..不過可能凍既關係...所以就冇麥人玩...唔知點解好似又凍返啦...唉...唔鍾意凍凍呀...返到屋企食飯..睇"梁祝"..始終都係睇唔到第4場...不過其他就睇到...差唔多睇哂第1隻碟...好睇...俾T君影響左..發現自己鍾意左何韻詩同亞JACK...然後去沖涼...打俾T君同佢傾左幾句..佢話要訓覺...所以就打俾bird bird問佢人類d野啦...真係有D唔記得...不過佢都好好心情咁教返我...唔該bird bird...1點幾去訓嚕...聽日要過bird bird度溫書呀....咁睇下有冇時間探埋susan先...

成個下午都係屋企...做咩家務溫下書..支力既時候決定訓返個靚訓..訓完就打俾杜杜..最後都係決定唔去跑步...懶懶的..到左5點幾被迫去左睇電視..但睇落又幾好睇喎...好..得閒再追過...到左差唔多5點9..開msn見到leeman..先至決定約佢去街街...

6:30p.m..我6:15p.m就落到鐵鐵站啦...又係我等佢...如果冇左我等佢...我諗佢都唔知點算架啦...考完會考..我諗同佢都可能都會分開架啦...因為我知道我地條路唔會一樣...幫佢拎D公仔返我屋企...咁我就返落嚟啦...之後搭鐵鐵出旺角..好貴..因為我宜家張發達通係用成人...唉..貴貴貴貴唷...出到去都7點幾啦...之後然後買野食...肚餓到爆...

食完野陪leeman入卓悅買野...仍然覺得有d唔啱自己既感覺....然後行去花園街...行左都差唔多成個鐘...買左1條褲...原本諗住唔行旺中架...但到最後都係去左行一行...又買左條褲...開心開心...然後搭鐵鐵返屋企..都差唔多10:45p.m嚕...leeman諗住上我屋企拎返D公仔...但我叫佢唔好啦...因為都夜啦....

金晚終於打俾T君啦....我都已經有3日冇打俾佢...唔...原因何在?唔...連我自己都唔知....我同佢講我呢幾日都冇打俾佢...佢呢幾日做過D咩?佢竟然話"下..你呢幾日冇打俾我咩??點解我唔記得架?!!"車...扮野呀...咬你架...都唔知係真唔記得定假唔記得...原來佢都覺得我對佢好...又話我對你唔好....宜家做咩突然話我對你好呀?我知道佢應該唔鍾意我架啦..但好似有少少冇感覺既感覺...可能我已經預左佢唔鍾意我啦...

11點幾就要出門口嚕...補習...好似好耐都冇補過習咁...唔...原來都差唔多有半個月啦...唔怪得啦...補完習就行左一陣商場..諗住想買野俾杜杜...但到見唔到D得意既野...唔緊要啦...實會搵到既...然後搭車車返屋企...死啦..我宜家張八達通用既係成人價呀...OH..好貴呀搭鐵鐵....

返屋企又要煮野食俾自己食...唔....又要食麵啦...慘慘...然後落街交電話費..玩電腦...玩到5點幾...諗住睇"梁祝"..但點知好似花左呀隻碟...好心痛呀...唔開心...遲D再試下睇唔睇到先....然後去沖涼...同朋友仔send  message...食飯...再send  message...玩左成個鐘...佢話12點先再搵我...都好..俾我有自由活動既時間....又想"梁祝"...但又睇唔到呀...可惡...咁咪睇電視囉...又要掠衫...然後繼續睇電視...同bird bird傾左一陣電話...諗住問佢人類tim...但係好眼訓...

同佢傾左一陣...我就犬夜...都幾好睇...我好想繼續追埋其他個幾集...不過都唔知得唔得閒...之後繼續send message...send message同佢send到4點幾...超支力....

3點幾有得玩電腦..玩到4點幾又無得玩啦..因為要入三姨度食飯..入度到都只係4-5個字..首先叫爹D係新港城放低我..因為我約左birdbird拎野..我打俾佢既時候...原來佢都未出門口..咁我唯有周圍行下啦...行左入書局同精品店..過多陣就去m記搵birdbird同佢個妹妹啦..第1次見佢妹妹..同想像有好大既出入..之後birbird就俾左個指甲x(唔識打)俾我啦...我諗都應該係佢去旅行既手信啦...因為佢都話個度冇麥野買..

之後我地行左去cd舖...我睇中左何韻詩演既舞台劇----"梁祝下世傳奇"...我發現自己俾T君影響左呀...我發現自己鍾意左何韻詩同亞JACK...不過我唔會瘋狂咁追佢地既..Birdbird買左隻DVD俾我做生日禮物...成$135蚊..連我自己見到都心痛呀..多謝birdbird..我會好好對隻碟架啦...

之後由於趕時間既關係...我要搭車走先..所以我地就要分路走啦...然後我就搭馬鐵...我仲以為自己要問人點行tim..但原來好容易行架咋...到左三姨屋企食左2細碗既意粉..淡淡的...始終都唔夠自己煮個d好味...ha..之後俾表姐拉左落街散步...行左一陣就返去嚕..表妹們就睇緊梁祝..我緊係睇埋一份啦...睇左一陣又冇得睇...因為d大人話要打麻雀喎...唉..所以就迫住要入房睇電視啦...

睇到8點幾..陪susan同欣欣落街傾計..傾左一陣就話要走嚕...坐爹爹架車車好快就返到屋企..嘉嘉金日送左隻杯俾我呀..平同唔平其實真係唔係1個問題..因為心意已經夠哂嚕...本來亞B都話送隻公仔俾我架...但我知道佢自己都好鍾意D公仔..而且我知道亞B會俾我更加鍚D公仔..所以我決定唔拎走D公仔....況且我屋企都已經有好多公仔啦...唉...真係太多啦...好想俾人...但又唔捨得...苦惱...

返到屋企沖涼..睇梁祝..睇左少少都覺得好好靚啦...之後再同杜杜傾左一陣電話...決定星期1出MK..遲D同佢同WATER仔去跑步...唔真係要充實一下自己既生活啦...