因為今日要去民航處考察，

所以同老簡提早番到學校交升學所需既資料。

上到教員室搵蔡sir，搵唔到，佢遲遲都未番，幾驚我地自己去錯集合地點。

好彩佢最後都出現。

數下人頭，12345，5個？？？

本來預計12人去既考察得5個人。

走既走、搵學校既搵學校。

oh...依個課程愈黎愈少人。

阿sir再call下人，又多一個。

6個學生+1個阿sir坐1架中巴

噱一聲，又到機場。今年第三次，應該係。

到步，又要等民航處既職員。

個職員黎到，每人一個禁區通行證。生平第一次，可能係唯一一次唔需要登機證、護照入禁區。><

但照樣要通過X光同金屬探測。

阿sir個背囊因為放左把好有紀念價值既萬用刀，所以佢放棄參觀，真可惜。

入到禁區，到機場既停機秤等巴士去控制塔。

上到控制中心，行出露台，cool！機場客運大樓全景，正！

之後有個職員阿sir帶我地上控制塔頂層，真正控制飛機升降果層。

原來職員數目都唔算多。一條跑道由兩個職員管理，每個職員都有一個師傅跟住。

機場分南、北兩條跑道。南：貨機、私人小型飛機。北：客機。

因貨運中心同私人停機秤位於南跑道旁，為方便，所以貨機同私人飛機多數又南跑道升降。

但個阿sir呢頭講我，我就發現有架私人飛機係北跑道降落，佢就話：「呢架機應該有d特別情況。」

控制塔同控制中心之分，簡單黎講

控制塔：控制飛機升降

控制中心：管制香港上空所有來往、經過既飛機。與其他機場溝通。

所以控制塔既視野真係好好，d景好正。

轉到去控制中心，入面燈光好暗，因為要方便職員睇雷達畫面。影相唔可以用閃燈。會影響職員既視力、判斷。危險！

今日參觀過後，對飛機管制加深了解。真係不生難忘。