最近有人跟我說了這句話，
不試又怎會知成功與否？
不要做一些會令自己後悔的事。
這句話過去也有人跟我這樣說過，
不只是一人，好多的人都會叫你這樣做。
但現今說過這句話的人，
只有兩個是我還記在腦海中。
呢個咁既日記...我已經唔打算繼續落去啦...因為...
呢一度已經失去左佢存在既價值...不再有佢應該存在既地方...
就此比佢慢慢地...隱密地...版人們忘記吧...
當世界中沒人再理會你每天的生活時
你只能夠回到過去的你
做點那一個不把自己每天的事情分享給別人的你
因為沒人理會你的時候
就算你如何分享給別人知道
也不會有人主動去理會你的存在。
今日8點幾就醒左啦，洗完面刷完牙，開電視睇下。阿媽起左身之後，佢就去左學校，但唔知佢去學校做咩野，不過都唔想理咁多。佢去完學校之後左上黎，之後同我一齊出去市中心，同埋阿爸一齊食野，去左食上海婆婆，好神奇我地又坐返上一次黎既果一個坐。
食完野就去左百佳買野，都只係小小野黎，齊齊返屋企，不過阿媽去左街市買野，我同阿爸自己返左去先。
返到坐左陣開電腦玩，不過都係冇咩野玩，過左陣紅上左，搵我同佢一齊升lv解任務，當然冇問題。之後佢阿哥返左黎，所以off左啦，我就自己一個繼續玩，順手整ｄ藥返黎食。夜晚果時佢又上左叫我啦，但因為我雙開緊，同掛緊機，所以唔知佢上左，佢仲叫我做雙開怪呀！
星期六原先比個電話嘈醒左，之後趴趴下又訓著左喎，訓下訓下咁就到左２點，時間過得真係快，快到亂搞呀。
之後同阿爸去左健生食野，食果間見一麵，因為佢咪去過，所以叫我同佢去下，事關我琴日去過黎呀嘛。都係食返XO醬炒麵算啦，夠好食呀嘛。
食完野就返屋企啦，坐左陣玩陣PSP，之後紅搵我，佢問我一唔一齊上幻想校園，係呀，佢比我捉左去一齊玩呀，當倍下我玩都好呀嘛，加上佢自己日日玩PSP都玩到有ｄ悶啦，係時候搵ｄgame黎打發下啦。
同佢一齊開左個新ac，證明左樣野，兩個人一定會快過一個人解任，真係諗返起我之前一條友升得幾辛苦呀，依加多個人一齊打真係又易又快好多呀。
今日係星期五，所以今日要上選修堂，上半堂阿sir叫我地分好組，之後就開始傾下我地個組專題要做咩類型既game，我一樣同湶一組，另外兩個係隔離班既人，當然都係同一個選修科啦，一個係我地較為熟悉既同學，另一個係最近先開始同我地一齊玩既人，以我地咁既人當然唔會傾得幾耐啦，不過大至上都傾好哂要諗既野，依加只係差可唔可行既問題。
傾傾下就到左12:00，放食飯啦，去邊食好呢？落緊雨都係唔出去食啦，成班一齊去飯堂吧啦。咩話？下半堂又唔洗返？又去搵資料呀嘛，真係去邊搵呀？
同上次一樣，半堂就放我地，都係要我地去搵資料，不過呢次係最後一次，下堂就要上返６個鐘，因為下堂都差唔多要做野啦，為我地最後既功課以努力呀嘛。
