今日係星期四，同平時一樣，因為冇堂上所以唔洗返學。
７點半到醒左醒，之後決定再訓一陣，因為最近訓得唔係咁足夠。
之後１０點幾起左身，刷完牙睇左陣電視，１２點到就出左去食野。
同樣去返三聖樂果度食野，同埋有一陣陣既野心想再見到琴日果個太太，心入面好想再一次見到佢，原因係我想親眼見到佢比我取笑既樣，同埋我好想好想當面同佢講，我仲有權力反告佢既機會，但其實係琴日我就已經好想好想同佢玩大D，無論點贏既會係我。
食完野就去買返我琴日點買到既野，因為冇錢係身呀嘛，買完野就行去塔車，決定坐巴士返去，因為巴士比較近。
之後返到屋企冇野好做，所以就玩左一陣PS2，之後樂放工返左上屋企沖涼就落黎我度，要幫佢細路整返好個PSP，因為中文名關係佢玩唔返舊既GAME，所以要幫佢改正返哂D野。
期間我同樂傾緊計果時，我阿媽打左個電話比我，好平常問我係邊做緊咩，傾左一陣就收線。過左一陣佢又再一次打比我，佢問我呢幾日係唔係係同一部”提款機”度拎過錢，好平常平氣問佢「做咩咁問」，佢冇直接答我問題，只係講佢岩岩打完簿，”查”到我係呢幾日拎左７００蚊出黎。
單單係呢一度就好明顯知道一件事，佢查緊我有冇拎左４００蚊走，單單一句話就可以知道佢呢意思。直話直說，用一般重語氣問佢為咩野要查我係唔係拎左７００蚊，佢反罵我一句問我做咩用咁既語氣同佢講野，我冇回答，當然唔會答佢，唔通話我鐘意咁樣咩？
正常好多人都會低聲下氣解釋，但我冇咁做，反而係再用更大既語氣講：「你一向都唔會問我為咩拎錢，同埋係同一部機度拎錢又有咩咁出奇？你為咩野要知道過中既事情？你根本唔相信我冇拎到人地D錢！」
單單講完呢一句，佢語氣改左，變返平時普普通通既語氣，佢再講佢只係想知道下咁，但我同樣唔會答佢，最後佢決定收線唔問咁多。就算唔係都可以懷疑，佢根本就查緊，佢私下查緊我做既野。
今日係屋企冇同佢講過D咩野，一直到依加，阿爸一早就訓左。
岩岩沖完涼出黎，本身沖涼果時一直諗佢唔會咁做，但可惜現實係冷酷架...我銀包放置既位置同方向...改變左。拎住個銀包，拍左一下台，等左陣佢起身望入黎問咩事，我只係答左佢一句「無野」，呢兩個字就係我今日係屋企同佢講過既說話。
之後我順手將房門關上，過左幾秒佢開門再問一次咩事，我冇出任何聲音，過左陣佢開口話佢岩岩入黎拎左D野。
白痴！！佢係冇可能扼到我！！係冇可能呀！！現實中冇咩人可能咁簡單就扼到我！！我房入面根本就冇一樣野係拎走左！就算真係拎左野，佢都唔會就咁坐係度睇電視！
我一直唔出聲，佢開口講：「依加我係唔係唔可以知道你做緊咩，係唔係唔可以知道你點解係呢兩日內拎左咁多錢，係唔係關心下都唔得呀？我點知你係出面發生咩事無啦啦要拎咁多錢。」『不打自招』
真係唔明白點解佢要咁樣做，就算係關心都應該光明正大D，冇任何閎理由佢要做一D咁樣既行動黎表明佢背後既關心。最後佢講左句話：「依加你已經唔當我地係你父母，係出面要接氣，返到黎要睇你面色，仲慘過要你養。」佢講完就走返出去睇電視，點解會同阿爸有關？唔通佢又有做一D同似你咁既事咩？有冇當你地係我父母，大家都好明顯知道，就算我真係唔當你係我阿媽，都只會係你自己做成，係你既行為令我失去對你既信任，一切既負面結果都係由你自己一手造成。 |
