"可愛"是何物，我覺得係世上最唔需要出現係世上既野。

我唔相信一個人只要可愛就可以係社會上立足、肚餓既時候只要向住人做個v字手勢就有飯食。

最重要佢地既可愛唔係真，係扮。

有時見到d朋友既msn，緊會有一兩張高角度v字手勢既相。老實講，真係好嘔心。

望住佢地張相，再諗下佢地平時既為人就更令人心寒。

所以我好相信相由心生，一個黑心既人，點妝扮都係醜惡既。

其實都唔知係邊個開始影埋d高角度v字手勢相，一個高角度，跟本睇唔清楚d眼耳口鼻。

加埋個鼓起塊面，你係咩面型都睇唔清楚啦。個v字手勢根本就係引開人注意力。

將自已d缺點收起晒。我諗呢個人靚極有限。