就快又考試，平常心啦。

近日各科都趕係考試前教晒d課題。好趕、好忙。

有d科目老師為求教晒d課題就求求其其，又唔深入講解，搞到我要再睇d參考書先明白。

今日放學後要考中文朗讀。

監考阿sir.....shit！鬚根明！

雖然對左佢三年，都知佢咩料，但我一見到佢個樣就想笑，叫我點朗讀呀？><

到正式朗讀既時候，我行埋佢，佢就黎一句：「同學，報上名來。」頂！武俠片咩？

我全程望住張試題讀，都算讀得唔錯，咬字尚算清楚。

我初中既朗誦全部都係鬚根明教，都有番咁上下功力嫁。

希望佢高抬貴手，比鬆d分。