今日要返學校交成績表、到可道上飛機工程。

兩樣都係九點開始，所以我“本來”諗住預早少少八點幾返到學校將轉往可道。

七點半開電視，紅雨、上午所有學校停課。以經開始不斷打電話聯絡同學。

學校電話又唔通，所以都係訓多陣等消息。

訓著一陣，電話響，訓著一陣，電話又響。終於呂梓打黎，佢話以經返到學校，要交成績表。

學校之前所講既開放時間係九點至十點。我接到電話時以經九點幾。

拿拿聲起身換衫出門口。上到車，又同琴日一樣塞車，塞到爆。

落車又同琴日一樣趕番學校。上到禮堂一交低d野，個書記就入黎話停，野唔再收。

好彩趕到。

之後老簡陪我去食早餐，之後去圖書館睇一d我地睇唔明既書，打發時間。

差唔多夠鐘就坐車去可道，老簡話可道果邊有間餐廳唔錯，就去試下。

食完早餐唔夠一個鐘就食午餐。老簡無介紹錯，真係唔錯，又底食。

上左兩個幾鐘堂，聽好多資料性既野。落堂。