＊× ﹏° 駿↘〞。⇧︴℉ine。﹏×＊BLOG。﹏
星座網~~~大家一齊黎上去睇下啦~~~幾準架真係~~~
chun0086 : 個人主頁 - 相簿 - 訂閱  [ QOOZA - 論壇 - 登入 ]
chun0086
暱稱： 駿
性別： 男
國家： 香港
地區： 屯門區
«‹ October 2026 ›»
SMTWTFS
123
45678910
11121314151617
18192021222324
25262728293031
訪客留言
最近三個月尚無任何留言
最近訪客
最近沒有訪客
2007 年 12 月 13 日  星期四   晴天


心情極差 分類: 未分類

(以下日記可能會有粗糙字眼，希望各位可以見諒)

今朝９點果時麻麻打電話黎，叫我起身同佢一齊出去，果個賤人爺爺度食飯，阿爸放假，但佢唔去，唔去咪又係打機，好彩維護緊，慢慢等啦你。

出到去，落左車，行勁ｑ遠先去到果條友度，麻鬼煩，住咁高把鬼咩。上到去，等佢煮飯，麻麻幫手炒野，都係麻麻炒野好味ｄ。條友買左勁ｑ多送，大佬３個人食洗唔洗咁多呀你，唔好比我知道，你又係因為我會黎，所以買咁ｑ多，我唔會覺得感激。

等佢煮飯果時，見到床邊有張ｂｂ相，望上去好得意，但心入面只係想掉左張相，因為果張ｂｂ相係條死老野個女！！條老野係大陸同人生既，６０幾７０仲上去生女，睇你幾時趴街。無啦啦多左個豆丁姑姐，我先唔歡迎佢，最好咪比我見到佢。

返到屋企，２點幾３點到，開電腦打機，佢老佬條網路線又有問題，遲早打電話上去爆粗罵個金佢地，跟住部死人腦又ｌａｇ機，唔係ｌａｇ機就藍畫面，大老今日咩事呀又！？機快又點，網路線廢，又成日ｌａｇ機，好佢條命咩。
發表時間：2007-12-13 11:26 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 12 月 12 日  星期三   晴天


報告多多 分類: 未分類

今日去到葵芳果時，咁岩見到肥香，咁岩有位比我上車，返到去，得我同佢兩個，玩下卡先囉，點知玩玩下佢發現咪拎野，果時９：００到，佢決定去食早餐先，仲請左我食，真係有錢。

食完野去拎野，上到去仲有時間，ｍｉｓｓ過左陣就黎到，入到去，成堂冇聽書，４條友狂玩卡，講笑多過做野，下半堂，肥香拎左我個ｐｓｐ黎玩，又係玩到傻傻地，呀得就拎左我個ｎｄｓ同湶玩，我就拎ｄ卡黎搞搞震，玩玩下聽到ｍｉｓｓ話要分組做口頭報告，３∼４人一組，１月９交，我地班人有６個，所以分開３個３個一組。

差唔多上人際堂，成班玩左陣，聽下ｍｉｓｓ講咩，原來又係報告，要介紹自己，書面報告要寫７００∼１０００字，介紹自己既性格真係有咁多野寫咩？

放學果時，係地下見到winnie同琳琳，佢地問我中文同邊個一組，原來佢地想同我一組，點解要同我一組呢？唔係咩吸引人，只不過係佢地唔識打字，想搵我一個打哂ｏ者，真係比佢地玩死，雖然大家都係屯門住，係就係方便，不過我呢邊有３個人，佢地兩個加入黎５個人，ｍｉｓｓ會唔會比呀？算啦算啦，都係唔理咁多啦，等下星期一再問問ｍｉｓｓ啦。
發表時間：2007-12-13 01:35 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 12 月 11 日  星期二   晴天


英文考試 分類: 未分類

琴晚累到死死下，所以熄哂機諗住訓啦，點知醒起，咪打日記，點算好呢，算啦，都係聽日先打啦，免得一陣打打下日記訓著左。

今日起身果時，都算比平時好ｄ啦，唔會話唔係咁想起身。去到巴士站，又見到隻死”馬嬲”，大佬！你又玩遲到呀？唔係呀你。邊隻死耿嬲呢？我諗你地會知既。

係車度一直同佢係度玩NDS，佢好似玩到傻左咁，笑鬼死我。之後我又拎左個PSP出黎玩，我玩三國，係度亂掃，佢就再之笑到傻左，真係想問，喂，你打機打到傻左呀？

返到學校，冇人得我一個，企度打陣機囉，之後肥香返到黎，傾兩句我行出去望下，有人返左黎，佢叫我地一齊去天台坐，玩下撲克，玩左陣，湶返到黎，捉左佢黎一齊玩，玩到阿sir黎先知入去，英文堂冇咩點做野，掛住聽肥香同我誚瑪奇ｄ野。普通話堂仲衰，差唔多真係冇人聽佢講野，有ｄ打機有ｄ傾計，慘囉真係。

放左學食完飯，２點半就要去禮堂考英文，考緊果時趴左係度，睇問題睇睇下，點知訓著左，仲訓左成個鐘，先有老師黎叫醒我，玩咩。

考完４點，返葵芳坐巴士，過左”丁久”塞車，塞左好耐下都，無雙都比我打完都仲咪返到去，返到屯門６點幾啦，呢次真係耐啦。
發表時間：2007-12-12 01:01 AM  [ 訪客留言(1) ] [ 編輯日誌 ] [ 分享至FACEBOOK ]


2007 年 12 月 10 日  星期一   晴天


測驗測驗 分類: 未分類

今日好多測驗呀，又電腦又數學，電腦測倉頡碼，比較上麻煩，不過好彩可以打開筆記，先冇咁”難”。測完之後，可以早走，我成班fd入面5個人我係最早走果個，成份做哂架啦，加上你做得少阿sir唔會比人走，最後就等湶，佢係最慢果個。

之後成班一齊去左葵芳，因為早放可以去遠d食飯，去左紅樹林，真係又貴又唔好食，列入黑名單吧。之後數學測試，都冇咩特別，返到屋企，同肥香玩瑪奇，仲計劃要玩死成個公會d人，心諗，邊會咁易比你成功到呀？我的名字"卡咪拉"新人物。下次再貼相上黎啦。

係啦係啦，差d唔記得，我班足球贏左冠軍，影左d相作證明，不過咪整呀，遲d再補貼返上黎，各位等下吧。
發表時間：2007-12-12 01:25 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 12 月 9 日  星期日   晴天


悶 分類: 未分類

今日開始日記會好口語打，因為會放便一點，同打口語快好多。

今日差唔多１２點先起身，之後刷好牙，開電腦，同阿爸一齊係武林度解任務，岩岩好解完個麻煩任務，就成家人一齊出街飲茶，約左姑媽，因為佢生日，所以今日請佢飲茶。３點幾到飲完，齊齊去左街市買野，我同阿爸仲有表哥係出面等，姑媽好快就買完野出黎，所以佢地兩個走左先，我阿媽就買左好耐野，差唔多４點幾先出黎，唔耐煩啦，買咩咁耐呀？原來係買雞翼，不過冇我份。

返到屋企冇野好做，一直都係打機，係武林度升ｌｖ，不過慢到出汁，係我慢左ｏ者。留返ｄ錢聽日放學，同樂佢地成班一齊去睇戲，仲要係３個星期既第１日都有野睇，ｄ錢要小心ｄ用啦。

夜晚就更加冇野好做，又係打打打，只知手多殺左人，變左紅名，要等２個鐘先變返正常，下次都係唔玩殺人，真係麻煩。
發表時間：2007-12-09 11:50 PM  [ 訪客留言(0) ] [ 編輯日誌 ] [ 分享至FACEBOOK ]


« | 18 | 19 | 20 | 21 | 22 | 23 | 24 | 25 | 26 | 27 | ... | 34 | »