陪伴著t君
琴晚應承左t君金日陪佢出去...因為佢話要去考試局到整返d野....所以就決定陪佢啦...琴晚既心情又再度興奮...攪到琴晚訓係床度訓左半個鐘都訓唔著...
金朝8點就已經俾人嘈醒左..因為細佬病左呀
...媽咪就問我診所幾點開...我就答佢診所會好早就開架啦...之後諗住唔番訓架啦..但最後都決定再訓過..因為我真係太支力啦..琴晚同t君傾到2點鐘先訓...之後大約係9點11就醒左啦...因為我驚唔夠時間呀...所以就啦啦聲起身...刷牙洗面..之後做家務..落街買野食煮...再煮埋俾食細佬食..再洗埋碗...再沖埋涼就換衫出去啦...原本我地約左12點出到去...但佢囉...竟然同我講行錯路..之後我地大家都爆笑左一陣...再同佢傾多陣就出門口啦....
我知道我實早過佢到既...雖然口就話最憎人地遲到...但為左等佢...我就覺得冇咩所謂既...不過佢就衰到c...佢話佢自己最鍾意遲到囉
....佢真係想俾我打...大約12點4到佢就到啦...雖然我唔太記得左佢個樣..但見返之後...佢既樣就o係我既腦海刻印左...我會記得佢個樣架.....之後上到去先發現原來過左辦公時間....我地2個又再1次爆笑....2個傻既人
...之後我地就行去食壽司...我都好耐冇去食壽司啦...自從個次同波子..leeman同陳文浩一齊出嚟食壽司個次...我諗都有幾個月嚕....我同t君就一齊睇雜誌...佢成日搵機會串我架...過份....之後就一邊食壽司...一邊傾計..一邊玩...就唔經唔覺2點幾啦...
2點幾..哈
...我又再次令佢遲到啦....抵啦..成日串我串得咁開心....之後我地就行得好快就去搭地鐵去荃灣...不過都要行2個字到...之後搭車車好多人...我就拉住左佢個"衫就"...係個一刻...對住佢d感覺好奇怪...不過我都唔想諗咁多嚕...我地就選擇轉車搭東涌線...不過就好似有d蠢左...仍然係唔緊要...因為我對佢d時間仲可以更加多...不過佢成日激嬲我...我又發現佢真係好鍾意串我...我記得birdbird講過串左我之後...我d反應好得意
..唔怪得咁多人串我啦...t君激嬲左我...我唔睬佢..佢真係哄返我...佢哄我既方法係引我笑...對住佢真係唔可以嬲
...之後3點就到左啦...我陪佢行左一段路...佢又去補習啦...不過我都係決定送埋佢走先...之後見佢入左補習社...我先放心走...
之後我又要自己1個人渡過個半鐘..我又要等佢補埋習...個度係有好多商場呀...但自己1個人行...都係覺得怪怪地...所以我就決定行去圖書館啦...睇書既時間真係過得好快...之後4點4到...我就行返出去啦...因為我想出去等佢...不過我同佢一陣又要行返圖書館...之後接埋佢就一齊行返過去...見到佢...我真係好開心...可能因為我少機會可以見到佢...之後佢又教我數學啦...佢真係好有耐性咁教我...雖然成日都激c佢....有時我會望住佢發呆...我上次都唔會咁架...可能金次有d支力..不過我真係好鍾意望住佢...望住佢既時候...佢都會望返我...然後就問我做咩望住佢...仲有發現自己好鍾意拉住左佢個"衫就"...我又好鍾意有時同佢坐得好近...因為個d時刻有曖昧既感覺...我真係好想拖住佢...不過我知道唔得...
之後又要走啦...佢真係好有紳士既風度...佢明知自己趕時間...但佢都堅持送到我去地鐵站...我有叫過佢唔洗送..快d走...但佢都仍然堅持......個刻真係令我更加鍾意佢...鍾意佢既感覺又增加左...希望佢28同30號都唔洗返工啦...咁佢就可以陪住我啦...因為個2日我都要補習...我諗住補完習就去佢個度...然後我就應該有1日時間對住佢....而且我仲叫佢o係其中1晚陪我出去...希望佢唔洗返工啦....突然覺得自己好自私tim...係呀..我係好自私架
....
金日終於送左條頸巾俾佢...d時間啱啱好...因為呢幾日又凍返啦....咁佢就唔會凍緊啦...金日見到佢病...我都有少少心痛....希望佢快d好返啦....
