起身刷牙...然後換衫出去...金日要去換智能身分證呀...約左杜杜10:30a.m係鐵鐵站等...但佢就早左到...然後搭車去拎身分證...但未夠鐘...所以我地就食左個早餐啦....係杜杜請架..多謝杜杜...我地諗住夾公仔架...但又夾唔中...之後等左差唔多成個鐘先走得...原本我諗住行架...但杜杜又話搭鐵鐵...又係佢請...又要多謝杜杜啦..然後行去neway...leeman同輝輝成1點幾先到...同佢地唱得都幾開心...ha...差唔多成日都係我揸住支咪...4點幾有雜果蛋糕食...原來係輝輝同leeman夾錢送架...唔...多謝哂...而且金日有香檳飲...第1次飲...感覺唔錯...之後佢地都有唱生日歌....都幾開心...而金日就有杜杜..leeman...巧儀...kc..冬怡同輝輝...5點到得返我地3個...又係佢地請我唱k...差唔多成日都唔洗出錢...

返到屋企好多人...三姨佢地嚟左...2個表姐..同1個表姐夫又嚟埋..好多人好多人唷....8點幾食蛋糕...又係雜果...係大哥買俾我既生日禮物...有好多人唱生日歌...開心開心...而欣欣同嘉嘉就留低係度訓啦...玩埋電腦差唔多2點先訓....

18歲既生日好驚冇人陪我慶祝...但到最後有好多好多人同我慶祝...但唔知點解雖然係生日...但都係少少麻木既感覺...

11:30P.M打俾T君...仲諗住佢係第1個同我講生日快樂既人tim..但佢竟然話唔記得...拉佢去打既指數係**********...leeman係第1個打俾我同我講生日快樂既人..T君係第2個...杜杜係第3個...柑仔係第4個...老婆係第5個...何珮係第6個...

唔知點解我覺得T君同我傾電話佢有少少敷衍我既感覺...何珮都叫我向佢表白...但咁做....真係好嗎?如果佢唔鍾意我..咁我地之間曖昧既感覺就會冇哂架啦...佢會唔避開我咩?大家對大家既態度可以唔變咩?我知道係唔得架..唉..我當佢真係自己既男朋友...而唔只係男性朋友...我好驚同佢講左之後..佢唔會唔理我呀...佢唔鍾意我既話...我都唔知應該點面對佢....唔...好煩好煩...我唔想佢唔理我呀..但我真係要向佢表白?

                 怯  容祖兒  作曲/監製:陳輝陽@好好笑  作詞: 林夕  編曲: 林晞

                                  很想要求你會三更半夜陪著我  
                                  然而我怕  我的聲音你已聽得太多 
                                  怎麼可能要你每次開心快樂全為我  
                                  還怪你  你跟知己也見得比我多
                                  期待你的花會開  其實自己也都討厭期待  
                                  恐怕正式真實戀愛
                                  痛恨明日也許分開  這麼不知所謂怎麼愛 

                               * 為何還沒有初吻便要怕失戀 約會未完便掛念  
                                  傻得我晚上過份期求明天  以為你會在眼前  
                                  為何還沒有吵架   
                                  便怕(要)與你開戰  每日面臨你考驗 
                                  頭一次顧慮我沒動人條件  
                                  懷疑全是我問題  沒發現  
                                  (還擔心我沒氣力去到終點  還聽講過份了解沒發展)  

                               # 明知單戀驚險  但我還未脫險  如果初戀膚淺 

                                  怎麼我會興奮狂熱  但卻又甚麼都怯 (甚麼都想甚麼都怯)  

                                  天天失眠我怕消失氣力纏著你   
                                  然而據說  愛得精彩別要貪生怕死  
                                  怎麼可能愛你愛到將我自己捐給你  
                                  還怕你會將感激變成對不起  

                                  Repeat * #

金日又好似熱返左少少左..金日一早9:00a.m就起身嚕..打電話叫T君起身..然後刷牙洗面..幫爹D包利是...

除左大哥同我之外...全家都去哂飲茶..大哥去打波...而我留係家中做家務..換衫出街..原本約佢11:00a.m係旺角等...點知佢唔知醒..好彩10:00a.m再叫佢起身..到最後好彩趕得切..因為我成11:00a.m先去搭車...

金次我地係戲院等...睇11:50a.m既"魔幻王國"..原本睇第2套戲但點知無埸..所以就樹樹睇..其實我對呢套戲都冇麥興趣...我發現佢睇戲真係好專心...我地金次E9同E10...俾左盒巧克力同電話繩俾佢...佢都話得意...我發現對住佢..我真係當左佢係我男朋友tim...我地2:10p.m...我地就行左一間"k k xx"食野...佢話好味又陪佢食嚕..食野途中...佢不停地同個女仔friend傾電話...仲諗住佢好快傾完...點知傾左勁耐都唔捨得收線..唯有聽歌啦...佢過左一陣先肯收線..佢話佢唔去BBQ..但就唔陪我行街...過份...不過都可以陪我行多一陣..點知佢D FRIENDS又叫佢去深水王步...極極極無奈..之後就更加唔想睬佢...佢叫我..我都只係敷衍左佢幾句..車....唔知點解真係有D嬲佢...佢好過份...

同佢一齊落地鐵站..由於我知道佢D friend等佢既關係...所以就不斷叫佢走啦...咁啱珊珊又到左嚕...咁佢就可以走啦..但其實我又有D唔捨得佢架...因為我地又唔係成日見...如果成日叫佢出街...佢都會覺得好怪..唉..佢走左..心內有D好似平衡唔到既感覺....

然後同珊珊行街..買左好多野...都幾開心..之後陪珊珊行去油麻地食燒賣...唉...行到我好支力呀...我都冇心機食嚕..搭鐵鐵返到屋企都差唔多7點嚕...姐姐同姑姐過左嚟食飯...睇電視..沖涼..訓覺...

就嚟生日拿..唔知金年邊個陪我過生日呢?金年又冇男朋友陪我過..我仲以為自己會一直拍拖拍到我唔想拍為至tim...但到左最後又係得返自己1個..唔..可能真係天意啦..無男朋友陪我過..唔知點解好似欠左d野咁..

返嚟返大陸啦...後日就返去啦...後日仲要7點幾就走啦...唉...呢幾日都要早起身呀..返大陸實唔夠訓啦...仲要返咁多日tim..你地記住要掛住我啦...都唔知打d咩好tim...掛住我就留言俾我啦...仲有呀...記住我生日個日同我講聲"生日快樂"呀...最好就送埋份禮物俾我啦...ha

金朝9點幾就俾susan嘈醒左...唉..想訓多陣都唔得..之後就幫手做下家務啦...然後煮美味既意粉俾susan同細佬食..不過金次好似淡左d唷...唔緊要啦..下次努力....之後換埋衫2點幾先出去...等埋leeman都差唔多4點嚕...

出街既目的係買襪...仲有買左1條皮帶..仲有食左個幾好味既章魚燒....樹哥哥話好味喎...杜杜又話好味喎..所以就去左食啦...但都幾貴...不過難得1次...唔緊要啦

金日行得幾開心呀...返到學校又遲到啦...差唔多8點半先返到去...又遲到啦....

之後個d我就唔記得嚕