有時好想自己可以自私D...但我發現我自己有好多野都做唔到...有好多野...都唔係o係自己可以控制範圍以內...

不過暫昤我都仲未搵到野做..或者學下野都好..不過始終金錢有限...我既大計又要遲D先有得實行啦...

我發現自己個日記開始冇以前咁多人睇...或者我個日記真係打得太多野卦...可能搞到D人都冇心情睇...我又發現自己就嚟考oral啦..但我卻1d都未溫過...我諗住等杜杜返嚟將軍澳...我地先一齊溫...而且遲D都同家輝一齊玩..但佢話佢好似完全未掂過oral....我諗唔會卦...如果唔係...有排教佢都似...不過已經係最後1科啦...要努力丫...好成績靠自己...我地要努力向上...

1:30P.M...食埋野->洗碗->換衫->出門口....仲諗住搭巴士好快到TIM..點知都差唔多要成個鐘....搞到表妹等左我半個鐘..之後我地首先行左旺中先...佢金次出嚟既目的係:(1)幫細妹買褲(2)幫呀哥買皮帶(3)自己買個袋....而我原本既目的:(1)買個好斯文既袋...雖然我有成40個袋(2)買錶(3)買衫衫....

但到最後我買左:

1. 1條褲
2. 1枝指甲油
3. 1件T-SHIRT
4. 1對襪

哈....都唔係我原先既目的嚟既...原本我想買多件衫架...但我借左錢俾表妹買袋...搞到我都冇錢買...唉...呢排成日出街...搞到自己都好窮丫...我已經冇錢用啦...我又唔好意思再問爹D拎錢...希望有得返工就好啦....

之後我地行到5:30P.M...我諗住陪佢等埋車..咁我就去搭巴士..點知佢連個巴士站係邊都唔知...有D俾佢激死既感覺...我陪佢行左差唔多成3個字...我記得我成6:00P.M先去到地鐵站...超爆囉...我由旺角行到去油麻地既地鐵站...之後返到屋企都6:30P.M...之後又落過街幫細佬拎野...唉...我都唔記得叫佢落嚟..搞到又落多次街...我個時真係有D攰...返屋企沖左個靚涼舒服哂..

今晚做節..不過今晚d餸同平時都差唔多..金晚睇電視睇到11:30p.m...超正呀咁既生活....呢幾日都搵唔到樹哥哥...唉...仲諗住問佢有冇興趣去見工架麻...點知又搵唔到佢....可能佢呢排都好唔得閒嚕..12:05a.m...打俾家輝...佢話聽日同我出街街喎...我聽左之後都呆左一呆...不過好開心...但冇錢...真係有d唔想出..不過難得佢約我出街街...我實出去既...不過我地都係決定星期5先出去玩...因為應該會好天架啦..

我聽日就應該會過圖書館借d書返嚟...如果唔係真係會好悶...睇多d書充實一下生活先至得...

下午媽咪返嚟既時候..佢突然話出apm食飯...我仲以為係夜晚個餐出tim..點知媽咪話係下午...之後就同佢出左去食飯啦...我原本想食美味既咖哩飯架..但媽咪又話食焗豬扒飯架...仲有叫左個海鮮手打麵...不過都幾好味既..之後就陪媽咪去吉之島買野...上嚟既時候...竟然俾我見到家輝...哈...超有緣..因為我都知道佢出觀塘...但我就唔知去佢觀塘既邊個地方...不過我地都只係say hello...因為我媽咪係度...我地都費時講多句野令我媽咪誤會..

之後我就陪媽咪去買餸...有D悶悶...買埋野返屋企...3:30P.M先有得玩電腦...然後玩到6:45P.M...有時玩電腦真係好攰....之後沖涼->等食飯飯...睇電視....同杜杜傾左成個鐘電話...打俾家輝既時候...佢個電話打唔通...正當我諗緊點算既時候...家輝竟然打俾我...好似有D心靈相通既感覺....同佢傾到3:00A.M閃去訓嚕...真係唔攰都唔去攰...

聽日又出街...聽日同表妹出街...唉...搞到我好似好唔鍾意留係屋企咁...冇漫畫睇...咁唯有去圖書館借書睇啦..不過我諗都要等個天好天D先得...