＊× ﹏° 駿↘〞。⇧︴℉ine。﹏×＊BLOG。﹏
星座網~~~大家一齊黎上去睇下啦~~~幾準架真係~~~
chun0086 : 個人主頁 - 相簿 - 訂閱  [ QOOZA - 論壇 - 登入 ]
chun0086
暱稱： 駿
性別： 男
國家： 香港
地區： 屯門區
«‹ June 2026 ›»
SMTWTFS
123456
78910111213
14151617181920
21222324252627
282930
訪客留言
最近三個月尚無任何留言
最近訪客
最近沒有訪客
2008 年 2 月 1 日  星期五   晴天


2008-02-01 分類: 未分類

今日上堂阿sir教我地整聲音，仲用一ｄ聲音黎編一個故事出黎，但估唔到既係，阿ｓｉｒ教既野係我之前係中學果時用過既軟件黎，果個軟件好少野要用，所以好易就會上手識用。原先我地打算玩aoc，點知學校ｄ機鎖左，真係可惡，竟然只鎖aoc唔鎖魔獸，咩道理黎架。

中午果時成班人去左吃新野，其實只係我地咪食過果間o者，味道唔錯，價錢都唔係太貴，不過野飲就要加錢冇得送，算啦人地小生意黎，要求唔好咁高啦。

返到黎樂黎左我度，又一整玩aoc，睇黎佢真係上左腦啦，又玩２打６，點知比人迅間秒殺，不過呢次唔係我死先，有ｄ感動，之後玩２打４，樂開始左無耐就比人打，但其實我一開始就比人打，不過已經反擊成功總算安全，之後走去放兵幫手，終於平息左呢個小突襲。搞左好耐，防範已經佈置好哂，敵人冇咁易打到入黎。之後準備好哂所有野，就開始進攻啦！唔知係唔係因為太快果係，差唔多４個敵國都係我打贏，點都好啦，贏左就得啦。

今晚好累呀，唔知聽日會訓到幾點呢，希望唔會太遲起身啦，我要睇電視呀！
發表時間：2008-02-01 10:19 PM  [ 訪客留言(0) ] [ 編輯日誌 ] [ 分享至FACEBOOK ]


2008 年 1 月 31 日  星期四   晴天


2008-01-31 分類: 未分類

今日我訓到3:15先起身呀！不過如果唔係因為樂打比我，話要上黎既話，我可能成4點幾先起身。不過因為佢唔小心整濕左條褲，所以要返屋企換，同埋煮飯加沖涼。

5:30到樂黎左啦，同佢一齊睇軍曹，睇完之後就一齊開始玩aoc，今次有ｄ唔同，唔係２打４，以係２打６，又係好似之前咁樣，一開始我就比成班電腦前後左右包圍，結果我個場地比電腦搶左。走左去樂果邊睇下有冇返生機會，點知一時錯手個君主就咁死左。得返樂自己一個，都係冇返生機會，都係死埋。證實左既係，原來一次打咁多人係會死得好慘。

之後樂決定同我打，玩左好耐，我終於都開始對佢出手啦，佢既陣地一開始就比我霸左上半部份，之後因為佢既左邊同中間都有防陣，所以由右邊攻打佢，右邊係佢留一唔記得佈防既地方，一個簡簡單單既游擊同埋突擊戰陣，就清哂佢場，佢個君主係邊呢？一早知係邊啦，偷偷地做左個機會比佢，比佢個君主走佬，之後慢慢清佢場，最後佢拎個君主黎行，行錯路比我ｄ炮台一炮打死左，真係好笑。樂依加好似鐘意左玩aoc，睇黎遲下佢就會失控架啦。
發表時間：2008-02-01 02:18 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 1 月 30 日  星期三   陰天


2008-01-30 鬱悶 分類: 未分類

今日中文堂果時唔知點解好少人返，雖然只係做返之前咪做個人報告既事，但都真係太少人啦。不過休息完左之後，又有ｄ人返黎，返返下都差唔多有半班人以上啦，不過報告果ｄ而已做完哂，ｍｉｓｓ同我地講返之前既小測，個死肥香又係度扮哂野，真係越黎越想爆粗罵佢同打佢，不過我一早決定左唔會再做ｄ咁既野。

人際果堂都返左一ｄ人，今日終於到湶做佢既個人報告啦，唔知佢做成點呢？佢個死仔真係呀，竟然一直望住部電腦講野，ｍｉｓｓ唔提佢都唔識睇下同學，真係比佢激死，阿！佢太緊張啦！放鬆呢，冇人會笑你架喎，反正由一開始就已經係笑話黎，個個都做過呢個笑話架啦！有咩好驚呀！何妨我都唔驚啦！我真係唔驚架！因為要驚都係出去之前驚完哂，所以咩都冇，冇野比我繼續驚。

放學返屋企之前，去左同樂食野，去左食日本野，真係我地好似冇其他地方會去食咁，食完野就一齊返左上我屋企，之後就研究ｐｓｐ新下載既ｇａｍｅ，不過載左隻真係名副其實好無聊既ｇａｍｅ黎。４點幾果時，希希個老公仔終於打比我啦（咁耐架），之後就飛奔去７仔比兩張戲"飛"(唔記得左點寫呀!!)，樂就留左係我屋企研究返點玩aoc，幾分鐘時間一來一回就咁完左，之後就同樂玩aoc，我地兩個打一個電腦，電腦級別係難，不過估唔到既係，個電腦竟然係開始左無耐就打我，大佬！你玩野呀！你再打我真係死人架，好彩夠時間反擊，唔係真係要走佬...。一場簡單又快捷又玩命既戰事，終於都迫到個電腦自動投降，遊戲勝利！不過我係最累果個...。

之後又玩左場係２打４，又係一開始就打我先，大佬呀死人架，咪咁玩我啦，你仲打喎！之後總算贏左，因為地圖細，所以好易就殺到入去敵陣。之後我地決定兩個人玩一個國家，１國打４國，仲勁過打"三國"。因為樂要返去食飯，所以最後既就我黎清場，點知有兩個國家只係用左２支各３０人既騎兵就贏左，真係唔知發生咩事。以最後一個國家，就有ｄ白痴，佢地個君主竟然行左出黎！放騎兵突擊佢！只需１分鐘度，ｄ騎兵就沖左入去，一劍殺左個君主，遊戲再次得勝！終於打完啦，玩左咁耐好累架嘛。

最近又試唔想打日記，因為真係冇人上加冇人留言，無咩意義，真係不如繼續隱藏自己既事，係自己心入面算啦...
發表時間：2008-01-31 02:58 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 1 月 29 日  星期二   晴天


2008-01-29 分類: 未分類

今日返到去學校果時，咩人都冇，真係好少好少人，因為有ｄ人一早考完試就開始放假，但因為今日要考試，所以係灣仔上堂既人都會黎哂呢度。普通話去左考口試，講黎講去都唔知自己講左ｄ咩出黎，聽到都想死。

食飯果時，因為我地早放關係，一早就去左飯堂食，食完就係度玩卡，又肥仔你想扮野扮到幾時呀？好煩呀你郁你架。

英文考聆聽，但中途我趴左係聽錄音，無啦啦有個阿ｓｉｒ走黎拍我背脊，問我有冇事，我只係搖左下頭。心諗，阿ｓｉｒ應該係我同你有冇事，唔係你問我有冇事，就因為係拍左下，搞到我唔知聽到邊。係，我係有ｄ眼訓，比你拍左下之後就真係咩都冇啦。

坐巴士返黎果度咁岩見到達達，原來佢都係係呢度左近讀，完程車都係度同佢傾計，仲知道左原來佢地一直都有看面，佢地係指中５果時ｄ人，主辦者原來係黎嘉，真係有趣，不過點解冇我份既？佢地忘記左我？太可悲啦。
發表時間：2008-01-30 12:39 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 1 月 28 日  星期一   陰天


"""小Fine""" 感動 分類: 未分類

今日電腦堂測驗，測打字，短短的４００字，在這短短的２０分鐘就打好了，還有阿德都打完了，之後我同阿德周圍行了一會，在３樓時湶看到我們，所以就來了跟我們會合。

果然沒錯，在我們當中湶會是第３個打完的人，其之就是阿麟，肥香的就不用說了，他是不會有早走的機會，因為他完全不會打字，只好慢慢地寫著。

所以我們４人就去了茶樓吃飯，但我們坐了好久才叫食物，坐到１：３０才有學生餐。數學堂因為老師的不滿，大家都很留心上課。在這個數學課程中，我對這些類型的數學完全不了解，所以相應下我的成績會比較差，但我還是會繼續試著努力，或許這只是我能做到的事情。

21-12-07_121303-12-07_1957

05-12-07_180503-12-07_1956

今日重點是我家最大最可愛最活潑的小倉鼠小Fine!!留意上圖!!小Fine是不是有點兒像圓形的球呢?答案當然是啦!!哈哈哈...

你們一起要好好記著小Fine的樣子...因為牠是最好的...........

為什麼...為什麼...為什麼...為什麼...為什麼對我重要的都要離開我...小Fine在今天的早上離開了我們...牠靜靜地離開了...前幾天牠的活躍是代表牠今天的離別嗎...?...為什麼...對我重要的都要如此靜靜地離開...結果每一次都是我不能見到最後一面的離開...

小Fine你為什麼要離開...你到底知不知道你對我來說是代表著什麼...你不會知道...因為你以離開了...離開了我們的身邊...但你不離開也是不會知道...因為...你的腦袋比人類妙小...但我也希望在天上的你會知道這一件事...
發表時間：2008-01-28 07:14 PM  [ 訪客留言(2) ] [ 編輯日誌 ] [ 分享至FACEBOOK ]


« | 8 | 9 | 10 | 11 | 12 | 13 | 14 | 15 | 16 | 17 | ... | 34 | »