沖埋個涼....換埋衫出門口...預錯左時間...搞到勁晏先去到...差唔多1:00p.m都搞掂哂所有野啦...之後同呀蕉既屋企人去酒樓食飯..我地7個人食左勁多野...搞到有d唔好意思...之後我地就去左機舖打機...佢地班女仔又唔陪我玩...搞到我好冇"引"...唉..之後佢地去左行街...呀蕉留低陪我...不過我出錢請呀蕉陪我玩...唉..我唔鍾意人地唔陪我玩丫..得自己玩都冇咁好玩既...打機都差唔多用左$40...唉...

之後就去左行街..班女仔話想去唱k...但我1d興趣都冇...之後我地咁多個就去左仙跡岩飲野傾計啦..唉..原本都傾得幾開心架...都係波子衰到死啦...串我...話我唔知發福會變成點...哼..佢地就笑得開心啦...個時我真係有d嬲架...或者佢地覺得我玩得...所以會唔嬲...但我最介意佢地話我...其實我一d都唔玩得...所以個時咪同表姐傾電話囉...唉...

之後就搭車去馬鞍山...行左一陣..就去左哈迪斯傾計啦..得我..leeman同呀蕉冇食野...佢地食野既時候...我同leeman出左去行...行街呢d野真係要同leeman一齊...或者我地大家太了解大家既喜愛啦...同埋我地會知道咩都係襯對方既..所以我好鍾意同leeman一齊去行街買野...不過我地兩個都係有心買...但睇唔啱...之後又返去搵佢地啦...

再出左門口坐左陣..我地就決定搵金晚既晚餐啦...原本話食大排擋架..但個度d大排擋都唔似大排擋既..之後又諗住打邊爐既..但又好似好貴咁..之後都係決定去食"茶軒"..個間野我食d台灣料理既...我地都覺得個間野ok..有機會既話再去食過...之後坐多陣就搭車返屋企啦...

金晚俾leeman搞到有d尷尬...佢話波子可能鍾意我...搞到我地2個都有d尷尬...之後一齊搭巴士..去到觀塘...佢地落車轉車..之後同波子搭地鐵...返到屋企10:15p.m...好攰...真係好攰...因為出左去差唔多12個鐘...沖埋涼打俾家輝..佢問我做咩咁晏...因為我同佢講過金晚應該唔會玩得好晏..ha..我都唔知點答佢好...同佢傾左半個鐘個鐘..我話睇埋電視打俾佢...

我差d以為又睇唔到電視...勁歌金曲今集真係幾好睇...之後同樹哥哥傾左大半個鐘電話...好耐都冇同佢傾過電話啦..好彩佢都唔覺得我好煩啫...之後因為杜杜打俾我既關係..我話遲d打俾佢...但到最後我都冇打返俾佢...杜杜原本叫我繼續同樹哥哥傾架...但我話唔洗...因為我想同杜杜傾...同杜杜傾左差唔多成個鐘...之後又打返俾家輝啦...

佢又問我唔係話11:30p.m打俾佢既咩...我話我同朋友仔傾電話...所以先搞到咁遲打俾佢..之後我地就傾到3:00a.m...同佢傾電話....突然覺得金日好似冇出過去咁...同佢愈傾愈精神...佢話叫我搞camp...我都話好...我話聽日上網睇下大約每人會預幾多錢...我諗住去北潭涌玩丫..因為未去過...而且好多人都話幾好玩...希望最少叫到4個人去啦...唔知leeman同杜杜去唔去呢?

家輝下個月中去旅行丫...我聽到之後都有d失左魂..好彩佢唔知...佢去左旅行...咁咪有排都聽唔到佢把聲囉...唉...我都習慣左每日同佢傾電話啦...宜家突然話會有幾日冇得對住佢...唉..我真係有d唔慣...希望佢快d返嚟就好啦...不過我叫佢買手信俾我...ha..佢都話好...好野..有手信收...仲有丫...我地都決定左應該星期5或者星期六會出去玩...可能有得遊山玩水...ha..有得玩開心都爆...希望真係會出去玩啦....

到最後金日得9個人:

1. 我
2. leeman
3. 何珮
4. 呀囡
5. 波子
6. 肥仔
7. alan
8. 嘉偉(早走)
9. 永傑(早走)

我病了,你們別再欺負我

夠了,看過了我的日記的人

請留言,我已知的有一個

菜菜國王,現身吧

有看過我日記的人,希望你們能留言

能令我知道,還有人在一直都有瀏覽呢..

點解佢會知道我有睇佢既日記架?!!我諗佢個朋友--呀lam已經講左俾佢聽....原來同呀lam...真係冇辦法可以做到朋友...因為我地之間有1個呀俊.....我覺得呀俊冇必要知道呢樣野..我只係想關心佢...我根本唔係想佢知道我仲關心佢...我只係想知道佢既近況..因為話哂佢都曾經係我既男朋友....佢叫我現身...我都想..但可惜既係.......我做唔到.....唔想再出現係佢身邊...我只係想繼續過我宜家既生活...我唔想自己再次出現係佢既世界...唔想再俾佢傷害到自己...唔想再理會佢既一切....唔想再為佢擔心....維持宜家既生活...唔係仲好咩?

我知道如果我出現左既話...我知道我會連呀俊既近況都冇辦法知道...我真係唔想搞到咁....呀俊...你放過我好唔好丫?

然後都係睇漫畫...沖涼...食飯..睇電視...咁就1日啦...11:45p.m打俾家輝..金晚都係傾到3:00a.m...金日又有好多野傾啦..原來佢以前成日都去海灘個d玩架...又去過好多地方玩...咦..佢就好啦...我都想去玩啦...佢都話遲d陪我一齊去玩..佢好鍾意大自然...其實我都好鍾意架...只係冇咩機會俾我去大自然玩下之麻...

希望快d好天啦...咁我地就可以一齊出去玩啦...佢話我想去邊度玩..佢都會陪我...哈..希望真係會陪我啦...如果佢呃我既話...佢就知味道...哈..其實香港有好多地方...我都冇去過....如果有機會既...我都想遊覽成個香港...其實成個香港...我都未玩哂啦...仲話去其他國家玩...真係有d搞笑...

星期3就有得去玩啦...希望好天..唔好落咁多雨啦...如果唔係我都會玩得冇咁開心既...祝星期3好天到爆...

暫時去觀禮既人物有以下咁多人:

1. 自己
2. leeman
3. 呀囡
4. 何珮
5. 波子
6. alan
7. 嘉偉
8. 永傑
9. 肥仔
10. 吉仔

而去舊朋友聚會既人物有以下咁多人:

1. 自己
2. leeman
3. 呀囡
4. 何珮
5. 呀郭
6. 波子
7. alan
8. 嘉偉
9. 永傑
10. 肥仔
11. 吉仔

可能會去舊朋友聚會既人物:

1. 文浩
2. 石頭

下午當我想訓覺既時候...leeman打俾我..佢叫我陪佢買衫..下?!!唔係卦...想訓下覺都唔得 ..不過算啦...佢話個個女仔都著裙...如果佢唔著裙既話會好怪...唉...其實我就覺得唔緊要啦...又有咩所謂呢?不過陪下佢都冇咩所謂既...知已朋友仔丫麻...

之後就陪佢係新都行啦...到最後佢都只係買左1對鞋...到頭來都係著返褲...不過佢鍾意啦...而我緊係著裙啦..其實我真係好鍾意著裙架..因為真係斯文d...

返到屋企睇碟...沖涼...食飯....一家人齊齊食飯飯..然後又冇野做...又睇漫畫..死啦...d漫畫就嚟睇哂啦...下?!!咁我咪冇野做囉=~="..10:00p.m諗住睇電視架....但出到廳我先發現"王子變青蛙"金日冇做...唉..搞到我又冇得睇啦...之後又繼續睇漫畫啦...

11:30p.m打俾家輝...同佢傾到2:30a.m...就去左訓啦...好耐好耐都冇試過同樹哥哥傾通宵電話啦...突然之間好懷念個段日子tim...唔知佢幾時又得閒陪我傾電話呢?

不過3:30p.m..杜杜都叫我上去...我仲以為有排tim...我就話換埋衫就上嚟啦...點知leeman又打俾我...同佢傾左幾分鐘...原來佢去左赤柱返工..佢就好啦..有得返工...之後差唔多4:00p.m就上左杜杜屋企啦...我入到佢間房..我發現大左好多...可能佢間房d野搬左出走廊...所以佢間房突然好似大左好多...

係佢屋企留左1個鐘...拎左36本漫畫...重到死...不過我知道自己好快就會睇哂...杜杜仲執左d佢唔要既野出嚟..佢問我要唔要...唔知點解佢好似想咩都俾哂我啦...之後佢就送埋我搭車...我發現..佢係睇完我架車車走....佢先至會走既人...如果佢係我男朋友既話...我真係會好開心...可惜既係佢只係我知已朋友仔..而唔係男朋友...

好彩冇落雨咋..如果唔係樣衰到爆...返到屋企放好d漫畫...原來我間房都有好多位...遲d等杜杜返左嚟將軍澳既話...再問佢借多d漫畫嚟睇先至得...之後我就執下自己d袋...我發現自己真係有好多好多袋...原來我有40個袋...唉..勁爆...不過有d都係唔用既...所以我都執左出嚟...我諗都執左7-8個到啦...唉..仲諗住買新袋tim...但我真係太多袋啦...有d用左幾次之後...就俾我打左入冷宮啦...唉..我個人太偏心啦...

之後再執埋衫同褲..又有好多都唔著既...所以執哂出嚟俾媽咪...之後媽咪話落街食飯...不過得我..媽咪同細佬一齊食..我地又去蘇杭小館食飯...3個人食左差唔多$200...少人食始終都係唔抵食..而且食既野又比較少..不過唔緊要..因為仍然覺得好味...之後陪媽咪去惠康買野...迫媽咪買左包糖俾我食...好開心..又有糖食...

返到屋企玩電腦...玩左一陣去左睇電視睇到9:30p.m...細佬成9:40p.m先俾我用..之後我先記得我10:00p.m要睇電車男...激死我啦...我又有d失憶...睇電視同玩電腦...我選擇睇電視...因為電腦幾時都有得玩...而且電視有追開..所以唔可以唔睇...睇電視既時候...msn度勁多人叫我..但我都話遲d先同佢地傾..11:00p.m睇埋預告..就啦啦聲跑入呀哥間房玩電腦啦..不過玩左2個字呀哥返嚟...唉...又要遲d先有得玩啦...

之後就睇漫畫...成1:45a.m先打俾家輝..俾我估中佢真係訓左...佢問我做咩仲未訓..點解咁晏先打俾佢...ha..我話我掛住睇漫畫...之後我都叫左佢去訓...佢頭先講個幾句..我覺得佢好溫柔...如果佢既溫柔可以持續維持既話就好嚕...之後就繼續睇漫畫...睇到差唔多3:00a.m先捨得去訓...好攰唷...