今日係第１日返學，開門果時既感覺係，唔凍既...出到電梯口先有ｄ反應，慘囉！唔通我變左唔怕凍？
返到學校去左休息室坐，順手諗下係邊度上堂，原先諗左係５樓，點知我呆左，５樓冇出去，上左７樓，習慣出電梯後兩頭望，一望就發現湶同肥香坐左係度，一閃！就記起今日係７樓上堂。
中文堂miss係度講返中文分組d野，又講下下次分組既事，可惜係冇咩人聽佢講野，我想聽架，不過肥香係度同我講野，搞到聽唔到miss講咩，其實係兩邊都聽唔清楚，只係間中比少少反應比肥香。
人際堂好玩好多，miss要我地分組4~6個人一組，岩岩好我地5個，就咁就分好哂組，分組做咩呢?miss叫我地整樣野，可以拎到隻雞蛋由5樓掉落2樓地下，都唔會爛或者爆開。我地好快就諗到用降落傘原料，我2個人整降落傘，佢地3個就幫手包住隻蛋。一段時間後終於成功整好哂，出到去準備放果時發現，有一條管因為太重摺左，咁就諗到衰硬啦呢次，點睇都會直落爆蛋，我地幾個正打算睇佢死法果時，突然因為風向問題降落傘原因，突變直昇機下降法!就咁就安全落地，完全冇穿冇爛，成功過關。
放左學返左良景m記開餐，之後打左1個鐘機，4點決定返屋企，返到去見到隔間行個阿姊，佢問我係唔係仲同阿嵐一齊緊，我只係細聲答佢冇，又問我係唔係有個新既，同樣我細聲咁答佢冇。因為細聲答可以成假象，更可以成禮貌，講野冇必要咁快聲呀係咪?
7:20同樂去左良景輕鐵站，等埋森,勇,倫一齊出去睇戲，去睇「異獸戰2」，不過睇完都冇預期中咁好睇，可能我唔係太鐘意啦，算啦，睇左就算唔理咁多囉。好!睇完去開飯，又m記?唔係呀嘛你地，算算算唔理咁多去食野吧!!
|
