溫習進度比預期差

前兩日又病左

提唔起精神

成個人好"死"

溫溫下書走左去編首歌既bass

但靈感一到，冇計

一日復一日，唔想入試場一刻先後悔

想點？人人都想既_食_訓_玩

但又不甘於過d禁廢既生活

難道"讀書考試上大學做寫字樓工"又會好充實？

我覺得以上兩種生活差別無幾

但我將來一定唔會過呢兩種唔稱得上生活既"廢"生活

同爸媽出尖東睇燈飾，但成大半條彌敦道封左，變左行人專用區，連巴士都入唔到，所以要係佐敦落車行過去。

不過成大班人係平時車來車往既彌敦道行，真係好有節日feel。

行到去尖東海旁，都係勁多人。但都可以影到靚相。

聖誕快樂！

平安夜快樂！

一入門口，老細就叫我地除鞋，再行入d，oh...正呀！好日式呀！

成間錄音室唔係用d黑色隔音棉，而係牆上面整d唔知咩棉，再鋪d似麻又似棉既布上去，

再用木條分開一格格。牆上掛左幾個和式既燈，成個錄音室既光線都好柔和，好舒服。

舒服到我同deco坐係張梳化度，坐坐下訓著左。書櫃上面有放左好多關於搖滾同結他既書。

成個錄音過程尚算順利。本來預定由一點到四點，但最後到五點半先完成。(要加錢==)

驚喜發現！阿文和音都真係有一手。

最後我地拖住疲倦而勁肚餓既身駒離開錄音室，同阿文去左大快樂食野。

明明叫個職員入廚房拖隻牛出黎，佢就淨係比碟哩腩飯我=.=

鳴謝:Blazed各成員、BOM MUSIC阿介