今日由家盛部我去土瓜灣睇家駒紀念展覽。

先去屯門食野，好Q多人。

再坐個幾鐘巴士去土瓜灣。

終於到牛棚藝術村。

入到去，話........好多人啊.....

打晒蛇餅

隊頭個牌寫住：約等二小時

每半小時就放約二十人入去，始終個展館唔算大。

等左約個半鐘，終於入到去。

之前係網上都睇過展館入面既相，都知道大概既係點樣。

有幾枝家駒既結他、“地雷”、衣服、書籍。有一個區域係仿照家駒故居所建。

個場地本身以經唔係大，個個都拎d相機出黎影相，搞到我想慢慢睇下d展品都唔得。

係...今次既展覽係好難得，但大前題應該係“睇”，而唔係“影”。

記憶，應該係記係心中。如果有d展品真係好珍貴，好難先睇到，當然可以有限度地影一兩張。

但我眼見場內個個都係一個個展品咁影，有個師奶不斷叫個仔：「果度呀，仲有果度未影呀」吹脹！

香港人就係咁，有既時候就唔珍惜，就黎無，先黎用相機影底作記錄。

香港人無論睇演唱會或展覽都一樣，唔係“睇”，係“影”

特別鳴謝家盛陪我坐咁奈車、排咁奈排睇展覽。