大嘉豪同慧芯今日結婚...中午去左佢地既婚禮!

之後返bb....唔洗體能...係急救..好野!

剛剛星期三考跑步...兩次都要盡爆!

弄到第二日就開始痛...今日都好好多啦!好過前兩日啦!

不過條筋仲係好緊...好彩今日唔洗跑姐!

今晚電視播..Twins人人彈起演唱會!

姐係上年我生日果日...我第一次去睇既演唱會!Yeah~~

lunch...miss張請食pizza!因為我果組同另一組勝左!

我地幾個人一邊食一邊傾計...好開心!

miss張勁好人...勁得人愛戴!

我地食野果陣完全當佢係朋友...好多野都講!好開心~~

miss都知道我好大食!哈哈...佢地其他人都知!

又是開心的一天!

今天又是好的一天!

頭兩堂...阿sir冇返!唔洗上phy~

第3堂既英文堂去禮堂(有書展)...第4堂就上返課室!

不過miss去做身體檢查...又唔洗上英文~

第5堂中文就對答案...對左成堂!

第6堂係中文堂...又去禮堂睇書!

最後既7,8堂係通識....向來都過得好快同開心!

成日都冇咩點上堂....過得又快又開心!YEAH~~

PE堂要考試..考跑步~跑60m..兩次..不過條路係向上斜!

我跑緊果陣..廢柴係度引我笑!其他人都跑得好好笑..哈哈!笑死我啦!

景瑩話我跑得勁快....其實都只係快其他人2秒姐!

跑完之後好口渴...飲左瑋婷支水一啖!

佢話$5書香卷...飲得一啖水!(我俾左$5書香卷佢)

一啖水$5..好貴姐!飲多幾啖先....飲得太大啖...d水係個口度未吞..依個時候...

廖雯慧用手指楝左我塊面一下...d水噴左出黎...

瑋婷果陣係我旁邊...好彩冇噴到佢姐!

數學堂有教統局既人黎睇堂...

阿sir未黎到..我地就自己入哂課室...平時都係咁!

不過...如果冇老師既指示下...我地係唔可以擅自入課室嫁!

我講完之後...成班一齊出哂去排隊...好齊心呀我地!

阿sir叫我地做下數...之後叫人出去做!佢講完之後..

我地就呆左咁四周望...首先而加教緊M2既野..比較深..好多人都唔係好掂~

其次...阿sir從來都唔叫人出去做數!

阿sir冇啦啦叫我出去做!佢地話都預左叫我..好彩我都識做!

不過我都係第一次出去做...平時都冇依回事!

我做完之後...阿sir竟然話:「我地睇下周同學既答案」

周同學...我呆左!有d人都笑左!阿sir又係從來都唔會咁叫...

總之今堂就好多好笑野啦!

Rita冇啦啦同我講:「我地幾時一齊去犯罪呀?我地好耐冇犯罪啦!」

我:「下....犯罪???我幾時同過你一齊犯罪?犯咩罪?」

原來唔係'犯罪'...係'飯聚'!哈哈

我發覺我自己係一個快人快語..直話直說既人!

好容易係人地面前講左自己既心底話...衝口而出!

我向來都唔係中意數學...數學勁唔代表中意數學..依樣野我講左無數次!

之前果排不但唔中意數學...仲好憎數學...正確黎講係憎計數同做功課!

我竟然好直接咁同阿sir(教我數學)...話我唔中意上數學堂...唔中意計數..唔中意做功課...

Oh...no....阿sir到而加仲記得...

今日到Rita講野...講講下就講左句...「撻我個朵」...

原來有好多人都唔知'朵'係解姓名~

唔計我同Rita...我問左8個人...有6個人都係未聽果個'朵'字...

依個字我都唔知幾多年前已經聽過...佢地竟然未聽過!Oh~~

d大人成日話生飛滋係因為上火...我信到十足十...

其實係因為上火..令d肉腫左...容易咬中...咬中就會生飛滋!

弄到我一直以為上火就會生飛滋....誤導左我咁多年!