＊× ﹏° 駿↘〞。⇧︴℉ine。﹏×＊BLOG。﹏
星座網~~~大家一齊黎上去睇下啦~~~幾準架真係~~~
chun0086 : 個人主頁 - 相簿 - 訂閱  [ QOOZA - 論壇 - 登入 ]
chun0086
暱稱： 駿
性別： 男
國家： 香港
地區： 屯門區
«‹ October 2026 ›»
SMTWTFS
123
45678910
11121314151617
18192021222324
25262728293031
訪客留言
最近三個月尚無任何留言
最近訪客
最近沒有訪客
2008 年 1 月 12 日  星期六   晴天


2008-01-12 分類: 未分類

睇黎我琴日玩瑪奇玩得太開心，玩到今日起身果時一直都係夢瑪奇夢，但又可能係我玩上腦，呵呵。

今日我醒左４次，第１次係係９：３０果時醒左，但因為呢幾日都好累，所以又訓著左。第２次醒左睇睇時間，原來係１１：３０，太唔多想郁，轉轉下又訓左。

之後２：３０果時又醒左，諗緊冇人係屋企咩？冇人叫我。諗諗下又訓鬼著左，４：００真係起身啦，睇左陣電視，阿媽打黎叫我去食野，原來佢去左大學，開放日喎，又關你事！之後就去左食ｍ記，又見到阿ｂ，阿ｂ！你搞咩黎呀，做咩整喊個豆丁！哦，唔小心整倒杯水呀嘛小事ｏ者，不過人地阿媽好大反應下喎，算啦，媽愛呀嘛，呵呵。

晚夜食完飯，一直苦練mhp2，因為紅叫我快ｄ升hr6喎，好啦，升就升啦，反正停左係hr4都好耐下，係時候比人睇下我既能力啦，哎呀！又死左喎！。
發表時間：2008-01-13 01:59 AM  [ 訪客留言(2) ] [ 編輯日誌 ] [ 分享至FACEBOOK ]


2008 年 1 月 11 日  星期五   晴天


2008-01-11 分類: 未分類

今日返到學校，發現咩人都冇，之後行去課室門口睇下，點知發現原來入面有人，今日ｄ人比平時遲左先返，都差唔多阿ｓｉｒ黎左先開始多人返黎。

返到黎就同ｄ同學玩mhp2，之後就做阿sir叫我地做既野，又係分組諗隻game出黎，我地果組隻game既元素雖然都ｏｋ，不過報告果時先發現，留左ｄ結論同理由，搞到個報告好快就完左，衰哂呢次。

回報完自己活動，原來今日我班有６個人帶左psp，６個都有玩mhp2，就決定分兩組，３個人一組，結果我就打最多果個，因為打完一次之後我轉左去隔間，不過咁咪仲好玩，同唔同既人合作下，感覺上都唔錯呀。

返到屋企之後，就一直玩psp，有種決心要完成哂佢。食完飯上瑪奇，因為改左版，所以有好多新野玩，一直玩玩，一直坐船，終於拎到關鍵字啦。

因為新改版，所以有好多新野送，同有ｄ係比新手用，真係好想搵ｄ人黎一齊玩呀，有冇人同我玩呀？
發表時間：2008-01-12 02:18 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 1 月 10 日  星期四   晴天


2008-01-10 分類: 未分類

今日9點幾就醒左，之後就一直係度睇動畫，因為我係成套下載，所以下載左好耐，加上本身套動畫好耐下，係難下載d架啦。

睇睇睇，無啦啦有兩個傻人打電話黎，問完我幾時生日之後，又問我記唔記得佢地叫咩名，仲話答中有禮物，完全唔知發現咩事，只係可以半信半疑。

繼續睇睇睇，睇哂成套之後發現2點幾啦，就換衫落街食野，食完野行左去健生睇野，行左一圈就返左屋企，繼續玩三國無雙，又上身啦玩到，打咩關都好，理佢係唔係赤壁之戰呀!!都要清佢全場!!爽呀。

瑪奇終於改左版啦，不過因為太多人更新，所以今日都一直等佢更新，完全冇玩過，只好繼續psp啦。真係好想有人同我玩呀...可惜一直都搵唔到幾多個...唉...

最近晚晚都好討厭，發夢都唔知點解會見到佢，仲要醒返果時嚇親，真係好想搵人幫下我，點幫?搵咩人幫?當然係搵個另一個女生重新開始啦。不過...都冇咩可能架啦...以我呢種人...有邊個會鐘意先得架...
發表時間：2008-01-11 12:08 AM  [ 訪客留言(1) ] [ 編輯日誌 ] [ 分享至FACEBOOK ]


2008 年 1 月 9 日  星期三   晴天


2008-01-09 分類: 未分類

今日就係中文回報日啦，我地係今後既最日一組，正當我係巴士上諗緊今日要點報告果時有人ｓｄ　ｓｍｓ黎，原來係ｗｉｎｎｉｅ佢ｓｄ　ｓｍｓ黎求救，因為佢琴日係我屋企樓下整親隻腳，所以今日行路行得好慢，就叫我幫佢地去拎野，去到學校門口，等左一陣，佢地就到左啦，我就去幫佢地拎野上課室，佢兩個就行條平ｄ既路上去。

聽緊其他人回報果時我地係度傾由邊個開始先，肥香死都要開頭，唔肯講後面，因為後面既內容比較上多，不過就算多都唔會講太多，結果佢講果時９唔答８，佢講既野同內容係有出入，算啦，佢好要面就唔話佢啦。

人際關係果堂因為我冇做到份功課，所以ｍｉｓｓ叫我留低，不過都只係傾下點解冇o者，傾完咪下星期交返囉。ｍｉｓｓ話發覺我好少出聲，遲ｄ可能會搵我傾下，係，我係好少出聲，不過要講果時自然會多野講啦。

今日唔知點解，感覺好累，就連岩岩打日記都差ｄ訓著左，我睇今日都係早ｄ訓啦，有咩搞聽日先算啦。
發表時間：2008-01-10 12:11 AM  [ 訪客留言(1) ] [ 編輯日誌 ] [ 分享至FACEBOOK ]


2008 年 1 月 8 日  星期二   晴天


2008-01-08 分類: 未分類

今日返到學校又係一個人都冇，因為今日係５樓上，所以可以行出天台坐下，坐低等入課室，坐坐下肥香返到黎，條友一坐低就同我講瑪奇ｄ野，衰仔你有冇其實開場白架？之後就兩條友係度玩撲克牌，玩到夠鐘入課室都咪停手，因為岩岩湶返到黎所以叫左佢一齊玩。

當然兩堂都係發下癲咁啦，放學果時肥香、ｗｉｎｎｉｅ同琳琳跟左我返屋企，因為聽日就要交中文報導，今日點都要做好哂出黎，返到黎去左食野，食左１個鐘左右，上到我屋企，都差唔多４點啦，開工吧。

雖然係打算轉題目，但因為有關普選既新聞太難諗，所以先做兩份，以防萬一，佢地７點到先走，我就繼續整下個簡報，整完哂兩份再比佢地睇，最後大家決定做返DNA調錯嬰果個新聞，因為之後既文字報告只係冇呢篇報導有野諗到出黎。

今日放學之後就一直整中文報告，完全冇打過機，不過間中有野做下，都好過成日打機既。聽日就要口頭報告啦，睇我地點死吧！
發表時間：2008-01-09 01:23 AM  [ 訪客留言(0) ] [ 編輯日誌 ] [ 分享至FACEBOOK ]


« | 12 | 13 | 14 | 15 | 16 | 17 | 18 | 19 | 20 | 21 | ... | 34 | »