今日一早就起左身，之後就一直睇電視，11點幾打比樂，再等佢電話，12點到佢叫我打比森，之後12點半過d，森黎到我屋企，再過一陣，樂都沖完涼落到黎，好!人齊啦!起行!
我地3個去左建生果間日本野度食早餐+午餐，之後行左去寶田，坐260x出去紅碪火車站，之後行返去對面既都會廣場，估唔到一入到去，就係我地今日首個行程地點「小型高達展」。我地係果度留左好耐，睇左好多野，又傾左好多野，但我依加先諗起我唔記得左影相。
之後我地就決定去銅鑼灣，去到銅鑼灣已經係6點幾，咁岩係入口度見到我爸媽，真係有趣竟然咁都會遇到，仲要係一齊入場，不過我地都只係各行各咁，之後又係食野果度見返面，因為所有人都一定會去果度食野。
食完野又係咁行，行行行，我地3個已經行返去出口，最後都係決定左出去，因為反正都冇野好行，去左隔離商場，唔記得叫咩名，本身打算去搵洗手間，搵完之後行左個圈，我地見到幾個公仔，係女生公仔黎既，不過大家唔會依加我地變態，我地係比佢果d手工吸引到，好細緻既手工技術，單單一個餐廳模型，只要睇一睇餐單就會知佢有幾細緻，真係好吸引，不過主要吸引既係我同森，樂就對其他比較有興趣，不過來來去去都只係高達啦。
就咁係果間野度停留左半個鐘，終於都睇哂間店舖既野，係時候閃人啦，跟返條路行，又見到d有趣野，都係果類型啦，不過呢次係雜誌多，都有小小既公仔商品，又係咁睇睇睇，就過左半個鐘，最後決定去搵野食。
去左一間叫「八八八拉面」既餐廳食野，話明拉麵就緊係日本野啦，入到去看到間野好細間，所以都等左好耐位，就咁睇上去d野食都好大碗，d飯都好大碟，跟味千黎比較，呢度既麵同湯好味好多，價錢就冇咩分別，都係差唔多咁上下。
食完野搵路走，點知行行下失憶，唔認得d路，又唔知行邊度先岩，打完電話比阿媽問問路之後，都係一直搵，結果都搵左幾分鐘，加上係夜晚，就更加唔認得d路點行，好在有樂同森係度，因為就算唔識都唔係得自己一個人，心諗如果係我自己一個人既話，我會唔會真係感覺到好驚同無助呢?我諗多數會，不過就因為今日既事，我又進步左一點點啦，進步咩呢?就係我認路上既能力，至少唔會因為唔知係邊以感到無助。
返到黎落車發現，時間係12:12，加埋今日係12月，正正就係3個12，以我地又係3個人，食野果度又係3個8，咁多3個3個，會唔會意味住某d野呢?可有可冇，也有可能只係一個人既多心，但人生冇野擔心，我諗果個多數唔係人黎。 |
呢個係我既咖哩飯，個樣都唔錯架。
紅既特裝牛排飯，好高呀。
呢個係漓既，d麵飯係隻蛋入面架。
仲有漓個豆腐芝士蛋糕，下面果d係朱朱力黎架。
放大ｄ比大家睇下啦！！
我件最愛既迪甲呀＞ｗ＜""""
我件新衫衫。