我從來都冇試過1日沖咁多次涼...金朝4點幾我又癢醒左啦...癢到好辛苦呀...癢頂唔順所以就起身沖涼啦...4點幾...我都原來諗住唔訓架啦...不過夢魘叫我...唔訓都唔得...但9點幾就起身啦...唉..好辛苦呀...金日一早起身...仍然做家務啦...煮野食俾自己食...然後就換衫啦....金日要出去睇醫生呀...杜杜金日陪我去醫院度睇...我地2點幾就已經去到啦...金曰睇醫生話要等成4個鐘 ..我仲諗住睇完醫生去行街街tim...我地就買左本雜誌睇...我發現呢排買多左雜誌呀...oh..唔怪得咁快冇錢用啦...我地等到3點幾就有得睇醫生啦...俾預期快左喎...拿拿聲睇完醫生...4點幾就有得走啦....睇完醫生覺得好開心...

之後我地就去行街街...個肚有d肚餓但又冇胃口食野...所以睇左好耐好耐都冇買到野...不過就係因為咁...d時間先過得快...然後我地就去左圖書館睇書...都差唔多有成個月都冇去圖書館啦...我又借左2本書啦...等我睇多d書增加我d文筆先...睇書睇到6點幾...我地就去地鐵站等leeman啦...然後陪佢驗眼...7點幾我地就去買野食..我終於有d胃口食野啦....然後行返學校....

好耐都冇返學啦...不過金日又要上個垃圾堂...我真係寧願佢返屋企啦...金堂我就睇書...而leeman就睇雜誌...而杜杜就聽書...咁又放學啦...放左學又去公園坐啦...成個假期都未去過啦.....佢地去到就玩...而我金日都好乖咁坐左係到...不過就不斷係度感嘆...因為唔經唔覺仲有3個月就要會考啦...宜家都唔知溫唔溫得哂d書...所以我都已經冇麥心情玩啦....

                                1月~9月

1. 第1次甩拖...金年總共拍左2次半拖..
2. 第1次喊到兩隻眼腫哂
3. 第1年收唔到朋友仔既生日禮物...但就收到好多句"生日快樂"
4. 會考衰左...結果選擇左讀夜校
5. 暑假返第1次既part-time
6. 媽咪同細姨生日係我屋企開左個party
7. 第1次唔見左$500大元
8. 第1年幫細佬買書俾人呃錢

                           不分時間的事

1. 識左icq d朋友仔...金年終於同佢地出街嚕...
2. 自從冇拍拖...同朋友仔出多左街街
3. 同朋友仔傾電話傾多左
4. 好似冇麥點病過
5. 第1年落機舖打機機...好似鍾意左tim...
6. 第1年再長期覆診睇醫生
7. 買左好多好多小說返屋企...攪到屋企開始冇位擺野嚕

                              10月~12月

1. 愛上左打日記...鍾意打好多野落日記度...令日記增加左好多回憶
2. 愛上左食意粉
3. 由於讀左夜校同要食藥既關係...又好似肥左嚕
4. 聖誕返左大陸過
5. 多左去自修室...但仍是懶懶的
6. 開始發現自己冇咁鍾意玩啦
7. 中秋係屋企賞月
8. 好似失去左甜的感覺...愛上了食糖糖
9. 第1次同friendo係半夜既時候仲係街道流浪
10. 鍚左男朋友以外既男仔...
11. 愛上左蛋
12. 買多左好多無聊既野唷

原本真係冇諗過訓架..但始終都係太支力啦...我到最後都選擇去訓..訓到10點幾就起身啦..隻腳完全冇哂力..右腳痛到有d似整親既感覺...痛痛痛痛...

之後食完早餐就落街買野整壽司...都好耐冇整啦..不過我都唔會唔記得點整既...初初整壽司既時候..就係我整表姐切..之後因為佢切得唔好既關係..就變左佢整我切..然後睇左一陣電視..就返左房發呆..因為我都覺得想訓..但屋企得返兩個細表妹...所以又冇得訓啦...過左一陣媽咪...表姐同欣欣就返左嚟啦...到最後我又冇訓啦..過多陣..表姐同兩個細表妹就走左嚕..4點幾...三姨..姨丈..嘉嘉同呀B就嚟啦...屋企真係多人啦...

然後我..欣欣同嘉嘉就陪姨丈去改褲..再送返佢返我屋企..我地3個就去行街街啦...陪佢地去crazy room買野..然後再行左一陣書局..再去左美食廣場飲野..再去夾糖糖..但夾完之後...我地先發現好似俾人呃錢咁..再行返屋企嚕...

返屋企同呀B玩多陣就有飯飯食啦..一邊食飯..一邊睇卡通..突然之間覺得自己有D童真tim..食完飯飯就沖涼涼...爽呀..唔知呢排又發生咩事...個身又痕痕痕痕啦...再同表妹們玩左一陣...咁我就開始寫我既日記啦...第1次寫左4頁..我都未寫完佢地就走嚕...走既時候..呀B仲要大嗌咁話"珍珍表姐BYEBYE"...呀B真係得意...唔怪得我地大家咁鍾意大家啦...

佢地走左...我再寫埋自己既日記..寫完先發現自己差唔多寫左成個鐘..然後打俾柑仔..因為佢琴晚打嚟同我講"新年快樂"..ha..真係好...柑仔年年都有同我講架...好耐都冇同佢傾電話啦...同佢傾左都差唔多有半個鐘..然後佢就話落街陪個friends飲野啦...再打俾T君...佢真係超人嚟架喎...琴日訓得咁少...金日仲可以出去玩既...如果係我就唔得嚕..同佢傾左幾句..我就費時阻住佢啦...之後我就打俾Bird bird..原來佢尋晚都有去鐘樓倒數呀...不過我o係入面...而佢就o係出面...如果打俾佢...咁我就會可能見到佢啦...不過唔緊要啦...傾完電話就去訓嚕...

12點幾叫佢起身...個時我先發現...佢金朝7點幾先訓..我問佢點解?佢就話因為金日要出街咁就會少左時間溫書...所以咁晏先去訓..聽左之後都有D覺得心痛既感覺..其實自己都有D自私既...明知佢未溫哂書仲拉佢出去...不過佢又衰既..我同珊珊約左佢幾次出街...佢都話唔出...佢成日都令到我有莫名奇妙既失望..我真係好想見到佢...我真係好掛住佢...琴晚佢終於係無藉口之下應允出去啦...不過佢成2點幾先真正俾我嘈醒..我都想俾佢訓耐D...但又驚佢訓到唔知醒..所以到最後都係忍心咁叫佢起身啦...3點幾既時候...佢打俾我問我點?其實我都唔知呀...之後佢就好婆媽咁話唔出...我就話佢唔准甩底...仲話珊珊想見佢..之後就陪佢傾到4點幾...表妹就叫我落街接佢..但等極都等唔到..之後返到屋企先至佢自己去左我屋企...

5點幾打俾T君..原來佢已經上左車車啦..之後我就沖完涼就同欣欣一陣搭鐵鐵出去啦..為左佢...我金日著左條裙裙出街做返個女仔..6:20P.MT君已經到左...但我仲有5個字先到..所以我就叫佢去打機...原本佢話唔制架..但俾我講講下就去左打機啦...6:45P.M終於到啦...如果唔打俾佢既話...我諗我都搵唔到佢...大家搵左大家一陣我就見到佢啦...大家見到大家都傻笑左一聲...為咩傻笑?HA..我都唔知...傻笑差唔多每次都係我地見到面既表情....然後介紹表妹俾佢識..之後我就放左個袋落佢個袋度...哈...真係好唔洗我拎...

之後我地就行左去super city度食野..佢仍然食好覺得好好味既咖哩飯...而我地表妹就食左個好難食既乾炒牛河...而t君就食我 好滋味...佢就叫我試下食啖個咖哩飯...唔...真係幾好味...我食左佢一啖飯同一啖薯餅...而我同表妹就食左幾啖河粉就唔食啦...等埋t君食完...我地就行左入1間舖頭度買野飲..我揀左好耐都揀唔到..因為個度D野飲好得意...我掛住睇...都冇揀到...最後我揀左平時飲開既雪梨茶....HA..

之後欣欣就好有興致話搭船船去灣仔再搭返過尖咀..我就覺得冇所謂啦...而T君佢只可以無奈地陪我地一齊傻..但金次我有D暈船浪既感覺...不過過多陣就冇野嚕...之後就去行海港城..我地原本諗住行玩具反X城架...但又收左舖...之後我地就行出商場睇海景啦..可能因為我地3個支力既關係...所以都冇麥講野...之後就行去接埋珊珊..再陪珊珊等埋佢個FRIEND...就直接去鐘樓搵SUSAN啦..除左SUSAN外...我地幾個就一齊傾計..過左一陣SUASN話陪佢個D朋友仔出去買野..但最後佢都冇入返嚟...因為太多人啦..而過多陣珊珊個朋友又走埋...得返我地4個..之後我地就坐係地下..珊珊就訓覺..而我地一時同表妹同T君玩..一時就休息一下..

之後我地傾返珊珊個朋友仔...原本珊珊個朋友仲有1個男仔朋友仔架..但個個男仔過左一陣就走左..我..T君同表妹都以為珊珊個2個朋友仔係情侶..但點知唔係..我地3個都估錯哂..之後T君就話覺得佢地2個似男女朋友...因為佢圩既態度好曖昧...而且拖哂手..佢講左呢1句我已經知道會有D野會發生架啦..果然俾我估中左...我表妹就同佢講"我表姐夠成晚撟住你隻手啦..."我同T君聽左之後都覺得有D尷尬...而佢就扮傻咁問我"咦...係咩?!!你成晚都撟住我隻手咩?"...而我緊係唔答佢啦...

我發現自從搭完船之後...我表妹同佢FRIEND左好多...唔..咁幾好呀..D氣氛唔會咁悶...之後就倒數啦..因為個鐘無秒針既關係...所以就倒數左好多好多次...之後我地就走先...但susan已經係鐵鐵站啦...我地迫左幾個字先落到鐵鐵站...但點知susan已經搭車車走左嚕...之後我地就去左食夜宵...搵左一陣先決定入其中1間茶餐廳...原本我好支力架啦...但食完野之後發現好精神....我就同t君講我地金晚玩通宵囉...原本講下笑...點知到最後又真係差唔多玩通宵...

我地行左入機舖打機...其實我同t君都驚我表妹會俾人捉...但好彩冇咋...可能因為金日多人啦...玩到2點幾..我地3個決定送珊珊去搭車...行路途中...我不繼叫t君陪我玩返走之前玩開個隻game...我同佢佢既時候...我發現佢對住我笑...點解既呢?每次見到佢笑..即使唔關我事..我都會好自然地陪佢一齊笑...可能係佢開心..所以我開心啦...

送完珊珊..我又好自然咁撟住佢隻手..佢之前問我做咩拖住佢隻手..我就話我唔係拖..我係撟啫...因為我話驚佢..我知道佢係冇方向感既人...ha..藉口嚟既啫...就係因為咁...我就由去接珊珊開始...我地一齊撟住佢隻手..我都差唔多成晚撟住佢..唔知係咪佢習慣左既關係呢...佢成晚都冇拒絕我撟住佢....真係好...我都好耐好耐冇撟過男仔啦...

之後我地行去新港中心打機..玩到冇野玩就行左去另1間啦...點知個間收左舖....所以就搭車返屋企...由於腳痛既關係....所以我行得好慢好慢..慢到要佢地一邊行..一邊等我...我圩搭到去油麻地就要分開走啦...唉...真係有d唔捨得佢tim...不過冇辦法...因為我地3個都已經好支力啦....

返到寶林打俾佢...我好驚佢第1句話"做咩打俾我呀?"....好彩佢唔係啫...而佢係話"返到拿?"...返到屋企再打俾佢...佢行多陣就到嚕..未傾完就收左線啦...不過佢已經返到去佢個邊我都安心d....之後佢返到屋企打俾我...開心開心..佢問我支力渡支力?其實真係有少支力架啦...不過對住佢...支力既感覺已經完全消失哂...到最後都實現左通頂...我同佢由5點幾傾到7點...好滿足...因為金日我地仲更加似男女朋友...又愈嚟愈鍾意佢啦...