＊× ﹏° 駿↘〞。⇧︴℉ine。﹏×＊BLOG。﹏
星座網~~~大家一齊黎上去睇下啦~~~幾準架真係~~~
chun0086 : 個人主頁 - 相簿 - 訂閱  [ QOOZA - 論壇 - 登入 ]
chun0086
暱稱： 駿
性別： 男
國家： 香港
地區： 屯門區
«‹ October 2026 ›»
SMTWTFS
123
45678910
11121314151617
18192021222324
25262728293031
訪客留言
最近三個月尚無任何留言
最近訪客
最近沒有訪客
2008 年 1 月 22 日  星期二   晴天


2008-01-22 分類: 未分類

今日返到學校，就見到湶同肥香坐左係出面天台，湶今日又早返左呢，肥香係度做緊普通話，果兩條問題要寫２４０字，但佢做做下都係轉左玩撲克，英文堂好多人都做緊普通話，差唔多勁到得我同湶係做緊英文，因為阿ｓｉｒ只係注視到呢邊，但因為有事要做所以我今日普通話堂係冇上到。

返到黎去左ｍ記食野，咁岩學校放食飯，所以慢小小都會冇位坐，係ｍ記見到朱女同棋仲有佢地個ｆｄ，不過唔知佢地有冇見到我啦。慢慢食，試下個新野，都只好味，個包有黑椒汁，所以都顯得比較辣，食完野行左去新開果間ｋｏ度睇下野，之後就返屋企。

返到屋企上左陣網，打左陣機，就做下野。４點幾到森過左黎做野，樂都上左黎，傾下做下野咁都唔錯。森做完野之後就３個人一起玩下ｃｓ，玩到傻傻地，３條友走去打１０條友，３打１０羸到先出奇，結果係最後，我地贏左２場，但電腦贏左１０場，真係冇野好講。

夜晚果時比ＥＴ捉左去火星，捉左我去玩幻想校園，好快就下載完更新好哂，之後就試下玩，發現到既係，呢隻ＧＡＭＥ係用「石器時代」+「魔力寶貝」既合體版新ＧＡＭＥ，又係要入戰鬥畫面，回合制對戰方式，步行遇敵，有ＡＩ自動戰鬥系統，但要防外掛關係，只可以自動２５次，２５次之後就要再按多次，係一個防外掛既簡單系統。但因為我有Ｄ累，玩玩下差Ｄ訓著左。

聽日好多野要報告，真係慘呢。
發表時間：2008-01-23 02:54 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 1 月 21 日  星期一   晴天


2008-01-21 分類: 未分類

今日返到學校一個人都冇，答案就係我又一次第１個返到去，之後竟然係湶返到黎先！佢一向都係９：１５∼２０分先返到黎，今日佢竟然早左咁多返，真你少有啦。

之後一直去到９：１５先有人返黎，以為肥香唔返，原來佢去同左阿ｓｉｒ度，夠鐘先一齊上黎，英文堂要做聆聽，雖然好易好簡單，但有ｄ部份好混亂，本身佢講得唔好。

電腦堂好留心聽書，因為我坐左係第１個，所以見到係阿ｓｉｒ望住我黎講書，雖然只係講文字處理功能，但因為下星期要測呢ｄ野，留心ｄ都係好既。阿ｓｉｒ有時要我地做ｄ野，仲話指望我一個，因為得個係聽緊，但阿ｓｉｒ你咁搞法，搞到好似我都唔明你講咩喎，哎呀，好彩好彩，最後都係成功做好左個練習。

返到黎，樂上左我度，仲發左癲，睇ｇａｍｅ睇到發癲，食錯野呀你！？之後就一直係瑪奇同公會ｄ朋友一齊去打地城。呀！！我唔係暴力呀！！
發表時間：2008-01-21 11:20 PM  [ 訪客留言(0) ] [ 編輯日誌 ] [ 分享至FACEBOOK ]


2008 年 1 月 20 日  星期日   晴天


生命是什麼？ 分類: 未分類

今日11:30到醒左，突然聽到出面阿爸阿媽講野，內容唔清楚，但好明顯既係，說話上很急速。我就走左出去睇下咩事，發現既係，同小介（阿媽）一齊係同一個籠既小倉鼠，死去了。小倉鼠死去原因：不明

推測係因為琴日有一段時間被夾住左ｄ毛既關係，但好難配合，只係知道，佢係由琴日夜晚開始一直訓，直到今朝先比我阿媽發現佢死左。由我救返佢出黎之後，佢就一直係度玩，完全睇唔去佢有咩事，好正常咁一直玩，但估唔到佢會咁樣離開。

生命好重要嗎？人類經常叫人要對生命充滿希望，學似某些動物一樣，不怕辛苦，努力生存下去，但為什麼人和動物最後都要死去？如果人類真的是神的兒女，為什麼他要設定界條，人和動物都會有死去的一天？難道他不會傷心的嗎？定還是神由始至終，都只是把我們人類當作玩具一樣？由我們的生，由我們的死。

常常有人說死去的人，自然會有進化的人，那麼那些所謂進化了的人在那裡？就算如何地進化，都只是一個帶著生命時間的器皿，時間一到，自然就會死去了吧？

不論人類和動物都有生命的權利，那為什麼人類和動物的生命如此軟弱！？人類的精神力為什麼如此軟弱！？因為打擊就放棄了自己的生命，經常說自己的生命是誰是誰的，那些人真的打算把自己生命帶由人管理嗎？別人要奪他的生命也不在乎嗎？這就是所謂神創造出來有高等智慧的生物「人類」嗎！？
發表時間：2008-01-21 12:51 AM  [ 訪客留言(1) ] [ 編輯日誌 ] [ 分享至FACEBOOK ]


2008 年 1 月 19 日  星期六   晴天


2008-01-19 分類: 未分類

今日3:00先起身，起身之後就同阿爸去左食野，食完野就去買野，買返ｄ野飲同野食，杯麵果ｄ呢。

返到屋企，同紅傾左一陣ｍｓｎ，不過內容都係離唔開mhp，咁係因為我同佢，都係個種鐘意自我研究事物既人，我同佢都分別係唔同既地方研究，但研究內容完全係同一個方向，咁樣既解釋，代表咩野呢？係因為同性朋友之間既關係嗎？

但係，係呢個世界中，係所謂神創造出黎既世界中，「朋友」係咩野？「愛人」又係咩野？係神既角度中，佢地係代表咩野？同世人既想法一樣？係家人？係戀人？係同學？係朋友？定係敵人?
發表時間：2008-01-20 12:05 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 1 月 18 日  星期五   晴天


2008-01-18 分類: 未分類

今日比平時遲左好多出門口，不過就算遲左都唔會遲到既。返到學校，見到都係得好少人，連阿ｓｉｒ都遲左少少先上到黎。

今日有習作要做，不過好快ｄ人就做哂，做習作果時，有３個人係度玩ｍｈｐ２，佢地打算打上位（高級）雄火龍，點知佢地每人死一次，最多死３次，就岩岩好冇哂，之後佢地搵我幫手，有一個人就去左做習作，我做完就幫佢地打，點知佢地同我死鬼哂３條命，我仲好好人咁玩野幫人檔左一下火球，可惜都係死哂。

之後我決定左一樣野，再次做下好人啦，佢地開任務，我自己一個人打，佢地等我打完就夠啦。最後的結果就是.............慘死，不是我慘死！是氣龍仔慘死！因為龍仔比人捉左去分屍呀！（天呀！好可怕的對待呀！）

放學返到屋企，樂又落左黎我度，因為佢成功更新完個版本之後就係度狂搵game玩，好心你忍下手啦，２月３月咪好多新game比你玩囉。之後督落左街同阿爸食晚飯。

好可怕好可怕好可怕好可怕，係我打算訓覺果時，突然間有一陣可怕既感覺出現左，就係死亡接近既感覺。

黑夜中，沒有光明，沒有聲音，有的就只有一片黑暗，在黑暗的環境中，我是誰？在現實，有著光的世界中，我有我的名字。但世界若真的有神存在的話，那麼我們在神的面前，我們的名字是什麼，在神的面前我們是誰？神為什麼要創造世界？為什麼要創造人類？如果世界真的有神有鬼有靈魂有天堂有地獄的話，為什麼他們不出現在世人的面前？為什麼要分開天地人３間？為什麼...？
發表時間：2008-01-19 05:45 PM  [ 訪客留言(0) ] [ 編輯日誌 ] [ 分享至FACEBOOK ]


« | 10 | 11 | 12 | 13 | 14 | 15 | 16 | 17 | 18 | 19 | ... | 34 | »