今朝一早起身果時聽到，出面有人開門走，果時係６：３５分，正常係冇人會出門口，之後起身出去睇下，知道係阿媽出左門口，咁早？去邊？阿爸同我講話佢去大陸旅行。原來又係公司旅行日，一年一次，真係好玩囉。
刷完牙換衫果時諗起，我琴日冇打日記呀！哎呀，又失憶啦，點算好呢？唔理住換衫先都係。食完野７：１５分，出門口去左佢搭車既地方搵佢，但係一直等等去７：３０分車開走左都冇見到佢，只好搭車返學啦。
今日上堂一開始就同ｄ同學玩MHP2，仲發生左兩件搞笑事件，有玩MHP既人都會知咩叫火事，正因為我換左套低防裝，用左兩個支援炸彈炸自己果時，２個炸彈死左，打都咪打就死左慘囉。因為要打老山蟹，所以一早打到佢就死就死果是就走左去５區等佢，之後因為要等佢黎，我無聊過頭係咁炸自己，炸極都唔死，又冇火事，算啦唔玩野啦，點知！係我炸重後一個炸彈果時，係離我勁遠既人比不明物體炸死左，吓？發生咩事，我離佢咁遠係冇可能炸到佢，點解佢會死左架，唔通有鬼炸佢？慘囉，要認真ｄ打啦，一陣死多次就好笑囉。食完飯返黎又打過，幫另一個升hr，因為有我同另一個人，所以好快就打到上hr3，之後果ｄ自己打吧。
返到屋企冇耐樂落左黎我度，之後就試下新下載既game，不過隻game係佢之前ps玩過既，所以決定唔要，不過要都冇用，佢部機唔知點解玩唔到，但我就玩到，真係神奇。今日全日都差唔多都係做ｄ同MHP有關既野，都算唔差既。 |
