＊× ﹏° 駿↘〞。⇧︴℉ine。﹏×＊BLOG。﹏
星座網~~~大家一齊黎上去睇下啦~~~幾準架真係~~~
chun0086 : 個人主頁 - 相簿 - 訂閱  [ QOOZA - 論壇 - 登入 ]
chun0086
暱稱： 駿
性別： 男
國家： 香港
地區： 屯門區
«‹ June 2026 ›»
SMTWTFS
123456
78910111213
14151617181920
21222324252627
282930
訪客留言
最近三個月尚無任何留言
最近訪客
最近沒有訪客
2008 年 2 月 21 日  星期四   晴天


2008-02-21 分類: 未分類

今日唔知做咩8:00就醒左，之後係張床度郁郁下咁，咁就到左9:00，真係快呢。起身又後就一直試玩psp新game，琴晚我下載左隻新game，叫做「無雙大蛇」，係「三國無雙」+「戰國無雙」既混合版，講述有個稱為魔王既人，要挑戰三國同戰國既英雄，魔大係好強大既國家，好多既英雄武將，因之前輸左比佢依倔服係佢既手下，做佢既武將。

試完哂之後都１２點幾啦，樂打比我叫我帶錢借比佢買4GB卡，佢都只係岩岩決定好，所以冇錢係身，叫我借住比佢自。當然我一定會借比佢啦，加上佢一定會即日還返比我既，所以３百幾蚊借比佢係冇問題，其他人就要諗諗先啦。
發表時間：2008-02-21 11:03 PM  [ 訪客留言(0) ] [ 編輯日誌 ] [ 分享至FACEBOOK ]


2008 年 2 月 20 日  星期三   晴天


2008-02-20 分類: 未分類

今日我８：１０先出門口，不過幾時出都好唔係８：３０就一定唔會遲到，今日中文堂要分組傾下次既專題，呢一次我地換左人，我同琳琳仲有winnry+一個叫「阿邦」既同學，佢最近同左我地一齊坐，可能因為我同佢傾得上口啦，加上打機方面都有講有笑，不過佢大我幾年。

今日我終於成功下載到「越南大戰」返黎玩啦！好開心呀！真係開心到連功課都唔記得拎呀！慘啦呢次！次！次！

依加真係越黎越頂果個肥香唔順，佢琴日有份一整去打機，同佢我玩瑪麗奧賽車，係我輸左，不過只係輸小小，點輸小小呢？佢只不過係用道具同我打o者，唔係技術上贏我，佢玩多過我幾次睇落經濟多過我，但可惜我係即時性發揮。佢贏左我之後就係度串嘴，笑我冇可能贏到佢，哈！咩叫冇可能？佢只不過係依賴道具既幫助，先至贏到我小之有小既小小。

之後今日我係上堂之前玩緊隻越南，因為太耐冇玩關係，技術上差左好多好多好多，條友就係我後面見我死一次就話好廢一次，你老板都算啦唔鬼理佢啦，之後仲要阻住哂，本身打算同湶+麟+阿邦三個一齊玩psp，條友竟然阻左湶部psp黎玩，仲要學人扮勁咁幫佢過關拎人，我為左要佢交機，我就連串式問佢問題，問佢識唔識用連技呀？過左一關之後拎幾多％完成度呀？果ｄ啦，佢比我問到冇野好講，乖乖交機比我地幾個玩，當然我地好公平，邊個輸左同有人想玩既就會比人，佢又有份接手玩，可惜只係一個冇用既傻仔，之後今日放學果時我諗緊，點解我唔同佢講聲：「肥香，你真係除左瑪莉奧"街機"賽車之外！就真係冇其他野有"可能"贏到我！」

或者下次我真係會咁同佢講，只要佢再一次係我面前扮哂醒既話
發表時間：2008-02-20 11:03 PM  [ 訪客留言(0) ] [ 編輯日誌 ] [ 分享至FACEBOOK ]


2008 年 2 月 19 日  星期二   晴天


2008-02-19 分類: 未分類

今日終於都到中文考試啦，不過我都係同之前一樣，完全冇溫習過，衝入去考天才波。

今日上完英文堂就到左普通話堂，普通話老師又一次提早放我地，都唔明白點解佢可以教得咁快，事關我地今日係４：１５先考試，比佢早一早放就變左要等３個半鐘，真係長既時間。

同樣８個人返左去葵芳，係果度食完野之後，就成班去哂打機，入到去玩左陣之後，見到自己班ｄ人，差唔多有半班啦。係果度我同湶兩個玩左場瑪麗奧賽車，之後有個叫「阿爪」既女同學話要同我玩，我當然有同佢玩啦，好幸運係我贏左，不過贏左女仔會比人打下架！

之後玩左一陣其他既，佢又叫我去玩，當然又係應左佢同佢玩啦。喂！你班人洗唔洗跟住我睇戲呀？佢地叫我唔好贏咁多，贏小小就夠啦，結果我真係贏左佢小小喎，同之前樣贏左會比人打下先，玩多陣就返去考試啦，我地仲慢慢行４：１５先入去禮堂，冇多冇少時間岩岩好。

我地既中文考試卷，其實真係唔洗溫，因為份野比中一至三都會識做，係簡單到阿媽都唔應得呀！大多數唔識既都只有係唔記得左個字點寫，真係好鬼死白痴，不過好多人都係咁，唔記得左ｄ字點樣寫。
發表時間：2008-02-20 10:47 PM  [ 訪客留言(0) ] [ 編輯日誌 ] [ 分享至FACEBOOK ]


2008 年 2 月 18 日  星期一   晴天


2008-02-18 分類: 未分類

琴晚完全冇訓過，因為一直係度上網睇野。今朝返到去學校，等左陣就見到湶，佢終於買左psp，同埋佢個價錢比我既平好多，因為佢配既係４GB卡，都只係千７蚊到，但我地之前買要千８蚊，仲要只係得張２GB卡，計落條數佢真係平好多好多。

９：１５到有人上黎課室門口，係門度貼左一張紙上去，上面寫住「1N班同學，因為老師請了病假，所以今天的英文堂取消。」喂！1N班咪我地囉，有冇搞錯，又唔早Ｄ貼上黎，之後打比其他人話佢地知取消，不過Ｄ人早就慢慢返緊黎。之後我地決定去飯堂坐，係果度足足坐左２個鐘，終於都要上電腦堂啦，各位起行吧。

食日好累，應該係因為冇訓覺既關係，返到屯門樂搵我去食野，食完野就上左我度，我同佢打左場遊戲王，第１場原先係我優勢先，點知比佢逆轉左局勢，到最後我又再逆轉局勢，結果佢場地比我清空哂，咁就贏左啦。同佢玩真係開始難打，因為佢慢慢變得更強，加上我今日幫佢組左一套水屬性卡組。果套卡同我之前用既，加埋佢所用既都好唔同，可以係一套好難對付既卡組，只要再多一D有用既卡就可以變強，呢套係佢第１套人手組出黎係４０張卡，佢平時組好多卡，一套卡有成５Ｘ∼６０到，真係想冇命咩。
發表時間：2008-02-19 12:45 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 2 月 17 日  星期日   晴天


2008-02-17 分類: 未分類

今日好正呀！我成２點半先起身呀！呵呵呵！一起身洗完面就去左ｍ記搵我呀爸。係ｍ記度見到表哥同姑媽佢地，我同阿爸食完野就同姑媽上左去佢屋企，上去佢度幫佢睇睇個門鎖，話奇左型喎，開唔到門，唔知點解。

上到去開工，阿爸大算試下開扼鎖落黎，但因為螺絲問題，所以好難開到，但比我成功開左粒出黎，之後果幾粒都係由我黎開，終於成功開哂出黎，睇左睇又測試下，發現一樣野，把鎖正常冇事完全冇問題！咁o者係話，問題只係在於佢地本身自己，佢地錯手上左鎖，安全鎖果ｄ野。

再幫佢裝返上去，只係換左ｄ新既螺絲，就咁成功解決問題，幫姑媽節省左百幾蚊，上面搵人睇好貴，加上人地唔會理你有冇壞，直接幫你爆完再買把新既上去，起碼要２百蚊呀。
發表時間：2008-02-18 01:50 AM  [ 訪客留言(0) ] [ 編輯日誌 ] [ 分享至FACEBOOK ]


« | 4 | 5 | 6 | 7 | 8 | 9 | 10 | 11 | 12 | 13 | ... | 34 | »