近日買左《弦續-別了家駒15載》紀念大碟。

碟內所有歌都係家駒既遺作，由家強及與Beyond合作多年既填詞人劉卓輝填寫歌詞。

聽左入面一曲《We Are The People》。

我感到既內容意思大概係雖然我地只係“人”，

但只要我地堅守信念，最終都可改變世界，

令世界變得更好。

另一曲係《奧林匠克》，一首極具政治味道既歌曲。

由劉卓輝填詞。聽家強於電台既訪問，知道劉卓輝同家駒係好友，

亦好了解家駒，所以搵佢再次填詞。

劉卓輝填出一份非常出色既歌填，寫出一份香港久違了政治味濃厚既歌詞。

提醒我地奧林匹克精神本應係忘卻政治、宗教。於運動場上公正競技。

香港，就係需要依d“音樂”