今日10點幾果時阿媽打黎，問我去唔去新會開放日，又叫我叫埋豬仔一齊去，不過豬仔掛住打機唔肯出去。之後發現堅係屋企，不過都係冇理到，因為我睇緊電視，睇果度咩森林公主，同阿媽一樣，有野睇就睇，理得佢好唔好睇，雖然都幾好睇。
堅無啦啦打左電話比我，問我係唔係去開放日，我又問返佢係唔係去，佢答左話去，但係佢過左黎我度果時，佢竟然問我玩唔玩瑪奇，我又問返佢，上瑪奇玩咩？佢答左我唔知咩野，結果搞左一輪，就冇去到，不過反正都冇咩野玩，成１２點幾先叫我去，不如唔好去。之後阿媽買左M記返黎比我，仲話堅放佢飛機（呢句我改左）。
一直都係係屋企同佢地玩，不過我發現都係各有各玩，改下先，黎，一齊拎卡玩過死既！為咩係玩過死既，我都唔知，諗到咩講咩，收正都係廢話黎。
下午果時同紅傾下MSN，之後佢同我講漓返左黎，我就問幾時返左黎？佢話佢都唔知，只知佢返左黎好耐，阿！做咩唔同我講佢返黎，等我去接下機都好呀。可惜漓佢果時唔知去左邊，所以只有我同紅傾，之後發現紅上左瑪奇，就同佢一齊去左打地城，因為玩野所以死左一次。因為紅要去補習，所以得我自己一個繼續打多次，打完出黎，冇人同我去玩，為有掉哂佢啦，去左搵公會D朋友（應該係叫公會人，唔應該叫朋友），同佢地傾傾傾，傾黎傾去都係講D裝備顏色，有時又唔知佢地做緊咩，真係唔知點好。
真係真係好想搵到幾個識得既人一齊玩，但我識得既人又會同我玩咩？係，雖然依加有肥香同我玩，但一D都唔好玩，佢對自己既能力係我面前打自大啦，成日都做D我最討厭既野，加上佢又唔係上哂成日喎，佢話佢阿爸係度夜晚唔比玩，所以同佢玩既機會都唔係好多，公會D人又唔識既，聽佢地語法，就知個個都認為自己好勁，太無聊啦佢地。
睇黎最好既就只有果幾個人，係邊幾個？有人會知，有人會明，都有人會唔知，同有人會唔明，但我相信果一個人會知道我講緊佢地。 |
