我發現金日有好多人都叫我出去...leeman就叫出旺角買衫..珊珊就叫我出去行街...因為佢金日放假...家輝就叫我去佢屋企玩..媽咪就叫我出去搵工...原來都諗住去家輝度玩架..但我又覺得晏過頭...而且我7:00p.m前又要返屋企睇電視..宜家習慣左由7:30p.m開始睇電視睇到10:30p.m...媽咪宜家都話我唔係睇電視..就係玩電腦...唔係玩電腦就係傾電話...哈..呢d生活真係過得開心...

所以都最後我都係留左係屋企...打返呢個月d日記...好彩呢個月都打左好多篇..如果唔係..我死左都未打哂嚕...ha...由2:00p.m用到5:30p.m...原來我對得多個電腦...我覺得好辛苦架...之後就沖涼等食飯..睇電視..睇到10:30p.m..然後繼續用電腦...用到11:30p.m...打俾家輝...金日好似冇咩野傾...傾到1:30a.m..就有得訓覺啦...

杜杜星期日搬去沙田丫...所以我呢兩日既其中1日會去佢度...拎d漫畫返新都睇...盡量拎佢d野放係我屋企...唉..佢過左去既話...咁我就有排都見唔到佢同water仔啦...唉....

之後就訓左係床一陣先至起身沖涼..成6:45a.m先捨得去溫書...懶洋洋的...都唔係溫左好耐...7:15a.m我先記得打俾輝輝...點知打左第1次之後...佢個電話就飛左去留言信箱啦...7:45a.m我先出門口...8:05a.m先至有車丫...8:20a.m先去度...第1次咁遲去到試場...

唉...會計又唔識丫...溫左個d又唔出...冇諗過佢會出個d又全部出哂....成日都係咁既....我諗住早走架...但我早走既話...leeman同杜杜都唔會早走啦...到最後又要等佢地...諗諗下都係決定留係試場嘆下冷氣仲好....11:10a.m...leeman已經打俾我啦...但我個時都仲未放....我成11:15a.m先放...之後就啦啦聲行過去地鐵站啦...

我落到地鐵站...啱啱上到佢地搭既個班車車...之後就搭去油麻地啦...我地唱k lunch...勁勁勁多人...可能d人又係會考完出嚟玩既關係...所以我地都要等左一陣....由12:25p.m唱到2:00p.m...又話有2個鐘頭零3個字....又呃人既...車...不過算數...我考完試心情特別靚...我唔同佢地計較....金日唱k都只係$32...抵丫...遲d再出嚟唱過....

之後我地就去左旺角行街街...我睇中左1個袋同1條褲....最衰冇錢買...不過遲d出嚟買都得...唉...要買新袋同新衫...咁就要返屋企執咁d唔要既野出嚟先得架啦...如果唔係又俾媽咪罵...而且又冇位放...所以我決定呢3日既其中既1日半嚟執野...執哂d唔要既野出嚟先至得...5:00p.m就搭車車返新都啦...

好攰丫...行街行到好攰....6:00p.m返到嚟..之後又行左陣...我地就決定去見工...唉...金年我想做樓面丫...d人話好辛苦...但我金年想做丫...辛苦d都覺得冇咩所謂既...而且我鍾意有得郁動...不過我見個d多數都話要熟手....唉...7:15p.m先返到屋企...攰到死...原來我都差唔多出左12個鐘....攰到爆...第日返工都唔知點算...

同媽咪講金日去左搵工...媽咪就叫我咩都試下見下...我都覺得應該要咁...之前就由7:30p.m睇電視睇到10:30p.m....雖然電視好好睇...但我發現自己攰到有d唔想睇....之後就去左沖涼....10:40p.m打俾家輝..佢問我做咩金日咁早...我就話金日好攰...所以我早d打俾你...我想早d訓...但最後我都成2:30a.m先至去訓...我話俾佢打機...我收線去訓覺...佢又話唔好....曳到死...所以到最後都陪佢陪到2點幾...佢叫我聽日過佢屋企打機....突然之間...我覺得佢成日都叫我去佢屋企玩....不過我都話聽日先算...但去佢屋企既機會都會好大架啦...因為佢咁難道叫我去佢屋企...我叫佢陪我出去玩..佢都話好...佢話"你想玩咩...我都會陪你玩架..."佢呢排突然講呢句...覺得好曖昧丫...好似特登講d野令我誤會咁...

我諗住下星期一先再去見工...呢幾日就俾我玩下先啦...終於會考完啦....真係真係好開心...

上到去差唔多3:00p.m...杜杜同water係門口等我...突然有d似老婆等老公返屋企既感覺...之後係佢屋企睇左一陣電視....抄返少少會計既筆記...4:30p.m就去左大家樂買野俾leeman食...等左勁勁勁耐...等左成半個鐘...真係覺得有d過份...

上到leeman度...我就入左屋...而water就想入leeman屋企...不過leeman驚狗...而且驚搞到屋企有好多狗毛...所以都唔俾佢地兩個入屋...但water就好成功地入左屋...搞到leeman勁驚....不過好彩我拉住左water...water衰到死...佢知道leeman驚佢...所以佢就吠多leeman幾野..不過water金次算乖架啦...因為佢平時1見到leeman就會吠架啦....

係leeman屋企睇下電視...玩下電腦...7:00p.m就走嚕....我有西餅食...我同leeman都有餅卡...好開心唷...之後就去幫leeman買衫...佢真係好彩...因為大碼得返1件...買完就返屋企食飯...大哥個朋友又嚟左食飯...佢好爆...飲2碗湯食2碗飯...媽咪同爹d都有d唔鍾意佢...可能佢地兩個都唔鍾意好似要養埋人地咁...覺得佢係我地屋企"痴飲痴食"..而我同意佢地既講法...嚟食飯唔係唔得...只係唔好成日上嚟俾人覺得你係"痴飲痴食"..囉....

之後就睇電視...睇到9:30p.m先去沖涼...然後返房玩...11:00p.m就打電話啦...終於要約舊friends去觀禮啦...好開心...我諗金次都會幾齊人既....因為大部分返工既都特登個日請假...不過我仲未打哂所有既電話...我只係打左俾:alan...波子...石頭...嘉偉..永傑..肥仔...何珮..其他既都仲未打...留返聽日先打...我發現d女仔多數都會去...而d男仔就一dd啦...我都有打俾肥wing..佢12:00a.m既時候先打返俾我...真係真係好掛住佢...原來佢宜家返寫字樓..突然之間..我發現好多野都改變左...真係有d接受唔到既感覺...

11:30p.m既時候打左俾樹哥哥...佢成晚都係咁串我..令我真係有d頂唔順同唔開心...佢成日都將我既錯處咬住唔放...對住佢...有時真係好辛苦....不過我諗佢都唔知我唔開心架啦...有時佢真係串我都唔理我既感受....同佢傾到12:15a.m...唔想同佢傾...我就話收線...佢問點解...我話我唔開心...所以唔同你傾...佢話佢唔信...所以我就唯有同佢講我仲要打電話...佢就叫我俾心機考試同打電話...我就話考完會計先打俾佢...之後就打俾家輝啦....

對住家輝...我唔開心既情緒抒發哂出嚟...佢叫我唔開心...但我真係好唔開心...其實有時我真係好唔鍾意俾人串...家輝就話因為我俾人串之後既反應好得意...個個都係咁講...但我唔覺得...佢不停咁叫我唔好唔開心...對住佢...真係好快就會開心返哂....唉...我都仲係1個好容易開心同唔開心既女仔....究竟係好事定壞事呢?我真係唔識分啦....同佢傾到2:20a.m...佢成日都講埋d野令我誤會...真係有d想打佢...始終都冇叫佢去唱k...唔知點解真係叫唔出口...

同媽咪落街落左成個鐘...d時間覺得好值得咁用左...之後就溫書...唔知點解但凡6:00p.m之後...我就會好眼訓架啦...不過金日冇訓過...6:30p.m陪細佬落街買書包...佢唔想買書包..佢想買袋當書包...但我地個個都唔俾...所以佢好無奈地是但買左個書包..返到屋企又話唔鍾意...真係有d俾佢激死...

係買書包個度見到個salas...我最唔鍾意d salas...我行去邊...而佢又跟到邊...不過有d都例外既...只要我望佢個樣...覺得佢幾好人...咁我就會覺得冇咩所謂..而且我仲會同佢傾下陣tim...金次個salas就係1個好好既例子....同佢都幾好傾...如果我做salas既話...我先唔會笑住對住人...或者將自己份工諗成係1件樂事..享受返工既過程....咁返工既時候...就唔會覺得係1件辛苦或者痛苦既事..人有時真係要將1件事兩邊睇...如果唔係既話...個人就會做得好唔開心...而且仲有好愁架啦...

返到屋企等多陣就有得食飯..之後就沖涼...溫書...11:30p.m同杜杜傾電話...傾左好多野...都唔知我地咩構造既..成日都咁鬼多野傾...我地傾過...如果自己個男朋友鍾意左第2個...我地會點算...我就會堅持到底既人...我會盡量改善自己...令佢返嚟我身邊..如果佢最後都係選擇第2個...我係唔會死拉住佢既人...而且我覺得做人要有始有終..而杜杜就覺得如果個男仔要走就有得佢走...即使個男仔到最後都同返佢一齊...但杜杜寧願選擇唔同佢一齊...杜杜話唔鍾意人地呃佢...背叛佢...之後我地都傾到成12:45a.m...之後又打俾家輝嚕....同佢傾到1:40a.m...始終點傾都最少有1個鐘...對住佢d時間真係過得好快...

仲有1件事...係等食飯既時候...媽咪突然問我"阿女丫...你宜家有冇拍拖丫?"我聽到佢問呢個問題...我呆左一陣...我就話冇...之後就問"你之前個個男朋友呢?佢姓咩架?"...我聽完仲更加呆...我就話散左好耐嚕...佢姓.....我都未答完媽咪佢姓咩...媽咪就會"佢係咪姓郭架?"嘩嘩嘩...媽咪記憶真係勁好...之後又問"佢住邊架?"..."佢住香港仔".....媽咪又話"嘩...住得咁遠既..."...之後又問"咁你宜家有冇人追丫?"....我就問"你覺得呢?問嚟做咩丫?"...媽咪就話"我唔知你有冇人追.....冇...問下之麻..."...我就話冇...媽咪就話唔緊要....我仲細...大把機會...

突然覺得同媽咪既關係又親密...但我覺得宜家講返以前拍拖既野又冇咩所謂...突然媽咪咁問我...我都唔知應該俾d咩反應佢好...不過佢問咩...我咪答咩囉...可能佢宜家覺得我又拍緊拖卦...又或者...我宜家拍拖...媽咪都應該唔會反對架啦...以前反對拍拖..係因為以學業為重...但宜家都讀完中五啦...屋企人都唔會反對架啦...ha....咁幾好丫...如果拍拖要出街既話...可以直接同佢地講...