係APM見到權權....平時見到小學同學多數只係hi~
今日見到佢...竟然大家一齊行...傾左陣計!唔錯唔錯!
體能又要跑步!跑上秀茂坪!不過我多數都係行...哈哈! 上星期六去酒樓食公公既生日飯(舊曆)...我舊曆同佢一樣嫁...我都有份...嘻嘻! 今日就食婆婆既生日食(舊曆)! 因為我下星期六生日... 佢地班大人叫我下星期六擺返幾圍桌子!哈哈 今日既壽包好大呀!嘩
兩個測驗...一個IES一齊黎! 數學同物理測驗....又要交IES!一個IES已經用左我好多時間啦! 終於KO左啦!YEAH 原來d人係隻耳仔隔離...好近咁講野...係好痕嫁! 景瑩今日就係咁.....我覺得好痕!仲痕過吹耳仔! 佢係我隻耳仔隔離講野....維持左好耐! 之後冇講果陣...隻耳仔都仲有種唔知點講既感覺! 秀恩好中意係我冇留意時拎走我d野! 之前俾佢玩過好多次....嚇到我以為唔見左! 上化學堂突然又唔見左枝鉛芯筆~ 我找一找....靈機一動!叮.....係佢... 我隻手拍係佢本書上面...望住佢!佢又望左我一下... 依...佢完全冇笑...冇反應!唔通唔關佢事... 我就找一找時...見到佢忍唔住笑....真係佢拎左! 如果唔係佢笑...我仲以為自己怪錯左佢! 成日係街都見到有d狗個頭帶住個大喇叭....我一直都想知有咩用! 但係好多人都解釋唔到俾我聽~ lunch我問秀恩點解...佢話要令隻狗既聲音大d! 咁又係...可能隻狗既聲帶有問題...唔夠大聲! 我就話:「以前問左好多人都冇人可以解答到我...而加終於有人答到啦!」 過左差唔多一分鐘...佢就話佢講笑咋!佢忍笑忍得好辛苦~ 唔係呀嘛!我仲信到十足十....原來係假嫁!Oh no~ 好彩mini都答到我...總算知道點解!
今日係我既舊曆生日...
上年舊曆生日果日係棗欣提我..我先記得知!
前幾日我已經同佢講今日係!
點知今日又係佢同我講生日快樂先!我諗住我講先嫁嘛!哈哈
今朝唔洗測驗....有35分鐘睇報紙..不過去到最尾大家都係度傾計! hea既時間真係過得快同開心!haha 雖然依個場景係好平常...但奇怪地有種由心笑出黎既感覺! 果種感覺...真係好難形容!係完全阻止唔到!
中文測驗...第一次覺得文言文係易過白話文!正常黎講係唔會嫁! 而加差唔多個個星期都要測數學! 阿sir又講下個星期要測...不過未諗到測咩好~ 我就話:「諗唔到..咁就唔好測啦!」 阿sir就話:「好啦好啦!盈姐話唔測就唔測啦!你地快d多謝盈姐!」 成班就好多謝我啦!哈哈 之後阿sir話有份工作紙...唔知俾我地當測驗定功課好... 我又話:「唔好當測驗啦!俾我地當功課返去做!唔係唔係...係俾我地自己當練習咁做!」 自己當練習咁做...姐係唔洗交...可以唔做!哈哈 阿sir之前俾左好多份工作紙都係自己當練習! 阿sir聽完我講....真係冇我咁好氣!嘻嘻 大家都好多謝我呀!又唔洗測驗...又唔洗做果份工作紙!YEAH 有機會返教會唔係必然...可以開開心心咁返教會更唔係必然! 不過有時真係身不由己!
肩膀痛...腰痛...腳痛! 而加訓教轉身果陣...條腰都好痛! 隻左腳近依幾個星期...都痛痛地..有種唔知點講既感覺!都唔知咩事~ 上堂向來多數都係孖堂...加埋一個鐘四個字! 沉日上堂...坐坐坐坐坐...坐咁耐! 一落堂...起身!條腰好痛!連行路果陣..都要隻手撐住條腰! 不過今日都好左d! 姑姐今日上左黎我屋企...買左雞蛋仔...好好味啊! 佢仲提前俾利是我(生日有利是收)....好闊佬呀!
