＊× ﹏° 駿↘〞。⇧︴℉ine。﹏×＊BLOG。﹏
星座網~~~大家一齊黎上去睇下啦~~~幾準架真係~~~
chun0086 : 個人主頁 - 相簿 - 訂閱  [ QOOZA - 論壇 - 登入 ]
chun0086
暱稱： 駿
性別： 男
國家： 香港
地區： 屯門區
«‹ September 2026 ›»
SMTWTFS
12345
6789101112
13141516171819
20212223242526
27282930
訪客留言
最近三個月尚無任何留言
最近訪客
最近沒有訪客
2008 年 2 月 11 日  星期一   晴天


2008-02-11 分類: 未分類

今日12點幾先起身，之後洗左個面就搵野食，食左件朱朱力蛋糕，就開電腦上網睇陣野，１點幾到阿爸放早返到黎，搵左ｄ意粉黎食，之後就繼續各有各打機。

４點幾到樂打黎話轉頭落黎，５點幾落黎坐到６點就一齊閃人，今日我地成班６個人約左一齊出去睇戲，去凱都睇果隻三級片，唔好誤會唔係果ｄ野，我地去左睇果套「魔街理髮師」，一套稱血腥既三級片，入場果時話要比身分證，要年滿１８歲先比睇，不過其實冇人會要你比身分證，只係同你講聲o者。

果套野背影係倫敦，一位理髮師既報仇行動，但可惜最後亂殺自己既愛妻，更加差少少殺左自己既女，但結局係佢都死左，比一個細路殺左，果個細路點解要殺佢？自己去睇啦，記得要１８歲先好睇呀，不過我就覺得呢度野唔多好睇，入面ｄ人成日係度唱歌，真係煩鬼死人。
發表時間：2008-02-12 01:58 AM  [ 訪客留言(1) ] [ 編輯日誌 ] [ 分享至FACEBOOK ]


2008 年 2 月 10 日  星期日   晴天


2008-02-10 分類: 未分類

今朝9點幾就起左身出去，當然係去問人展啦，坐258D出去到九龍灣落車，之後再轉塔直通穿梭巴士到達會場。佢今次分左兩個地方做展覽，相對下變得大左，但咁多人大唔大都冇咩分別。

我地４個人決定分頭行事，單獨上陣，但今年既野都冇咩吸引，結果我咩都冇買到，但睡魔佢地就買左好多，不過都只係紙袋同海布。睡魔買紙袋都用左成３百蚊呀！癲架！

係果度留左好耐下，之後４點幾５點到就閃人，佢地３個就返屋企，我就係九龍灣食左陣野先，其實我由朝早開始就冇食過野，不過衰得我冇趴低。

食完野，就去塔地鐵，塔去鑽石山，因為今晚阿婆生日，所以要係呢度食野，但因為係７：３０到先有位拎，所以我就自己一個人係果度行左成個半鐘，不過其實果度都冇咩野好行。

終於等到食飯時間，終於可以完全咁比條腰休息下，行左成日唔累先出奇，行成日都唔累既內功，我自問咪到家。食完飯有專人開車送我地返屋企，開得好鬼快，所以都好快就返到黎，真係如果坐巴士既話，我諗我都只係岩岩先返到黎沖完涼。
發表時間：2008-02-11 12:37 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 2 月 9 日  星期六   晴天


2008-02-09 分類: 未分類

今日起左身之後就去食野，食完野就去左青松觀，拜下神之後同阿爸去左健生，去睇下ｄ電腦舖有冇開，因為出面部電腦唔知做咩死左，入面咩都冇哂，所以要換過哂ｄ野。

等左個半鐘之後，終於收到電話，部腦終於整好哂，阿爸去拎返黎，打算整返好ｄ野果時，發現好有問題，打開部腦一睇，原來個老板上左螺絲，搞到成日一插線就熄機，真係比個老板激鬼死。

今日都係冇咩野做，係屋企打機，不過係掛機多過打機。睡魔，你聽日係唔係去同人展架，記得早ｄ搵我呀！！
發表時間：2008-02-10 12:11 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 2 月 8 日  星期五   晴天


2008-02-08 分類: 未分類

今日12點幾先起身，之後就去左姑媽度，打比細姑媽，佢地入緊黎，坐多陣之後我就同表哥去左茶樓拎位，好多人呀，成１３個都唔係好夠坐，唔夠大呀。

食完野分兩邊走，我地就同麻麻返左我屋企先，姑媽佢地就之後先上黎，到左姑媽上黎果時，表哥打比我叫我去佢地果邊，因為姑媽佢地要打麻雀，所以去姑媽屋企集體打機，事關大表哥都黎左，所以叫我去玩PSP，不過係唔係都會玩PSP，因為我"二生"一定會叫我黎幫手打野。

一直打，打到部機冇電，不過唔係我冇電。之後打比屋企，問阿爸幾時去食飯，阿爸話差兩會合，所以我地就去左搵位先，去左煮樓度食。不過我地一去到就搵到位啦，因為果個時間冇咩人係度，打比阿爸佢地，等左陣佢地就黎到啦。

食完之後大表姐成家返左屋企先，姑丈就叫細姑媽留低，之後表哥都跟左我地返屋企，繼續打咪打完既麻雀，１１點到表哥同麻麻返左屋企，細姑媽同姑丈就繼續同我阿爸阿媽打，我就自己係房度試NDS，玩玩下我發現原來已經係２：３０，真係快樂不知時日過呀。
發表時間：2008-02-10 12:06 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 2 月 7 日  星期四   晴天


2008-02-07 分類: 未分類

各位新年快樂呀！！！！！！！！！！！！！！！！！！！！！！！！

今朝我11點幾先起身，之後洗完換好哂衫，就成家出去阿麻度，係阿麻度留左一陣就要出去將軍奧，去我阿婆度，真係麻鬼煩，住咁鬼遠做咩野，次次去都一齊食野，仲要次次都唔同地方，想搵死人呀！

食完野就上左阿婆屋企，坐左一陣之後就去左細姑媽度，大表姐其後上左黎，成班一直傾計，我同大表姐傾傾下傾到男女關係，真係長遠既話題，之後同佢兩個仔傾，佢地同大表哥玩緊ｐｓｐ，兩部機最細既得個睇字，咁佢兩個係度玩咩呢？仲有咩玩呀，咪又係MHP2，你兩個真係呀，玩左咁耐都同之前差唔多，都係亂咁黎，大表哥果部機仲要打打下冇電，真係笑鬼死人。

去完細姑媽度之後就返去阿婆度，因為今晚係佢果度食飯，都只係少少既飯菜，食完飯坐多陣就閃人，返到黎屯門已經係10點幾啦。沖完涼打陣機先啦。

聽日仲要去大姑媽度呀，不過好近o者，有幾近呢？知希希住邊既咪知有幾近囉。
發表時間：2008-02-07 01:39 AM  [ 訪客留言(4) ] [ 編輯日誌 ] [ 分享至FACEBOOK ]


« | 6 | 7 | 8 | 9 | 10 | 11 | 12 | 13 | 14 | 15 | ... | 34 | »